عاجل:لأصحاب الفكتوريا والماركيز

ابوميس @user_5312 · 16-04-2005

ياشباب جاني صديق امس وسألني عن الكراون فكتوريا والماركيز
ويقولي ابغاك تجاوبني بحكم خبرتك وانا للأسف خبرتي ضعيفه بهالسيارتين
وقلت مافي الا شباب المنتدى هم اللي بيفيدوني

القصه ومافيها طال عمركم ان الرجال معه النترا 2003 وزهق منها ووده يغيرها ويشتري سياره محترمه على قولته
وفكر في الكراون فكتوريا او جراند ماركيز بس المشكله هو عاجبه شكل السياره وماعنده اي فكره عنها
وسألني في النقاط التالية

هل السياره عملية او لأ؟
خراباتها كثير ولا لأ؟
صرفيتها للبنزين؟
اسعار قطع غيارها كييييييف؟
العازل الصوتي فيها قوي ولا تسمع صوت المكينه كنها في الطبلون زي الالنترا (على قولته)

واخيرا ميزانيته في حدود 40 الف اي موديل تجيبله

يعطيكم الف عافيه
واسف جدا على الاطاله

maxima j30 @user_11516 · 04-05-2005

السلام عليكم

انا واحد عندي كراون فيكتوريا سبورت الصراحه سياره ولااروع بس في نقطه وحده اذا كان خويك راح ياخذ مستعمل لابد انه يكون او احد معه على خبره كبيره بالسيارات لان الفورد خاصه المستعمل يكون حساس لابد ان يفحص السياره من ناحيه البدي يكون مافيه دعمات(سمكره او جاته بويه) ويفحص الماكينه والقير والدفرنش لان في امريكا مايغيرون للسياره زيت يزيدون لها وعلى فكره الفرق بين الفكتوريا والماركيز ان الماركيز من داخل في تخشيب على الابواب والماركيز اثقل من الفكتوريا يعني مايتفكك زي الفكتوريا بس شكليا الفكتوريا شبابي اكثر (وجهة نظر) ولايشيل هم من ناحية قطع الغيار لانها رخيصه ومبروك عليه السياره من الحين.

مجرب الماكس @user_5540 · 03-05-2005

السيارة عملية ومريحة وخراباتها قليلة

والقطع رخيصة

فحماتها الاصلية درجة ثانية عليها علامة فورد بـــ85 ريال

>>ــ شادي ــ<< @user_6411 · 25-04-2005

الماركيز افضل لانه بكل بساطه افخم والسيارتين نفس المكينة والقير وفي الاخير لولا اختلاف الاذوق لبارت السيارات والفكتوريا له شعبيه ايضا وله محبيه والله يوفق الجميع ملاحظه انا عندي ماركيز لابراء الذمه يمكن اكون متحيز

الصدر المغبون @user_18696 · 23-04-2005

من واقع تجربتي للسياره والله السياره عمليه بقوه |1| لكن اذا تركتها بدون صيانه راح تظعف قوتها يعني كل بعد 6شهور سوي تصفيه للمكينه وبعد 35 غير زيت الجير ويعني صيانه دوريه راح تعيش معاك وتخدم زي مانت خدمتها .والسيارة مريحه وحقت سفر (ياعمري يالشام:D :D ) وترا الفكتوريا احسن خذ لك فكتوريا وتدعي لي ;)

وسلام |3| |3|

CHARGER @user_10413 · 19-04-2005

هلا فيك والله
صراحه الموترين ماعليهم كلام
يعني ما شالله موترين يبيضون الوجه
انا ماشفت واحد منها يشكي كثير من الخرابات
الا اذا كان اللي يسوق يحسب انه راكب سياره سباق عاد انا مدري
وانصحه ياخذ له ماركيز لانه افخم واقوى شوي
ولا يهمك اللي يقول الفكتوريا افضل من الماركيز
لانه اصلا اختها اللهم بس الداخليه هي الافخم للماركيز
وانا عندي ماركيز وماشالله ممتاز الى الان
وقطع الغيار ليش غاليه
هههههههه
والله لو انها المانيه كان قلنا صح
لا لاتخاف القطع رخيصه ومتوفره
وبالتوفيق
**********

passat2001 @user_18466 · 18-04-2005

هل انت من جدة لو من جدة انصحك بمعرض الجوهرة للسيارات في حي الصفاء قرب دوار الزهرة عنده فوردات نضيفة جدا واسعارة مناسبة او معرض اوتو مول القريب من دلة

ابوميس @user_5312 صاحب الموضوع · 18-04-2005

ياجماعه والله عيب عليكم

والله لو اني اطر منكم

96 قارئ للآن ومافي الا 2 اللي ردو

معقوله مافي احد منكم عنده اي خلفية عن السياره لهالدرجه؟؟؟؟

المهنا بيك @user_16176 · 16-04-2005

نسيت اخر نقطه بالنسبة لـ 40 الف والله يختلف على حسب نظافة السياره بتلقى موديل 99 نظيف بهذا السعر وبتلقى 2000 بس اقل ممشى وباين على الزمن لاكن انصحه ياخذ واحد استخدام امريكي ومع ضمان

المهنا بيك @user_16176 · 16-04-2005

السلام عليكم اول شئ مبروك مقدما لخويك
بالنسبة للأسئلة ابجاوب على اللي اعرفه
هل السياره عملية او لأ؟
اكيد عملية مره مره مره وبشكل خرافي ولا ما كانت منتشره بهذه القوه

خراباتها كثير ولا لأ؟
انا مدري عن خراباتها بس مع خوالي جديده زي الحلاوه بس مدري اذا اخذت مستعمل ايش بيصير

صرفيتها للبنزين؟
صرفيتها عاليه بس يقولون الشباب اذا صارت مع بخاخات للبنزين او مثل كذا ناسي الصراحه المضمون المهم يقل صرفيتها للبنزين
اسعار قطع غيارها كييييييف؟
بالنسبة للقطع الغيار غاااااااااااليه هذه بالنسبة لكراون فكتوريا بالنسبة للماركيز مدري عنها بس اتوقع بتصير مثلها

العازل الصوتي فيها قوي ولا تسمع صوت المكينه كنها في الطبلون زي الالنترا (على قولته)
والله عازلها حلو ومريحه جدا في الخط ومعروف الامريكي عازله قوي ومريح

ابوميس @user_5312 صاحب الموضوع · 16-04-2005

ياشباب نقطه اخيره المكيف حقها كيف في الحر اللي عندنا في الرياض؟؟؟

ابوميس @user_5312 صاحب الموضوع · 16-04-2005

جزاكم الله الف خير ياشباب على تفاعلكم السريع

وفي انتظار ردود بقية الشباب

أمير الجزيره @user_6104 · 16-04-2005

ههههه

ما راح تسمع شيء بسم الله ما شاء الله مريحه جدا جداً عزيزي وخذ نصيحه من مجرب..

نيسان يالتعبان @user_18571 Banned · 16-04-2005

انا رأئي الكروان فكتوريا حقت كد وراحه انا جربت سيارات اجار كثير مافي زي الكراون فكتوريا في الخطوط والاستخدام

أ

أمير الجزيره

هلا فيك أخوي الغالي انا راح اجاوبك..

العمليه أكيد الكروان فكتوريا رائعه جدا جداً طبعا انا معاي وحده بسم الله ما شاء الله ما عليها كلام..

الخرابات على حسب الإستخدام عزيزي كل السيارات لو تكدها كد حشمه ما راح يصير لها شيء مثل فك وكاله..

صرفية البنزين عزيزي صراحه انا معي ما تصرف خير شر والله انها صرفيتها جيده..ولكن بعد تعتمد على حسب الدعسه..

أسعارها معتدله ....ومتوافره بكثره..

في حدود ال40 الف صراحه ما ادري والله بس يمكن 2001 او 2000 وبالتوفيق..

العازل الصوتي ..الكروان فكتوريا حقت خطوط مريحه يعني ما تسمح الا صوت المسجل اذا شغلته..:D

طيب واذا ماشغل المسجل:D

أمير الجزيره @user_6104 · 16-04-2005

هلا فيك أخوي الغالي انا راح اجاوبك..

العمليه أكيد الكروان فكتوريا رائعه جدا جداً طبعا انا معاي وحده بسم الله ما شاء الله ما عليها كلام..

الخرابات على حسب الإستخدام عزيزي كل السيارات لو تكدها كد حشمه ما راح يصير لها شيء مثل فك وكاله..

صرفية البنزين عزيزي صراحه انا معي ما تصرف خير شر والله انها صرفيتها جيده..ولكن بعد تعتمد على حسب الدعسه..

أسعارها معتدله ....ومتوافره بكثره..

في حدود ال40 الف صراحه ما ادري والله بس يمكن 2001 او 2000 وبالتوفيق..

العازل الصوتي ..الكروان فكتوريا حقت خطوط مريحه يعني ما تسمح الا صوت المسجل اذا شغلته..:D