حركة إنشالله تكون فيها فكرة جديدة وتعجبكم ..!!

السلام عليكم ... :)

شباب أنا عندي لومينا LTZ 2004 .. ولي كم يوم وأنا قاعد أفكر في إضافات من تفكيري لها ..

طبعاً لون السيارة أخضر .. أعتقد يسمونه (زيتي) ..

المهم .. قلت أنه بما أن لون السيارة أخضر فلازم أضيف شي أخضر على أنوار السيارة بس بدون ما أضرها حتى من السطح الخارجي ..

ففكرت .. وفكرت ..

وأخيراً توصلت إلى فكرة .. ماعتقد أنها جديدة تماماً .. بس فيها فكرة غابت عن أذهان الكثير ..

أولاً .. اشتريت نظارات للسيارة (أم فتحات للأنوار) .. يعني هي سوداء ماعدا الدوائر الخاصة بالأنوار فهي شفافة ..

بعدها اشتريت تظليل لونه أخضر .. واشتريت تيب شفاف (شريط لاصق) .. :)

والحين تجي الفكرة ..

من المعروف أن للتظليل إذا ألصقته على الزجاج جهتين ..

جهة يشوفها اللي برا .. وتكون نفاذية الضوء عبرها ضعيفة من داخل السيارة ..

والجهة الثانية هي الجهة اللي يشوفها اللي داخل السيارة .. وتكون نفاذية الضوء عبرها أكبر ..

وأنا الشي اللي أبغاه هو أني ألصق التظليل على النظارات من الداخل .. فلو أني ألصقته بالطريقة المعتادة .. بيتغير لون الأنوار بشكل ضئيل .. لكني استعملت الشريط اللاصق الشفاف وألصقت التظليل بالمقلوب ..

وكانت النتيجة ممتازة ..

أرجو ممن لديه الاهتمام أنه يجربها ويقول رأيه ..

وأنا بحاول في أقرب فرصة أحط صورة تشوفون فيها روعة تغير لون الأنوار ..

أرجو أن الفكرة عجبتكم .. ولا تبخلون علينا بردودكم وآرائكم .. :)

شكراً ... :cool: