سلام شباب .. كيف الحال عساكم بخير ..
قبل فترة انحرق علي الكلتش .. وغيرته وكالة وكلفني تقريباً 2500 ريال !! (شغل الوكالة بس 1500 !!!!)
المهم من بعد ماغيرته بكم شهر حسيت إن الكلتش مو مضبوط ..
اول شيء كان كلتش الألتيما الأول مرة ثقيل .. يعني ماهو زي الكامري ولا غيره خفيف .. لا كان ثقيل ثقيل ..
وكان في التبديل مرة يلعب ومرة جنان ..
المهم بعد ماغيرته لاحظت ان الدعسة اختلفت سارت الدعسة خفيييفة مرة ..
رحت للوكالة قالوا هذا عادي إحنا خففناه لك !! لو تبغى نثقله مرة ثانية مو مشكلة نرجع نثقله لك !!
انا بصراحة ما لي في الميكانيكا كثير .. فقلت لهم لا خلاص خلوه كذا اريح ..
المهم بعدها بكم شهر (الفترة هذه في الأشهر اللي قبل ماكنت اطارح!! ) وبعدين مع الطراحات لقيت انه في التبديل السريع من الرابع للخامس النمرة تعلق !!
لو كان التبدل مرة سريع وحارق الماكينة تشوف النمرة تعلق ماتدخل مرة !! تقعد ترجع تفضيها على ال N وترجع تشبك !! أو لازم تبديل بطيء عشان يدخل !!
عاد المشكلة هذه مجننتني .. انا بصراحة مارحت الوكالة الحين لأني متوقع إنها ماراح تسو شيء ..
وكمان جربتها وانا واقف !! موقف السيارة .. اعشق من الرابع للخامس بسرعة تعلق !!!!!!
المشكلة هذه مرة ماكانت موجودة قبل !! وجربت التيما حقت واحد من الشباب ومافيه المشكلة هذه !!
ودي اعرف الخلل وين وكيف يتصلح ..
وبعدين قابلت ميكانيكي لحس مخي .. يقول لي 1500 مرة كثيرة تركيب كلتش !!
قلت له ياخي فيها فك ماكينة ويرفعوها وما ادري كيف !!
قال لي لا والله لا فك مكينة ولا شيء .. كل الشغل من تحت السيارة بس خلي السيارة تبرد وفيه زي الصندوق بين القير وشيء ما ادري ايش هو وفكه وشيل الكلتش وركب على طول !!
هل الكلام هذا صحيح؟؟؟؟
بإنتظار ردودكم ..
