<<<<<تفاوت الجوده في صناعة السيارات>>>>>>

ردي مختصر



انا من ممتلكين الياباني
واعرف ناس كثير معهم كوري


وماشية معهم اكثر من ممتاز

انا برأيي جودة الكوري من جودة الياباني




تحياتي

اخوي الاشعث
حبيبي شاطر
انت و خويك ميتسوبيشي وراكم حاقدين على الهونداي
انت جربت سيارة وحده من هوندا ولا من الكوري عشان تحكم
ولا جايب الكلام من مخك
واذا تبي تدخل امريكا بالموضوع ترا الكوري في امريكا ملياااان
وما عليكم من هالحاقد ذى
شوفو تجارب اصدقائي واحكموا
1- واحد من اخوياي شرا اكسنت موديل 2000 مستعمل عشان ما يتعبه البانزين ((معه فورد و دوامه بعيد))
يمشي فيها يوميا من الدمام الى هافمون ولها عنده 6 شهور ما غير الا كفرات لأن الكفرات اللي كانت عليها مب زينة
2- عند وااحد ثاني سوناتا 2001 معه 100%
3- وكثار اللي اعرفهم معهم النترات ولا اشتكوا منها
وتبون الدليل اكثر اعضاء المنتدى اللي معه اي سيارة من هونداي روحوا اسالوهم
1- ال التيما 2005 معه سوناتا 2005 و اول دفعه ((مب زي التيوتا اول دفعه دمار )) وعلى كلامه 100%
2- مرزوق
3- ابوسطام
ارجوا اخوي انك ما زعلت لكن عيب عليك تهزء بهالسيارات وتجرح مشاعر اصحاب هالسيارات

؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟؟؟؟؟؟؟ استــــــــــغرب موضوع زي هذا بالمنتدى هذا
طيب وين المشرفين عنه

اخوي كاتب الموضوع :
.
انت استطعت ان تثبت ان السيارات اليابانيه افضل من الامريكيه بكلامك هذا
((واوضح تقرير اقتصادي قبل ايام تفوق مبيعات السيارات اليابانيه على السيارات الامريكيه ))

لاكن لم تثبت بأي كلمة بأن الكوري رديء ،،،،،، وجميع الياباني افضل من الكوري

من كــــلامك
((؟؟؟؟هاه وسعرها رخيص.. يالله شراها ودوس ودواره وكلها ثلاث اربع سنين بالكثير الا وهي باطه بعمرها...
وضاعت فلوسك يا صابر لا يعرف شمعنى مده افتراضيه ولا جودة صناعه ولا من هالكلام شي...

واكبر مثال على هذا السيارات الكوريه مثل الهونداي سياره فاشله بمعنى الكلمه جابوها لك شكل جميل بس لا منظر ولا مخبر اللهم انها رخيصه... يركبها الواحد على باله راكب بي ام...هههههههه

يا اخوان ترى الرخيص بخيس...

لا تسوي عمرك ترز لي في هونداي ..

يا اخي خذلك اردى شكل في التويوتا بسعر اطلق هونداي فاشله احسن لك وبتعيش معك ان شالله 17 سنه بالراحه مهب اربع سنين؟؟؟؟))
يعني هذا اللي قدرت عليه تثبت ان الكوري فـــــاشل؟؟؟
ياخي هذا يبين 100% ان كلامك ما فيه اية شيء من الصحه مجرد حــــــقــــــد

وانــــــا بثبت للأعضاء انك عضو فاشل ومتعصب من خلال كلامك انت؟؟

انت تقول سيارات اليابانيه تطول معاك و تقول ان سيارات هونداي 3الى4 سنوات بعدين تتعطل
>طيب شلون تتعطل ومحركاتها يابانيه ومن شركة متسوبيشي<
؟؟؟؟؟؟؟؟؟

السـلام عليكم ورحمه الله وبركاته

قلتها لك ياالأشعث وأعيد أقولها مرة ثانية .. لانك للاسف أول مرة لم تفهمها :

كــل نــاجــح ولــه أعــداء

وأنت للأسف أحد أعداء هذا النجاح المبهر للسيارات الكورية لدينا بالمملكة وبالشرق الأوسط وبدول العالم

كان مما يدور في خلدي وانا اتصفح ردود الاعضاء المشاركين بالموضوع مدى التفاوت الكبير بين رأيهم ورأيك أنت .. ومن المستحيل ان يكون كل الاعضاء على خظأ وأنت الوحيد على الصواب .

ولست أنت من يحكم على مدى انتشار السيارات الكورية في العالم .. وهل حكمك هذا اعتمد على احصائية رسمية ام فقط كلام في الهواء القصد منه التظليل عن الجوده الكورية الموثوق فيها من قبل الجميع .
وقد تستطيع الاطلاع على موضوعي بعنوان ( هيونداي تتحق مبيعات ...) ، وبه احصائية تدل ان مبيعات الهيونداي للعام الاخير تجاوزت مبيعات كثير من السيارات منها الميستوبيشي اليابانية .

كما اني اتعجب من واقعك المر الذي لا تعرفة يا اشعث .. كيف تقول سيارات هيونداي لا تقارن باليابانية .. والميستوبيشي على رأس السيارات اليابانية .. ومحركات سيارات هيونداي هي من تصنيع شركة ميستوبيشي اليابانية .. لأن بين الشركتين اتفاق في ذلك .. للأسف انت لا تعرفه
وياليت تعرف ان سبب رخص السيارات الكورية مقارنة باليابانية ليس لردائتها
وقل جودتها كما تعتقد ، ولكن لرخص الايدي العاملة بكوريا مقارنة باليابان .

بالطبع لا يهمني رأيك فهو خاص فيك .. لكن يهمني ان تكون على صواب واذا كنت لا تميز الصواب فأنا بردي هذا احاول ان اعلمك وافهمك الشيء الي مافهمته الا الآن عن السيارت الكورية وسيارات هيونداي لكي تغير الصورة عن هذه السيارات ، كما اني الحظ في جميع ردودك ومواضيعك انتقاد حاد للسيارات الكورية ، اذا كانت هذه السيارات لم تعجبك انت .. فقد اعجبت [COLOR=DarkGreen]الحكومة السعودية - حفضها الله - من قبلك (( الالنترا )) ووثقت فيها بإعطائها المرور السري والمباحث بمنطقة الرياض .[/COLOR]


ملاحظة اخيرة : بما ان هذي المواضيع تكره اعضاء هذا المنتدى فيه وهي لاتمت للمنتدى بصله ، ولكن الغرض منها ابعاد اعضاء هذا المنتدى عنه ، وذلك ربما يعود لحقد على هذا المنتدى بسبب نجاحاته المستمرة ، ولكن اذكرك ان اعضاء هذا المنتدى كالأسرة الواحدة المتكاتفه وهم كلهم ضد المواضيع الساذجة التي هدفها شخصي بحت .


تحياتي للجميع ..

معليش شباب .. بس عن "تجربة" ترا الكوري يتحمل !! والله يتحمل .. يمكن نفس الياباني ما ادري .. لكن عندنا كيا كرنفال موديل 2001 لها اربع سنين ماشية أكثر من 200 ألف وفوق هذا صابرة للحين (أدري 200 ألف كثيرة على اربع او ثلاث سنوات !! لكن احتجناها حق مشاوير خاصة للعمل) طبعاً كانت مع سواق وصراحة السواق هربدها ولا اهتم فيها .. وانا استلمتها اكثر من 6 شهور قبل سنة والله مارحمتها سويت فيها اللي مايتسوى .. وفوق هذا صابرة للحين :) (خربت مساعدات وعكوس وحاجات استهلاكية عادية !!)

جارنا كان معاه هونداي سوناتا .. وقبل سنة وشوي مشتري كابرس .. والله تحسف عليها !! يشتكي من اعطالها وصرفيتها !! والله إنه يحن لأيام الكوري !! يقول كانت معاه اربع سنوات ماااشية زي الحلاوة !! والله ما اشتكت من شيء ..

صراحة .. اشوف في هالموضوع تعصب .. وخاصة إني مو عارف ايش الفائدة اللي راح نطلع منها من الموضوع !

انا ما اتعصب للكوري ولا احبه اصلاً ولا اطيقه !! لكن كلمة حق لازم تنقال !!

تحياتي ..

لا اله الا الله


انا ودي اعرف بس انت اسلوبك هذا من وين جايبه

ليه حاط بنفسك انك الوحيد بهالعالم الي تفهم بالسيارات

ترى الغرور مو زين لك

انا من ممتلكين الكوري ومن مجربيه ومجربه من كم سنه وارجع الحين واشتري كوري لاني اعرفه واعرف بيدوم معي والا لا


ولا انا ولا انت الي بنحكم على قوة السياره

مهما وصلت خبرتك يالاستاذ الفاهم ما تقدر تحكم والايام هي الي تورينا


وانا ما اقول ان الكوري يتفوق على الياباني

الا انه يتساوى معه او يقل بشي بسيط اما انه ما فيه من الجوده شي او اقل من الحد الادنى للجوده صار سيكل مو سيارات


وتقول اخوي الاشعث انه في امريكا يستخدمون الياباني

وانا اقولك يستخدمون الكوري ايضا

ومو من الضروري انه يوصلك يا طويل العمر كوري وارد امريكي لان امريكا مو هي الي توصلك

الشريطيه الي هنا هم الي يجيبون من امريكا ولا يجيبون الا كرسيدا وكامري فقط يعني باقي الياباني ما يسوى ؟؟ والا الشعب الامريكي ما يستخدمه ؟؟


وتبي تتأكد ان الامريكين يستخدمون الكوري روح شوف منتدياتهم وتعرف انهم يستخدمون الكوري والا لا ؟؟ ويعتمدون عليه والا لا ؟؟



وارجع واقول ما فيه مشكله اننا نقارن بين السيارات

بس نكون فاهمين وش نتكلم عنه مو مجرد حقد او تعلي

ويكون كلام فيه احترام زي ما ذكرت لك اخوي الاشعث بالموضوع الثاني

واتمنى من المشرفين الاعزاء متابعة المشاركات وحذف الكلام الاستهزائي <=== حلوه هاذي

لان فيه زوار يدخلون ويشوفون هالكلام

وفيه اعضاء كثيير فقدناهم بهالمنتدى بسبب بعض الاعضاء الي ما عندهم سالفه بالعربي


اخوووووكم مرزووووووووووووق

السلام عليكم...

اولا اشكرك اخوي اكورد فضي على الرد العلمي المميز ولو تلاحظون انا قلت في بداية موضوعي اللي ما يفهم في هالشغلات لا ينط ويسوي روحه فاهم ويقول لي احصائات وما احصائات...

احصائاتكم هذي لعبه تسويقيه تروج لها بعض وكالات السيارات الفاشله وبعدين والله شي غريب يقولي الاخ الكوري افضل من الياباني في امريكا سبحان الله ...انا ودي اصدقك بس قويه....

وانا ما ني حاقد على الكوري ... بس هذي الحقيقه..

عموما انا اتضح لي من خلال مشاركاتي البسيطه ان كثير من الشباب في هذي المنتديات لا يتمتع حتى بأي حد ادنى من المعلومات والخبرات عن السيارات وهذه مشكله كبيره يعني هذا سكوته افضل من مشاركته اجل كوري احسن من ياباني ...

وانا حقيقة عجبني رد اخوي اكورد فضي ..لاني وجدت فيه نوع من الاستناد العلمي ..

هههههههههه
اجل الكوري متفوق على الياباني في امريكا هه والله عجب...

عموما انا ديموقراطي الى ابعد حد .. بس يا ويلكم من الالمان واليابانيين لو اسمعو هالاكلام..

ولكن انا متعجب اشد العجب...حقيقه انا عندي اقتراح بأنشاء منتدى للمبتدئين في السيارات والا راح تصير كارثه ..

اجل كوري احسن من ياباني .....!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

سلااااااااااااااااااااااام

خلونا نكون بعيدين عن التعصب وقريبين للواقع.....


الجوده العاليه تجدها عند الالماني والياباني ...وان كان الالماني اعلى جودة من الياباني....
الامريكي والكوري لما يصلا الى الحدود الأدنى من الجودة المطلوبه مع احترامي للي عندهم كوري لكن هذا الواقع حتى لو جا واحد وقال المجلات تقول وماتقول.....احنا مستخدمين للسيارات ونعرف فيها.....يعني لايجي احد ويقول احصائيه عن الكوري ومدري ايش لا وسواه افضل من الياباني.....بكره بعد راح يجي واحد ويقول الكوري افضل من الالماني ليش لا؟ انا اشوف العجب العجاب بصراحه في المنتدى هذا.........مع احترامي للجميع.....الي عنده اوروبي...امريكي ...ياباني او كوري....ولاتزعلون يااصحاب الكوري ترى هذي الحقيقه.....

اذن ...نستخلص ان مقاييس الجوده مترتبه على النحو التالي من الاعلى للادنى



الالماني====فوق الحد الادنى لمقاييس الجوده
الياباني====فوق الحد الادنى لمقاييس الجوده

الامريكي=====تحت او عند الحد الادنى لمقاييس الجوده
الكوري=====تحت او عند الحد الادنى لمقاييس الجوده

بالنسبه للامريكي ...اذا واصلوا الامريكان لعبة الضحك على الذقون الي يقصون فيها على العالم ويدعون انهم افضل ناس في كل شي ترى راح يوصلون للحظيظ.....وسياراتهم اكبر مثال...

بالنسبه للكوري....في تقدم ملحوظ......واتوقع كم سنه وراح يحترفون صناعة السيارات ويمكن توصل لجودة الياباني
..ليه لا؟؟ مع العلم ان الياباني في تطور مطرد...يعني يمكن حتى الياباني يتطور ويوصل للالماني...ليه لا؟؟ مو غريبه على اليابانيين.....



وسلامتكم

السـيارات الكـوريه في غنـى عن رأيك لانـهم لايـصنعون الشـي الا بـعد قـياس ودقـه
شـوف الشـوراع سيـارات كـوريه قديـمه وماشيـه أكثر من اليابانيـه ولسى بـاقي جودتـها في مكـينتها وبوديها وداخليتها

أنا شايف مره سوناتا موديل 2000 مـاشيه 300 الف كيلو ويحـلف صـاحبه ماغـير شـي في سيـارته الا بس القـطع الاستهلاكيه مثل الفحمات والفلاتر وغيرها

اخوي الاشعث ليش حاقد على الكوري ؟


لا تقلي كلامك مجرد رأي


كلامك يدل على حقد أسود ودفين ضد السيارات الكورية

نفسي أعرف السبب

ومن انت علشان تتكلم عن الكوري

اتحدى لو انك جربتها او اخذت اي سيارة من هونداي خاصة وهذا الكلام كله من راسك
يكون بعلمك ان هونداي تعتبر ثالث شركة في امريكا من ناحية الجودة ومتساوية مع التويوتا والهوندا و متقدمة على النيسان والميتسوبيشي والسيارات الامريكية نفسها وهذا الكلام مو من راسي تلقاه في كل مواقع الاحصاءات


والسعر الرخيص مايدل بالضرورة على ان الجودة رديئة فـــ كوريا ماهي داخله في الدول الخمس المصنعة الكبري في العالم علشان كذا ماعليها قيود في السعر مثل الياباني

بالفعل اخوي......الألماني والياباني اسمين لعمله واحده = الجودة

مع الأخذ بالعلم ان الألماني يتفوق على الياباني......علشأن مانهضم حقوق الألماني :)

فعلا السيارات الكورية عمرها الافتراضي قليل جداا وسنتين بالكثير وتصير من زوار الورش..

والسيارات الاميركية زيهاا ..

اللي يبي يشتري سيارة وتدوم معه انشاء الله يا ياباني يا الماني وبسسسسس . واتحدى شخص يثبت عكس كلامي .

لالالالالالالالالالالالالالا تعليق وينكم يا اصحاب الكوري ؟