لومينا ولا هوندا اكورد

انا عاشق اللومينا بكل المواصفات وأنا أوقل لومينا بس الاكورد حلو عدادها مره

هذي الجمله هي اهم سبب علشأن تاخذ اكورد

اكورد بدون طقة عصا....ونصييييييييييييييييييحه اخويه والله : ابعد عن الامريكي......

الامريكان عليهم افكار عبقريه وحلوه بصراحه .....وبسرعه ينفذونها....بس لما تجي للجوده شي اكيد تلقاها عند اليابانيين....لان اليابانيين معروفين ان هم شي مقاييس الجوده في صناعتهم اما الامريكان.........حدث ولاحرج من الخرابات

انا اقول [ لومينا ] ،،

ههههههههههه من صجك تقارن لومينا باكورد 4 سلندر !!!

حرااااام علييك !!

اللومينا فخامة وجودة كأنك راكب سيارة المانية (هي اصلا مصنعة على هيكل اوبل الاوروبية ) + قوة رهيييييييييبة + رساوة تخليك تعشق السرعات العالية + السيارة وااااااااااااسعة من الداخل...

وعلى فكرة اللومينا من كثر ما هي فخمة ...حتى ال LS أقل فئة ..السياحية يجي معها : مكيف امامي وخلفي + جهاز سيدي مع تحكم الكتروني + رموت كنترول + مقعد سائق الكتروني بالكامل + شاشة كمبيوتر عند العداد ...وغيرها الكثييير !!!

وهذا الكلام كله عن سيارتي اللومينا LS 2004


الله يعين على موديل 2005 الي يقولون انها تطورت بشكل كبيييييييييييييييييييييييييييير وخاصة مكينتها صارت اقوى........

ولا يلعبون براسك ويقولون سيارة خرابات ترى والله السيارة صارلها سنة عندي ماخترب فيها برغي واحد ! هذا وانا راعي قومات وبالخطوط 200 وفوق يعني كرف مو طبيعي..


ياخي مافي مجال مقارنة لومينا وانت مغمض


مع تحياتي

(مافي شئ يعمر مثل لومينا) عبارة صحيحة 100% أنا معي لومينا 2002 LS ماشاْالله وكان وماشية 70000 ومعدلها SS لاخرابات ولاغيره. رغم اني افحط واقاوم فيها من أول شهر من وكالتها . وانا اتكلم من تجربة شخصية . وفي مبدأ يقول "أعط السيارة تعطيك". لذلك ارشح اللومينا 6سلندر خصوصا لقلة الصرفية.والسلام

(مافي شئ يعمر مثل لومينا) عبارة صحيحة 100% أنا معي لومينا 2002 LS ماشاْالله وكان وماشية 70000 ومعدلها SS لاخرابات ولاغيره. رغم اني افحط واقاوم فيها من أول شهر من وكالتها . وانا اتكلم من تجربة شخصية . وفي مبدأ يقول "أعط السيارة تعطيك".

شوف اخوي كاتب الموضوع بالنسبة لي اذا كان يبي ياخذ لومينا 2005 ياخذها وهو مغمض خصوصا محركها الجديد عدلوه وتفادو ثير من الاخطاء السابقة اما بالنسبة للاكورد بالنسبة عندي ياتاخذها 6سلندر فتحة ولا لاتاخذ



وهذي وجهة نضري





سلام عليكم ..,,

خذ لك لومينا ولا تشاور ، ياخي ما ادري وش في الناس هابين في الاكورد والله اللومينا الجديدة افضل من الاكورد ، وزي ما قال اخوي لومينا s وش هي مواصفات الاكورد ويقولون عملية اي عملية ياناس ، فيه هوندا اكورد عندنا يفحط مديلها 2005 فيها مليون صوت ، وواحد اعرفه معه كامري ودايم يفحط عليها والله مافيها صوت من دون مبالغة ومعليش لاني طريت الكامري وهي ليست من ضمن التصويت لاكن ابغا اقول ان الاكورد يبيلها رجل ناعمه ، تبي الجد خذ لومينا وبس .

هوندا أكورد ولافيها مقارنة بعد

الزوم أفضل من وجهت نظري فيها مواصفات مهي في الأكورد و اللومينا حللللللللللللللللوه وجة نظري وانا حرررررررر

أنا أقول مرة لومينا ومرة أكورد بس لا تفرح أخوي (الأسطورة مستمرة) لأن أنا أفضل لومينا على الأكورد أنها حطها في الشارع ولا تشيل هم أن أحد يفكر يسرقها :D

بس لو لومينا LTZ سياحي وأكورد 4 سلندر فل أبشن أخذ لومينا بس LS ليست جميله من الداخل بما يكفي:rolleyes:

بالنسبة للأخ اللي يقول أن طبلون الأكورد زي حق التريله ، أنا أحترم رأيك بس طبلون الأكورد أقل ما يقال أنه رائع تصميماً

وإضاءة .

أما بالنسبة للأخ المحتار فأقول له من تجربة 12 سنه من إستخدام الأكورد (موديل 93 كانت عند أخوي، وموديل 2000 الكوبيه اللي في توقيعي ، وموديل 2002 سيدان ) والله أن الأكورد لها ميزه متعة القياده والإعتماديه وقلة الخرابات لدرجة لاتصدق .والمثل يقول أسأل مجرب ولا تسأل ميكانيكي :D .

أما الذين يقولون بأن أسعار قطعها غاليه ، فأحب أقول أن أسعارها في متناول الجميع وأنا مجرب والكذب خيبه ، وللعلم بأن أسطب الكامري2001 في الوكاله يوم رحنا نسأل لواحد من الشباب صار له حادث لقيناه ب550 ريال وأسطب الأكورد 2002 ب450 ريال ، اللي حبيت أقوله أن هذا مثال بس للأسعار ولكن الفرق في الجوده فأسطبات اللومينا عند واحد من الشباب بدأت نرمل عليه بعد 4أشهر من شراء السياره ، وأنا معاي الأكورد 2002 كل أسبوع كادها خطوط للجبيل على سرعة 160 كلم لمدة سنتين والإسطبات كأنها جديده.(قولوا ماشاء الله |10| ).

ختاماً أحب أقول لك بأن سعر الأكورد ماجاء من فراغ ولكنها تستاهل كل ريال تدفعه فيها ، والله يعطيك خيرالسياره اللي طابت نفسك فيها .

تحياتي:

Accord_4_ever

صراحه الاكورد احلا....افخم....ارسى

ياشباب انا ماجربت اللومينا
لكن اعرف واحد عنده لومينا اس اس وبنفسه يقولي ماهي راااسيه اللومينا مووت

وانت براحتك اذا تبى سياره كشخه ورزه عندك الاكورد او اختار اللومينا إل تي زد
صرااحه مرييييحه لاابعد الحدود وسواقتها مره حلوه

وهاذا رأيي
تحيتي لك
راعي الكراون

الله يعينكم جمعيا لاخر مره اقول الاكورد افضل من اللومينا بنسبة 50 %

بــدون تعصــب وبـــدون تحيـــز لو تروح للقسم اليابانـي بتشوف موضوع مـلاكـ الأكــورد أو القائمة الذهبـية شي زي كذا ,,,

في حوالي 200 عضو عندهم هوندا أكـورد إسئل في نفسكـ هالسؤال ليش هذولا إشتروا الأكــورد ,,,

وإرجـع القسم الأمريكـي وشوف كـم واحد عندهـ لومينا ,,,

وتحيــاتي لكـ ...

تم نقل الموضوع من المنتدى الامريكي لمنتدى التقييم للاختصاص

والله كلهم حلوين

وكل وحده فيها مواصفات رائعه

بالنسبة للومينا انها اقوى والاكورد افخم شوي من اللومينا

لكن بصراحه سعر الاكورد مو فيها يعني غاليه شوي ...

وانت بكيفك اختاررر الى تبيه والى يعجبك...