السلام عليكم ورحمة الله وبركاته
ياشباب اكيد تعرفون انه معاي كامري 2005
والان الحمدلله ماشي فيها تقريباً 3400 كم
طبعاً خلصت تدريب 1000 كم ومادعست عليها
وبعد 2000 كم سافرت عليها ولاحظت عليها بعض الاشياء وابغى استفسر منكم هل هي مشكلة
ام شي طبيعي وعادي
1- لما وصلت السرعة 180 كم سمعت صوت تصفير يطلع قريب من المكينة مثل كذا (زنننننننن)
وبعد شوي هديت ورجعت ورجع الصوت ولما رجعت من سفري ما اسمع الصوت ما ادري عنه ؟
2- لما الف بالسيارة بالدركسون ناحية اليمين في بعض الحالات احس صوت غريب
وهو زي الرجة من تحت او شي يحك في الشارع ؟
3- احس انه السيارة حارة عندي الطبلون كله حار دايم في الليل حتى اني لدرجة خليت الجوال والمفاتيح في الدرج
وجيت لقيت المفاتيح مرررة ساخنة والجوال يعني كأني مدفيه ؟
4- عندي دايم الحرارة فوق الربع وشوية ؟
طيب ياشباب هل هذي اللي اعددتها لكم مشاكل ام شي عادي
لاني انشاء الله ناويهم اذا وصلتها 5000 كم راح اعلمهم عنها كلها
الان انا ابغى رأيكم وشكراً لكم وبارك الله فيكم
....
