شيء غريب... المحرك به رجفة غير طبيعية!!!

i-VTEC_2004 @user_10819 · 20-03-2005

السلام عليكم ورحمة الله وبركاته
مساكم الله بالخير جميعا
لدي سيارة هوندا اكورد 2004 4 سلندر ... من فترة بسيطة اذا كانت السيارة واقفة سواء على N أو P وانا جالس بالسيارة احس برجفة (رعشة ) تجي وتروح ..تجي وتروح.
مع اني آخر مرة دخلتها الصيانة على 40 الف كم
تم تغير البواجي + فلتر الهواء + فلتر البنزين + طرمبة البنزين + وحسب كلام الوكالة تم فحص البلوف وضغط المحرك وووووإلخ وكمان تربيط شامل.
..والسيارة ماشية الآن 49الف.
الزيت اغيره خارج الوكالة نوع موبيل1
حتى اذا فتحت كبوت السيارة ألاحظ ان المحرك يرجف على فترات ( يعني كل اقل من ثانية تجي الرجفة وتروح )
وش السبب يا ترى؟؟؟؟؟!!!
(((( حتى احد اصدقائي لاحظ وجود الرجفة مع اني ما كلمته عنها ))))
ارجوا من اهل الخبرة الرد بأقرب وقت ممكن
اخوكم
i-VETC_2004

i-VTEC_2004 @user_10819 صاحب الموضوع · 07-04-2005

السلام عليكم
طيب اخوي فني السيارات
كيف اخبر الوكالة عن المشكلة هذي؟؟؟
وإلا اقولهم ان في رجفة بس!!
تحياتي

فني سيارات @user_8460 · 06-04-2005

السلام عليكم

اعتقد ان الموضوع بسيط وهو ميزانية الاكسليسر
(ريس البنزين )

i-VTEC_2004 @user_10819 صاحب الموضوع · 06-04-2005

على فكرة
بالنسبة للمروحة .. كل واحد الرجفة موجود حتى مع اشتغالها.
تحياتي

i-VTEC_2004 @user_10819 صاحب الموضوع · 06-04-2005

السلام عليكم
إلى كل من قال كرسي مكينة كلامكم 100% غلط!!! كيف كرسي مكينة والسيارة جديدة .. وش يخرب الكرسي .. انا لاني صاقع ومصلح ولاني مطعس فيها استخدام عادي ( خطوط بس ).
=======
اذا شغلت المكيف الرجفة تختفي... واذا طفيته ترجع على طول ( طبعا السيارة واقفة )
وعلى فكرة السيارة مافيها شي من ناحية العزم أو التشغيل يعني طبيعي مشيها.. كل شي طبيعي ولا في اي تفتفة .
يعني الرجفة ما تلاحظها إلا اذا كنت داخل السيارة اما انك تفتح الكبوت ما راح تلاحظ شي حتى صوت المكينة طبيعي.
عموما انا انتظر السيارة تكمل 60ألف كم وادخلها الصيانة.
شكرا لكم جميعا
اخوكم
i-VETC_2004

مارين @user_1315 عضو · 05-04-2005

السلام عليكم

كلام الاخ max977ima سليم ...

لا تحاول تسوي شي في السياره فقط ودها الوكالة ويحلون لك المشكله على طول ...

وتقبل تحياتي

مارين

فني سيارات @user_8460 · 05-04-2005

ربما تجد ان سلك من البواجي مش راكب في مكانه بالضبط وهذا احتمال وارد ايضا

فني سيارات @user_8460 · 05-04-2005

السلام عليكم و رحمة الله اخي العزيز ربما عندك عطل في قطعة الموازنه في المكيف الوتوماتيك
هل تحس بالرجفة مع تشغيل المكيف او بدون اذا كان الجواب مع المكيف ارجوا ان تجرب بدون مكيف ولاحض هل هذه الرجفة مع اشتغال المروحة ام بدونها

لان لو كان عند اشتغال المروحة هناك ايضا قطعة تحتاج تبديل

$المهندس$ @user_18058 · 05-04-2005

اخوي اهو كهرباء 100 % يا انه الضفيره عندك تعبانه او انه احد البلاكات خربانه اهو شغل كهربه

black320 @user_15634 · 05-04-2005

سلاام

مثل ماقالو الشبااب اتوقع يا كهربا يا عندك كرسي مكسور...
شيك وانشالله خير

سلاام

massimo @user_9948 · 21-03-2005

khalli l wekale tef7as sensor l hawa 3endak yemken 3atlan w hatha ysabbeb l rajfa w khalhom ysawwooon fa7s shamel 3ala kharaba2 l motor. w ma tkhaf nshalla kher

i-VTEC_2004 @user_10819 صاحب الموضوع · 21-03-2005

ok
مشكور اخي max على مرور
وانا راح ادخلها الوكالة الاسبوع هذا على جدول الصيانة... راح اكلمهم عنها.
====
اخي الوليد مشكور على مرورك وردك
الله يسمع منك ..اذا المشكلة كهرب اجل بسيطة انشاء الله
تحياتي لكم

الوليد الطائر @user_17749 · 21-03-2005

عادة ماتكون مشاكل الرجفة من كهرباء السيارة لما يجي لها يؤثر عليها وبعضها يعتبر طبيعي والباقي عطل

تحصل الرجفة الطبيعية في عدة امور ومنها : 1- عند دوران كمبيرسور المكيف " طبيعي" بحكم انها 4 سلندر
2- عند لف الدركسون الى اخر مدى يضغط الباور على المكينة وياخذ كهرباء منها
3- لما يكون اي جهد اضافي على السيارة من اي شي سواء سستم صوت او سستم انوار الزنون

وتحصل هذه الامور لما تكون السيارة عادة يبغى لها بواجي او اسلاك بواجي او شحن بطارية

بالنسبة لمشكلتك وحسب كلامك احتمال تكون طبيعية وما فيها اي شي يخوف انا انصحك في البداية انك تفحص كهرباء السيارة وخصوصا الكويل" الدلكو" او احتمال سلك من اسلاك البواجي فيها مشكلة او مو مركب بشكل صحيح وما اعتقد ان المشكلة تتعدى اكثر من كذا

max977ima @user_11429 Banned · 21-03-2005

انا زي مشكلتك ونفس الكلام الي كتبو لك اكتبو لي في المنتدى لكن الحمد لله وديتها الوكاله

وعلى الضمان وقال لي المشكله في الكهرباء تحتاج الى كويل وغيرو على الضمان فا رح الوكاله ماراح تخسر

i-VTEC_2004 @user_10819 صاحب الموضوع · 20-03-2005

اخي العزيز بندر
ما اتوقع كراسي المكينة لسا السيارة جديدة ... وانا ماخشيت مكان يكسر السيارة ابدا... وان خشيت امشي بشوي وبحذر شديد.
الله يخليك غير كلامك لا تخوفني!!!
الكبوت عندي ما فيه شي .. بس المكينة ترجف .. يعني لما افتح الكبوت واناظر المحرك راح تلاحظ الرجفة تجي وتروح ... بس ما في اي صوت المكينة ناعمة حتى مع المطبات او على الطريق ما في شي ابدا البته. فقط اذا كانت السيارة واقفة تماما.
تحياتي

بندر بستن @user_17047 · 20-03-2005

اخوي شيك على كراسي المكينه يمكن واحد فيهم مكسور او كلهن الله اعلم

لان اذا ارتج الكبوت او المحرك هذا واحد من اشهر الاسباب وهو كرسي المكييييييييينه

ارجو اني افدتك

سلملم