كذبوا فقالوا ان قوة نيسان ارمادا هي 340 حصان (فضيحه)

لا ياعيال الارمادا 340 حصان ومجرب على داينو الوكيل وتم سحب برنت من الداينو وعرضه على مجلات بدون اي تلاعب او تزوير
والي مكتوب في المجلات يختلف المواصفات الامريكيه على المواصفات الخليجيه فالقوه كمثل الالتيما

يا اخوان الله يهديكم

قوة الارمادا 340 حصان هذا اجمالي القوه الحصانيه
اما الصافي 305 وطبعا الوكالات تكتب الي تبغاه .

مثلا الاكورد 270 حصان اجمالي 240 صافي
الاند 250 اجمالي 235 صافي

وسيارات كثيره كذا .


وبالنسبه للاخ الي يقول انه سبق الارمادا ترها تجيب ال 100 في 7 ثواني
اذا مني غلطان عشان كذا ما اتوقع انه صاحبها دعس .

يا شباب كل المواصفات اللي بالأمريكية نفس اللي بالخليجية..

طيب لما انت رحت الوكالة..الشخص اللي هناك قال لك ان الامريكية مختلفة عن الخليجية...اسأله ايش دليلك ياخي..الكلام ببلاش لكن الإثبات هو الفيصل بين الحقيقة والمراوغة..خل يقولك شنو هي القطع اللي ترفع قوة الخليجية بهذا الشكل الكبير عن الامريكية؟ لأن مستحيل يفتحون خط انتاج كامل مخصص للخليج و لسواد عيوننا..والأدهى ان شلوون يخلون نسخة الخليج اقوى من نسختهم؟؟ احنا شنو اصلاً علشان يخلون نسختنا اقوى من نسختهم؟؟ احنا ولا شي بالنسبه لمبيعاتهم هناك بالغرب!

حبايبي
A.H.A CO
نيساني
مافرق اصلاً كلها نفس القومه والعزم بس ضحك وتلاعب وحنا يالخليج مع الخيل ياشقرا

حتى الجموس والتايوتا
تلاعب في القوه عيني عينك
المشكله مافي رقابه على الاسعار الي تحرق الواحد والصيانه الزي الزفت
يمكن احسن صيانه عندنا بالمملكه شركة عبداللطيف جميل والباقي مشي حالك

لكن هناك فرق بين عدد احصنة الألتيما الخليجية وعدد احصنة الألتيما الأمريكية ؟؟؟؟

ولا تنسون انه في اختلاف بين السيارات الي تنزل بأمريكا والسيارات الي تنزل الخليج
لانهم يصنعون كل سيارة على حسب مناخ الدوله التي ستنزل بها السيارة لتتأقلم مع مناخها
وتتغير مواصفاتها عن غيرها

يا شباب أنا انصدمت يوم قلتوا هذا الكلام و رحت و سألأت الوكالة و قالولي انه الأرمادا الخليجة غير الأرمادا الأمريكية

وهذا الموضوع أنا قريته في النت من قبل
وترا يمكن العيب ليس من السيارة و إنما السائق




وش رأيكم في اللي قلته؟

اخوي نيساني بالعقل...معقول نيسان الأمريكية تنزل لزبائنها الأمريكيين سيارة قوتها أقل من الاجانب العرب؟؟ معقول الشركة تفضل العرب على الامريكيين؟؟

والمعلومات الميكانيكية كلها نفسها بالحرف الواحد متطايقة مع الموقع الرئيسي..فقط التلاعب صار بعدد الاحصنه..لأن لو فعلا 340 حصان..لكان المفروض تتغير بعض مواصفات المحرك..الدورات بالدقيقه..والعزم مثلاً..لكن بالموقعين في تطابق بكل شئ إلا القوة الحصانية مختلفة..

يا جماعه لازم تتأكدوا من السالفه

لانه يوجد اختلاف بين سيارات امريكا وسيارات الخليج

فمثلاً عدد الأحصنه في الألتيما الامريكية ليست بعدد احصنة الألتيما الخليجيه

والله اعلم

لا حول ولا قوة الا بالله :(

الثقه انعدمت يا جماعه...اللي يبي يشتري موتر لا يروح للوكالة..يتأكد من السيارة من الانترنت احسن له واضمن!!

اخوي دي ماكس..هلا والله...

الدورانغو والله الحمدلله ماشي حاله

الجير اوتوماتيك..ما يجي عادي

موديله 2004

قوته 345 أو 340 حصان...ما قمت اصدق المواقع..لازم اتأكد بنفسي بفحصه بالكمبيوتر مال الوكالة..أو احطه على داينو واشوف كم حصان بالحقيقه!!

الحمدلله الآن صارله عندي 6 اشهر و زي الفُل ماشالله


اخوي NYC اشكرك على ردك

فعلا الارمادا تتصنع بأمريكا لكن الشاصي اول مرة اعرف انه من فورد

اتوقع بالوكالة في ارمادا فئة واحده..لكن ما اعرف اي فئة...الله يستر ماتكون اقل فئة واعلى سعر

قمة التلاعب بالبَشر وبعقولهم!!

بدأت افكر اجيب سيارتي المستقبلية بنفسي من المصنع الأم..بالنسبه للصيانه فقط فهي بالوكالة...ماراح اشتري سيارة من الوكالة..فالسيارة اللي تطلع من المصنع الرئيسي هي السيارة اللي تطلع من الوكالة..مع تبليغ الشركة الأم ان السيارة المطلوبة هي ذات المواصفات الخليجية..

دمتم سالمين..

الاخ العزيز HEMI

وعليكم السلام ورحمة الله وبركاته

المشكلة ليست من موقع الشرق الاوسط فقط ، المشكلة بالموزعين عندنا ، فهم من يرغبون برفع الاحصنه الوهميه لرفع الاسعار مع رفع الرغبة بالسيارة

الموقع اللي حاط الرابط منه مكتوب nissanusa يعني موقع نيسان امريكا ، علماً بأن نيسان ارمادا تتصنع بأمريكا وشاصيها فورد ، يعني المعلومات من موقع nissanusa هي الصحيحه !!

انا كتبت موضوع عن نيسان مورانو عن اسعارها التنافسيه والرائعه بالنسبة للمواصفات بأمريكا ، وبعد هذا ارى ردود من شباب بالسعوديه يفيدوني انه لا يوجد إلا نوع واحد من مورانو وهو ليس بكامل المواصفات وسعره اغلى بكثير من نوع الكامل مواصفات !!! ويستمر التلاعب .........

والله ان الارمادا سيارة بمعنى الكلمة

لكن حسبي الله عليهم

الا بسئلك
كيف الدورانقو معاك
عادي ولا توماتيك
كم موديله
كم حصان
مشاكله كشيرة

مشكورين اخواني عالردود

فعلا حتى الأسعار في أغلب الوكالات مبالغ فيها..يعني مثلا تلقى سيارة سعرها بأمريكا 15000 دينار كويتي..تلقاها بالكويت مثلا ب20000 دينار...مصيبه والله...و اقرب مثال عندكم التيوتا لاندكروزر...سعره عندكم ضارب حاجز ال20000 دينار كويتي @@...الله يعين بس

اخوي بو أسد...موقع نيسان الشرق الأوسط كاتب حتى هذه اللحظه ان قوته 340 حصان...وبالوكاله مكتوب على لوحة المعلومات ان قوته 340 حصان @@ !!!!!!!!!!!!!!!!!!!!!!!!!!

ترى والله ماهو شي بسيط التلاعب بقوة السيارة كتابياً...كل شي يكون بحدود المعقول ترى!!!

الله يعين قلوب اصحاب الأرمادا اللي مو عارفين قوة سيارتهم الحقيقية :(

المعروف أن محرك الأرمادا يصل قوته إلى 305 حصان
أما الي قال 340 !!! فهذا واحد يبي يرفع من مستوى الأرمادا

والله صدق ما يستحو


ايش كدا يسون؟

ومشكور على الموضوع