يافرحة ما تمت (سيارتي فيها صوت غريب)

السلام عليكم

بدون مقدمات و فلسفه على راسكم نطرح المشكله اللي عندي


شريت اودي A4 من الوكاله و هي من احسن ما يكون لكن عندي مشكله ما اعرف لها حل و ابغى اخذ رايكم


المشكله اني اسمع صوت من جهه الكبوت.. خلينا نروح للتفصيل الحين:

1- اذا السياره واقفه و دعست لها ببطئ او بشكل متوسط او بقوه .. تكون السياره سليمه
2- اذا السياره تمشي بتسارع بطئ .. تكون السياره سليمه
3- اذا السياره تمشي بتسارع سريع .. تكون السياره سليمه

المشكله هي اذا السياره تمشي بتسارع متوسط .. فاذا وصل عداد الضغط عند 2.4 تقريباً يبدا يطلع صوت غريب (كأن شئ ماهو مثبت) و يوقف الصوت اذا تعدى الضغط 2.8 تقريباً و اذا كملت الدعسه فوق الضغط 3 .. ترجع السياره تمشي بدون اي اصوات

الصوت شبيه بصوت (بدوووون ضحك) ... امممم .. يعني عندك قدر حق طبخ و تحك هذا القدر بسلك نحاس..

هذا الصوت احياناً اسمعه بالشارع على الكابريس الصندوق (اللي هو موديل 85 و طالع) .. سيارتي يطلع لها نفس الصوت و لكن بشكل طفيف

السياره ماشيه 600 كيلو بس ..


حبيت اشوف ردودكم قبل ما اروح الوكاله الاسبوع الجاي.. في ناس قالوا يمكن احد السيور ماهو مشدود .. انا قلت يمكن و لكن الصوت ماهو صوت سير ....

طبعاً انا ابغى اسألكم قبل ما اودي السياره الوكاله و يضحكون علي


و السلام مسك ختام


** ابغى اوضح شئ و هو ان السياره عليها تيربو شد بلاده |4|