على حسب اللي بتشتري منه ..
يعني أول شيء لازم تشوف نقاط اللي يبيع .. (( يفضل انه يكون أكثر من 98% علشان تتجنب النصب ))
وثانيا تشوف إذا كانت البضاعه اللي عنده بس للشحن داخل أمريكا ولا لا .. لانه فيه بعضهم يقدر يبيع لك السياره ويصدرها لك للخارج بس قبل لا تشتري سياره من عندهم لازم تاخذ رقم شاصي السياره اللي تبيها وتاخذ تقرير عنها عن طريق موقع الـ ebay
طبعا الفحص العادي يكلف تقريبا 30 ريال
والفحص الدقيق يكلف 50 ريال تقريبا
وانا ترى أقصد بالفحص اللي هو التأكد من انه السياره مش مسروقه أو تقرير عن الحوادث اللي صارت للسياره أو إذا كانت سياره حكوميه أو شخصيه وإلى ذلك ...
وبعد ما تتأكد من هذا كله وتكون قررت تشتري السياره يعينك الله ترسل فاكسات وأوراقك لحكومه الامريكيه (( المرور الامريكي)) وتدفع اللي عليك علشان يصدرون لك شهادة تصدير وشهادة ملكيه للسياره .. وطبعا لاتنسى القيمه اللي بتدفعها لصاحب السياره وقيمة الشحن سواء كان شحن جوي (( هذا إذا انت بطران :) )) أو شحن بحري.
على فكره ترى بعض اللي يبيعون سيارات هناك مايبيعون لك السياره إلا إذا كانت نقاطك في الـebay أكثر من 99% وبعضهم يطلبون 100% ؟؟
أتمنى اني عطيتك فكره :)
