أريد نصائحكم في استبدال المكسيما بالأكورد

الاسم للبيـع :

أخوي يقول محمد عبده :

لا يعرف الشوق إلا من يكابده .......... ولا الصبـابـة إلا من يعانـيـهـا
لا يسهر الليـــل إلا من به ألــم .......... لا تحرق النار إلا رجل واطيها

وأظنك فهمت قصدي ...

أخي العزيز الصقار :

الله يعطيك ألف عافية على متابعة الموضوع .

أنا راح أعطيك مواصفات سيارتي باختصار :
مكسيما GV30 فل كامل مخمل موديل 2003
اللون (خارجي : أبيض لؤلؤي / داخلي : بيج )
قير أتماتيك
مثبت سرعة
تحكم بالراديو والمسجل عن طريق الدركسون
ستارة كهربائية
سيدي 6 أقراص
زينون
زوائد جانبية من الخارج .

طبعاً البعض راح يستغرب إنها فل كامل لكن ماهي جلد !!؟

الفئة هذي غير متوفرة في الرياض وأنا شاريها من جدة من المركز الرئيسي وهي ما تفرق نهائياً عن الفل كامل غير الجلد فقط لا غير .

طيب وش لون موترك ؟

والله حرام تبيع مكسيما فل عشان اكورد سياحيه

مشكورين أخواني على ردودكم .

وأنا أشهد الصراحة إن أفضل منتدى مر علي هو هذا المنتدى لإهتمامكم الكبير بالمواضيع وعدم التطنيش .

أخوي حارش مارش : أنا سبق وقلت إني ما أفكر نهائياً بالمستعمل ، أخلي المكسيما معي بعيوبها ولا أشتري مستعمل .

بالنسبة لسعر سيارتي أنا ما راح أبيع بأقل من 55 ألف مع إنها خسارة لكن الشكوى لله ،،، والآن سعر الأكورد السياحي بدون فتحة 69 ألف بأنتظر شوي إلى ينزل السعر إلى 65 ألف وأبيع سيارتي وأزيدها 10 آلاف وأشتري الأكورد .

والله يوفق .

أخوي اف 14 ...

دور لك مستعمل يابن الحلال ..

الاكورد ما ينخاف عليها ..

سيارة ناس راقين وناس كبار في السن ..

يعني ماهي حقت تفحيط وسرعة ..

انا لو يقبل اخوي وعزيزي الصقار يبيعني موتره ب 50 الف انا اول من يشتري :D

هلا وغلا اخوي F -14

هو صحيح انو معاك حق في البنزين انها تصرف كثير والسياره خفيفه ومو راسيه لاكن انا اقول اذا انت معزم تبيعها انا عندي سومه واشتريها منك اليوم قبل بكره

لاكن اذا تبيها فوق 50 الف فـــ الله يوفقك ببيعتها

الله يوفقك وتبيع موترك باعلى سعر

الصقار :

أشكرك على اهتمامك بالموضوع ،،، لكن أنا قرأت في ردك على أحد المواضيع وإن سيارتك مسيومة 63 ألف ،،، أولاً السعر غالي شوي وثانياً أنا ما أفكر بالمستعمل نهائياً ، صحيح إن سيارتك شبه جديدة بس أنا نفسياً ما أحب المستعمل .

طبعاً سيارتي قير أتماتيك .

والله يعطيك العافية .

amova55 :

مشكور على الرد ،،، لكن أخوي لو الدعوى واقفة على البنزين كان تهون ،،، السيارة ماهي مريحة أبداً تقول راكب ددسن وبعدين خفيفة جداً .

وأنا بعد ما ركبت الأكورد وجربتها عرفت إني أخطأت عندما شريت المكسيما .

السلام عليكم

واللة غلطان وبقوة صراحة
قطع الاكورد اغلى من الماكس
الماكس اقوى من الاكورد
بالنسبة
بالنسبة للبنزين أنا سبق كان معي كامري 99 وكنت أعبيها فل وأسافر فيها 350 كيلو ، وبسرعة 140 مع المكيف ، وإذا وصلت أحصل باقي نصف التانكي ، أما مع المكسيما ما يبقى إلا الربع فقط

شي طبيعي لان
الكامري 4 سلندر
اما
الماكس 6 سلندر

شف

اذا عندك نيه مبادل انا معي اكورد 2004 سبيشل يعني تماتيك وفتحه ماشيه 15 الف

شف ايميلي بالتوقيع خلنا نتفاهم

بس على فكره

موترك قير عادي ؟
وهل هو جلد ولا لا ؟

الاسم للبيـع :

مشكور على الرد ،،، الحقيقة قبل فتره واحد سام سيارتي بـ 55 ألف لكن على كذا لازم أزود حوالي 15 ألف حتى آخذ الأكورد السياحي .

ACC-V6 :

مشكور مشرفنا العزيز على الرد ،،، وأنا ما فكرت إطلاقاً بالمستعمل لكن أنا أسأل هل أحصل موديل 2004 في المعارض جديد ؟

بالنسبة للفرق بين السياحي والفل : هل يوجد فل مخمل ما أبي جلد ؟ ووش الفرق بينهم ؟

سيارة :

مشكور على الرد ،،، الحقيقة أخوي أنا الوقت اللي شريت فيه سيارتي كان وقت حرج نوعاً ما .

أنا شريت سيارتي مع بداية موديل 2003 وكان وقتها الكامري توها نازلة وكذلك الأكورد وأيضاً اللومينا وكلها نزلت بشكل جديد وكنت أخاف من العيوب المصنعية ، وأيضاً الواحد يبي له وقت حتى يتعود على شكل السيارة ويقتنع فيه ، علشان كذا ما وجدت قدامي إلا المكسيما وشريتها .

بالنسبة للبنزين أنا سبق كان معي كامري 99 وكنت أعبيها فل وأسافر فيها 350 كيلو ، وبسرعة 140 مع المكيف ، وإذا وصلت أحصل باقي نصف التانكي ، أما مع المكسيما ما يبقى إلا الربع فقط .

i35 :

مشكور على الرد ،،، والحقيقة أنا وديت السيارة للصيانة أربع مرات هي : 1000 كيلو ، 10000 كيلو ، 40000 كيلو ، وأخيراً 80000 كيلو .

وبالفعل عليهم نصب مو طبيعي ...

د.فيصل :

مشكور على الرد ،،، ومعك حق أخوي قطع الغيار للهوندا يمكن أغلى شوي لكن حسب ما سمعت من واحد من الشباب إن عمرها أطول وأصلية 100% .

صديق المنتدى :

مشكور على الرد ،،، والحقيقة أخوي أنا متردد وأخاف أندم إذا بعت المكسيما ،،، بس إذا وجدت سيارة أفضل أكيد ما راح أندم .

الـصـقـار :

مشكور على الرد ،،، أخوي المشكلة إني تعبت معها وإلا كان ما أفكر إني أبيعها .

أنا تقريباً كل أسبوعين أسافر وأروح و أجي وأبي سيارة راسية وتتحمل وما تصرف بنزين .

وبعدين وأنا خوك المكسيما ما هي مريحة أبداً لأني ركبت كامري والأكورد وأحس إنها أريح بكثير من المكسيما .

على العموم أخواني الله يعطيكم ألف عافية جميعاً على ردودكم ونصائحكم .

ويبدو إن الفرق راح يكون كبير جداً إلا إذا نزلت أسعار الأكورد شوي .

في انتظار المزيد من آراءكم هل أصبر على المكسيما أو أبيعها طالما إنها تجيب لي سعر زين لأنه الأسعار في نزول كبير .

تبيع المكسيما !!!!!!!!!!!!!!!!!!!!!

غلطان اكبر غلط

تبغى نصيتحي؟ لا لاتسويها
خلك ع المكسيما سيارتك جديده ولا تفكر ... الأكورد مشكلتها الوحيدة الفرامل دائماً تسوي صوت فرقعه وبحاجه إلى صيانة باستمرار ........... وعاد السيارة الخرابة اللي ما تفكر فيها بالمره كرمك الله الكامري القبيحه بقرة استراليا (خلك ع الماكس وريح راسك)

اخوي انا شفت ردود الشباب الله يعطيهم عافية
بس احب اقولك انت قلت انك طفشت من الماكس لانها قطعها غالية
وانت رايح للهوندا وقطع الهوندا اقوى من النيسان ونار
انا اعرف الشباب بيقولون لك معقولة بس انا هذا رأي انها نار
وانا اتمنى انك تروح كذا وكالة وتشوف المواصفات والاشكال والانواع وبعدين قرر
علماً بانني انا من ملاك الكامري
وكل واحد له رأيه،،،

يمكن سيارتك فيها مشكله ... ليه ما تسوي تنظيف بخاخات و تغير البواجي ..

و بعدين مين قالك تسوي صيانه ... لعلمك اكثر الوكالات حرامية و يسحبون دراهمك على غير فايدة ..

اذا كان احد المشرفين ( مهندس ) في شركة نيسان .. ينصحني اني ما ادخل السيارة للصيانه الا اذا فيها مشكلة و الا ليه تخسر نفسك و اذا قصدك عشان الزيوت و الفلاتر ... ترا هذي ما تكلفك ثلث القيمه خارج الوكالة !!!

و انا انصحك خليك على المكس ... وراح تندم اذا غيرتها

الله يعينك وصبرك على الماكس لكن شكلك شاريها وانت ما أقتنعت فيها , خويي إلى اليوم وهو يمووت فيها (الماكس ) لأنها شراها وهو مقتنع .

طيب كم تمشيك( كم كيلو) الماكس اذا عبيتها فل ؟

اعرف واحد عنده مكسيما 2003 فل كامل ماشيه 90 الف جابت له 52 الف..

انت سيارتك تجيب اتوقع 55 الف

مشكور أخوي salehhd على الرد وما تقصر .

أخوي نيساني أشكرك على الرد ،،، لكن خلاص أنا ما أبي أي شيء اسمه نيسان .

أخوي حارش مارش أشكرك على الرد ،،،

والصراحة جاني احباط شديد بسومتك وأكيد هذا الواقع المر .

الظاهر تبخرت الأحلام ،،، ومكتوب علينا الشقى مع هذه السيارة الفاشلة .