السلام عليكم/
بأخش في القصة على طول
في رابع أيام العيد((الأحد)) أخذت خالي ((جاي من الشرقيه)) ووديته للغرابي عشانه كان يبغى يتعاقد مع أحد موزعي الكفرات((البعيجان)) حيث إنه يملك ورشه في بقيق .......... المهم لقيناه مسكر وقعدنا ندور شوي في محلات الكفرات
و أغلبها كان مسكر وو قفنا عند محل و نزلت أسأل عن نوع من الكفرات يبغاه خالي و أناقش اليماني فيه.
و عندما أردت ركوب السيارة و قبل ما أجلس إلا جاي علي ولد عمره حوالي11 سنه أو13 بالكثير و قعد يسلم على إيدي و راسي و كتفي و أحاول أبعده عني ما قدرت لأني خفت أرميه و يتعور و ضربه خالي بالعقال و هج الولد و هو يصيح.
و شوي و إلا راعي سكودا يعطي ورع ثاني كف و يمسح((وجهه)).
يا شباب أنا من رواد الغرابي و كثير ما أذهب إليه للسؤال ..... الخ
و لم يحصل لي أمر مشابه أبدا أبدا
هل أصبحت الشحاذه بالتقبيل((البوس)) على الأيادي و الرؤوس و الوجوه؟
هل أصبحت موضة جديدة ؟
بصراحه يا شباب لم أواجه موقف زي كذا أبدا
أنا ممكن أشوف محتاج يطلبني من برا و أفتح الدريشة و أعطيه<<<<<<<<<<شي طبيعي
لكن بهذي الطريقة !!!! ما أعتقد حتى أفكر
آسف ع الإطاله
أخوكم snow
