قررت بيع الكامري (غير مأسوف عليها) وشراء أكورد - المشورة يا ذوق

السلام عليكم

أخوي BMW735i

قرارك حلو

أنا كنت متعلق جدا بالكامري جراندي 2005
وطلبنا وحده

وأنا مستانس

بس الصراحة أنها ما تسوى سعرها
وما طيحها من عيني الا Avalon

سيارة رهيبة بكل ما تحمل الكلمة من معنى

فخامة لكزس ، شكل أنيق ، محرك جبار ، قير تيبترونيك
إلخ إلخ ....

بالتوفيق في أي قرار ممكن تتخذه

سواء ((أكورد)) أو ((أفالون))

واللي راح يفيدك أنه الكامري ما راح يطيح سعره إن شاء الله

وإذا فكرت بالأكورد أنصحك بالجديد
لأن الأكورد نادر تلقاه مبيوع بالسوق لأنه مرغوب
ولأن نادر أحد يبيعه إلا إذا كان فيه عيب

سعر الأكورد = 84500 ر.س.
سعر الأفالون= 96000 ر.س. ---> ستاندرد XL
سعر الأفالون= 110000 ر.س. ---> فل أوبشن Limited

بإمكانك تلقي نظره على الأفالون من باب الفضول قبل شراء الهوندا
وصلي استخاره
واللي ترتاح له سويه

تحياتي لك

أخوك أبـــ خالد ـــو

الفرق الاشارات على المرايا

المرايه الداخليه فيها تخفيف تلقائي لانوار السيارات و اعتقد فيها مقياس لدرجة الحراره الخارجيه

زيادة تكاية راس بوسط المرتبه الخلفيه

حامل اكواب مع غطاء بالتكايه الخلفيه

هذي الفروق و ان شاء الله ما اكون نسيت شي

و بالتوفيق

شاكرلكم جميعا ردودكم القيمة ،،،
بالنسبة للنسيان التما مادخلت مزاجي بالمرة ، وخصوصا انها جديدة في السوق ، فضلا عن سمعة ماكسيما السيئة من ناحية الثبات

وبالنسبة للألماني ، :) ، انا استغربت صراحة ، مافي ألماني بأقل من 100 الف هذا اذا كان جديد ، ثانيا اش الخيارات من الألماني

بي ام الفئة 3 ، سياحي ، مره صغيرة ، وثانيا الوكيل زي الزفت و انا مجربة شخصيا ، فضلا عن قطع الغيار المبالغ بأسعارها ، أذا لقيتها بالأساس متوفرة بكل مدينة .
مرسيدس ، برضو لايزال غالي
اودي ، فلكس فاجن ، من حفرة لدحديرة يا قلب لا تحزن

مابقي من الألماني شئ ، فضلا عن سعرة اللي مايمسك خير شر و خصوصا البي ام .

بالنسبة للأكورد 2004 لمن جربتها ماشية 40 الف و مشيت 150 و كان عزل الصوت جدا رائع ، بل ذكرتني بالبي ام اللي كانت عندنا

انا كنت اطلب من الشباب يذكرولي العيوب الجوهرية اذا كانت موجودة ، زي الكامري مثلا تنسيم الصوت كان بشكل مو طبيعي جدا ، ياجماعة و الله ألحاااان كأنة واحد جايب يدق بوري سيارة هندك يعني كان الصوت كذا ( عععععيييششششششععععععععععععععععععععيييييييش ) مو كذا ( شششششششششششش شششششششش شششششششش ) ياليت فهمتوني


-------------------------------

سؤال ثاني شباب ،،، الأن ايش يفرق 2004 فل مخمل - عن 2005 فل مخمل ( 4 سلندر ) ؟؟؟ لأنة لو الفرق مو جوهري أفكر اخذ وحده مستعمل ماشي قليل 2004 بدل ما اطقلي 2005 جديد ويكون الفرق مو ذاك الشئ

أخوي اتوكل على الله

الأكوورد سيارة تعتمد عليها كل النواحي

من القوة والاداء والرفاهيه

وبالنسبة للعيوب يقول المثل رضا الناس غاية لا تدرك

اللي ذكروها نسبية جدا

وبالنسبة للصيانه سواء هوندا او تويوتا انا اشوف ما لها داعي

الف مبرووووووك الأكورد مقدما

انصحك باللون الللؤي داخل بيج فاتح

والاكورد سياره رائعه فعلا
واذا تبي غير الاكورد فانا انصحك بالالتيمافل 4 سلندر
ماشاءالله سياره بمعنى الكلمه


وموفق يارب

بالنسبه للعيوب المراتب قاسيه شوي

و الفرامل احيانا يطلع صوت طقطقه

بس بصراحه مميزات السياره تغطي على عيوبها

و بالتوفيق

احسن قرار اخذته في حياتك

|214|


والله ماتسوى السياره قيمتها صراحه بدون زعل لو اوصل لـ86 راح انظر للسيارات الالمانيه اكفى منها جوده وشكل وامان وقوه,,,,,
هذا غير اسعار قطع غيارها الهوندا المرتفعه ,,,,

والله يالغالي عند ولد عمي أكورد 4 سلندر فل ، بس مضايق من الهواء اللي يدخل السيارة إذا مسك خط وأن نظام التعليق هارد ( قاسي ) معذبته داخل البلد
والصيانة حدث بلا حرج مع قطع الغيار واضربلك مثال ( خذو عليه تغيير قماشات 1300 ريال مع شغل اليد !!!!!!!!!!!! ) :confused: :confused:

والله نصيحتي لاتقرب منها هذه من تجربة ولد عمي

مع تحياتي أخوك S600 4 EVER

والله يالغالي ..

بما انك جربت الاكورد وعجبتك فتوكل على الله .. وان شاء الله ما راح تندم ..

لكن بالنسبة للكامري حقتك انها زحفت .. فهذا طبيعي لعدم وجود ال اي بي اس ..

ويلوموني الناس بالاي بي اس .. :(

وان شاء الله ما راح تخسر كثير بالكامري لا بعتها :)

تحياتي لك

ماعليك من الي يقولون يابوشطب...ترى هذي كلها اشاعات.....وانا امشي بالسياره واوصل لل 180 ومااسمع وشوشه ولاهوا يدخل.......علما ان اقصى سرعه سقتها هي 180

ابارك لك مقدما اخوي على اختيارك الرائع......وصدقني اقول لك ماراح تندم بالمره ...بس طبعا اهم شي تحافظ عليها....

بالنسبه لي بصراحه انا ماشفت اي عيب في الاكورد الا شي واحد.......صوت البريك لما افرمل ...ومو على طول...احيانا اسمعه بس وعلى سرعات عاليه بس......لكن على حسب ماسمعت هذا شي عادي وحتى لما رحت الوكاله قالوا لي شي عادي....عموما الاخوان انشالله راح يفيدونك اكثر ومبروك مقدما....