الافضلية بين شراء لكزس LS430 وبين Q45... وتصويت أيهم أفضل...!!!!

إنفينيتي و بس خل عنك الـ 430 و من قال ان الانفنتي عزمها شين و انها مثل الماكس و انها وانها الخ ما عنده سالفه و يكره الانفنتي اصلا

يا شباب ابي اي واحد يروح ويشوف مقاعد الانفنتي 2004 وتحت ما ادري عن 2005 ويقلي وش الفرق بينها وبين مقاعد الماكسيما الفل كامل
وكمان يشوف وين موضع المسجل الكاسيت في الانفنتي
والا يقول سيارة راسية والله السيارة وينها وين الرساوة لاني انا مجرب
وبعدين ذابحينا باقوى اضاءة في العالم ياحبايبي ياشطار وش اقوى اضاءة في العالم مصدقين السيارة قدامك بالشوارع رح وشوف نورها وبعدين تعال رد علي

يا حوبي مالك الا اللكزس

والا يقلك منتشرة بالشوارع
لية ماتسألة وتقلة لية منتشرة بالشارع
مع ان الانفنتي سعرها اقل و قوة المكينة اقوى بس العزم في السيارة مو زي عزم اللكزس اللكزس اقوى
لاحظ عزيزي
الفرق في الخدمة ما بعد البيع
وقارن بين عبدالطيف و الحمراني
وقارن في سعر قطع الغيار
وقارن في السعر اذا نويت تفكر تبيع
وقارن في المواصفات
ولاتفكر مثل الشباب الا ما يفكرون الا في الشكل الخارجي وقوة السيارة بس ويتركوا المضمون

الرجاء لا تكلمون عن الا سعار وانتو مو عارفين شي اصلا سعر الانفنتي 2005 با197الف فل كامل

واللكزس با260 الف ريال ورح للوكاله وتاكد

انا ابي ارد على العضو السندباد وnick اما الانفنتي من الانوار فهي


اقوى اضاءه في العالم منن تايخ صنعت السياره لن في كل النور الواطي يشتغل 12شمعه زينون

اما من ناحيه الماكينه فهى اقوى مكينه في جميع منافستها فهي قوته 365 حصان تساعها 5,8 من صفر

الى مئه كلام الوكاله واللكزس تسارعها 6,3 من صفرالى مئه كلام الوكاله

قال ايه قال اللكزس اقوى من الانفنتي هههههههههههههههه
|3|

طيب حبيبي 2005 تحصل سعرها ب 150 الف؟ لوووووووول

انا قلت لك سعر اللكزس 2004 ب 240 الف اتحداك تحصل لي وحده مستعمله تحت ال 200 هذا شي
الشي الثاني هاللي ب 120 طيب كم سعر البيع 100 :D وبالنسبه للثبات والوزن ما ادري انت معلوماتك الغريبه ذي من وين جايبها؟ الحين اذا سياره اثقل من سياره يعني ثباتها احسن؟ ما ادري انا ليه اناقشك وانت افكارك كذا
اجل على كلامك الجمس اثبت من البورش؟ لوووول ياخي انت معلوماتك غللط والله
وتبي الدليل قلت لك برنامج توب جير رح دور لك موقع في حلقاته وشفه ولا تبي اجيب لك اللي يقدمون البرنامج؟ وبعدين وش نكته احترم الفاظك ولا لا تتكلم طيب منيب ناقص ارد على ناس هذا كلامهم

اما ليش نزلوها وهي مو ثبات فما ادري هل من شروط السيارات قبل التصنيع الثبات؟ عليك منطق انت غريب ومثل ما قلت لك حاول تعدل معلوماتك

بالنسبه للوزن صحح معلوماتك اللكزس وزنها فوق ال 2 طن عارف انك من النوع اللي تاخذ معلوماتك من سعودي اوتو لكن حط في بالك ان معلوماتهم غلط

وفي الاخير كانك ما تبي احد يعصب ولا يزعل تكلم باسلوب محترم عشان غيرك يكلمك باحترام

تحياتي

الصراحه من رأي الكزس

عزيزي مستر وشو حاقد وما حاقد سارقين حلالي هم عشان احقد؟

رح قل لتوب جير انهم حاقدين وش دخلني انا كلامهم ان ثباتها فاشل مالي علاقه فيهم

وبالنسبه للانفنتي 98 اللي ب 80 الف مابي اكذبك حبيبي بس اللي يقول لك هالكلام يكذب
شف والله لو تجيب انفنتي 98 على الزيرو لاحظ على الزيرو ما تجيب لك 80 الف وييييييييين

والانفنتي اللي 2003 ب 170 هذي صراحه قويه من جد سعر السياره وكاله موديل 2003 حاليا ما يوصل 170 الف وشلون مستعمل؟
ورح لمعارض النسيم اشكال والوان ما تتعدى ال 120 الف وانضف منها مافيه

تحياتي للجمييع

NiCK



احسك حاقد بقوووووووه فكيف تبي توصل بنتيجه ؟ :rolleyes:

ثبات الانفنتي جدا ممتاز وكثار مجربينها اهمهم عيال عمي اكثرهم عندهم الـQ مره مرتاحين معها ... اخوي احنا ما اختلفنا ان اللكزس افضل بس لا تقلل من قدر الانفنتي تقارنها بماكسيما عاد؟


و بالنسبه للسعر انا ولد عمي معه موديل 98 ماشيه كثير صراحه بس مو متاكد كم ولما عرضها للبيع جابت له 80 الف ... وفي المعارض كان فيه موديل 2003 مو متاكد كم ماشيه بالضبط بس كان سعرها 170 ... يعني انا ما اشوف انها طاحت كثير ابد ..


Shadow


والله انك صادق مافي اكذب منهم :D

بس يمكن يكون صدق فيها لان الشركه بدت تستخدم هذا النظام في سياراتها مثل M الجديده فاتوقع انه ممكن يكون موجود في الـQ ...يبيلنا احد مجربها ..

اخوي اكورد وبس ...

كلام الوكاله ماعمري اعتمدت عليه بشكل كامل سواء وكالة الحمراني ولا وكالة ابو جميل

لانه والله وبصراحه اغبى منهم ماعمري شفت ... معلوماتهم غلط في غلط .. ويحاولون يبالغون دايماً لما سالتهم ان اللكزس ES300 فيها نظام الالتفاف ولا لا ...قالوا ايه وبعضهم يقولون لا وهي اصلا مافيها فيها فقط رفع وتنزيل النور ,,,, :rolleyes:

نور الانفينتي يتكون من سبع عدسات ومايجي النور من اقل من سبع عدسات يعني يا عدسه كامله واحده ... او 7 عدسات صغيره ...


الشيء الاخر ان نور الانفينتي الجديده نفس القديمه ومافيه فرق ( انا اتكلم عن عدسة الانارة لوحدها فقط )

هذي القديمه ..



وهذي الجديده



وقول للوكاله هالكلام والله مراح يعرفوا يردوا عليك الا برد واحد ... فيها نظام الالتفاف فقط ... مثل رد ابو جميل :D

حاول تبحث عن المعلومات في الانترنت تراها اكثر صحه ... حتى الوكاله نفسهم ياخذونها منها احيانا ...اذا حصلت شي افدنا ...وتقبل تحياتي

بالله عليكم الا الحين تقارنون؟

والله العظيم يا ناس مافيه وجه مقارنه بلا انفنتي بلا وجع راس

الخبير ما تلاحظ ان معلوماتك مصدرها نفسك؟
مسكت السعر حبيبي اللكزس 2002 و 2003 كان اسعارهم وكاله 210 الاف موديل 2004 سعره 240 الف واتحداك تحصل لي شي الحين قيمته اقل من 200 الف

الانفنتي موديل 2003 اسعارها من 100 الى 120 وهي وكاله 200 الف

مراقبة الايطار موجود حبيبي كان يكتب لك لو تاير اذا نقص الهوا في كفر والحين صار يعطيك كل كفر لحاله

بالنسبه للثبات هذا مو في صالح الانفنتي ابد لان ثباتها تقارنه بالمكسيما
توب جير مو خويك مجربين السيارتين وكان التفوق كبير لصالح اللكزس اما الانفنتي ثباتها فاشل من تجربتهم
الوزن اللكزس اثقل اخوي من قال لك الانفنتي اثقل؟
وعلى طاري ال 17 بوسه على قولتك :D لك مني مليون بوسه بس لا عاد تجيب معلومات من اخوياك :)

واي واحد ما زال مقتنع ان الانفنتي فيها ذرة مقارنه باللكزس يقول لي بس ومستعد باي معلومه يبيها

ناااقشوني بادله وانا مستعد

تحياتي

معليش اخوي بس مستحييل يكون سعر بيع الانفينيتي مستعمل زي اللكزس.

اقرب مثال قبل فتره انا كنت ادور لكزس وانفينيتي في الحراج .اللكازس كلها كانت موديل 2001 واقل سعر كان 130 الف والسياره كانت ماشيه 90 او 80 او اكثر .

ولقيت انفينيتي موديل 2002 والسياره تقريبا كانت ماشيه 15 الف بس وسعر السياره كان 115 الف .

يعني بعد فتره السياره حيوصل سعرها 70 الف لو مشيت اكثر .

تحياتي

Shadow

لو تلاحظ في أنوار الإنفينيتي الجديدة فيه عدستين جديدتين تحت العدسات الست زائدتين ، وشكلها أكبر من الست ، وهذي هي اللي تقوم بالمهمة هذي اللي هي التفاف النور

هذا كلام الوكالة


والآن

إنفينيتي بدأت تهتم بعملائها ، صار للإنفينيتي مركز صيانة منفصل عن نيسان ، وصار لهم استقبال خاص ، ولا يحتاج راعي الإنفينيتي ينتظر الدور في الورشة ، يعني صارت الخدمة أرقى

مشكورين أخواني على هذه المشاركات الفعالة... ومشكورين للأخوان الذين أشتركوا فقط لأجل هذا الموضوع لما فيه من الاراء حول أفضل سيارتين في السوق اليباباني تقريباً...:)

تحياتي للجميع:)

اكورد وبس ... Mr.ss

الي اعرفه ان ان نظام التفاف الانوار (AFS) موجود في FX45 و M45 اما الـ Q45 ماعندي معلومات عنه بصراحه

بحثت عنه في موقع الانفينيتي ولم اجد فيها هذه الميزة ..
http://www.infiniti.com/content/0,,cid-35365_sctid-32005,00.html
وهذا موقع يوضح عن وجود هذا النظام في طراز M
http://www.nissan-global.com/EN/STORY/0,1299,SI9-CH180-LO3-TI1183-CI885-IFY-MC109,00.html

وياريت اخوي تسال وتتاكد ..لان قبل كان فيه التباس انه فيها هذا النظام من عام 2002 وطلع فقط ان نظامانوارها مرتبه بالطريقه الي انا ذكرتها وهو شبيه بهذا النظام ...

أسالهم هل نظام AFS موجود أو لا ....

وأفدنا ..يعطيك العافيه :)

انا اشتركت في المنتدى خصيصا عشان هذا الموضوع

الصراحة انا رحت الوكالتين امس وشفت السيارتين و الصرراحة الانفنتي 2005 ابداع فخمه وراقيه وجيدة جدا وانا استغرب عدم انتشارها في الشوارع وقالوا لي في الوكاله انهم بينزلون مجموعه سيارات انفنتي كاتمله في الاشهر الجايه وانا احس انهم بيهددون اللكزس بقوه

السلام عليكم هذي اول مشاركه لي وانا اشوف اللكزس سيارة شعبيه الانفنتي راقيه وجميله وبسعر ارخص واتوقع في المستقبل تغطي عاللكزس وشكرا !!!!