طلب واتمنى النصيحه منكم.........كم سعر هذه السياره

الله يعطيك العافيه اخوي ريفو وماقصرت اخوي انت والشباب
والله يديم عليكم الصحه والعافيه

شوف الكابرس LTZ وإذا تبي أصغر اللومينا ...
بس نصيحة لاتشتري سياره إلا وأنت مجربها سواء بالوكاله أو سيارة واحد من أخوياك أو حتى تستأجرها ..
أهم شيء تكون أنت مقتنع فيها وماعليك من الناس ...
لأنهم يبي يغثونك ...

ولاتنسى الأستخاره :)

تحياتي

والله الصراحه ياشباب انتو حيرتوني وانا اللى ابغاه سياره مشاوير وتماتيك
لاني سيارتي الخاصه جيب نيسان بترول سوبر سفاري موديل 99 حتى الناس
مستغربين يقلون وش تبي فيه وانت لامتزوج ولا حولك زواج يعني وش السياره
المناسبه صغيره وتماتيك وناس كثير قالوا فورد والفورد حلو لكن كل الناس فورد
فحبيت اغير قلت يمكن الكابرس مناسب وانتم وش رايكم اخواني
ولكم تحياتي واحترامي

السلام عليكم
أخوي إذا تبي تشتري سياره مستعمله حاول تبعد عن الـ SS
لأن الـSS ماتنفع إلا جديده المستعمله غالبا تكون مفجره تدعيس وقومات وسرعه ,
وأنت لاحظها في الشوارع مايعرفون يسوقونها زي الناس والعالم أنواع التفجير تقول شريتها له أمه ماشراها بفلوسه ..

كنت أقارن بين لومينا 2003 SS ولومينا 2005 LS جديده وكاله لأنها بنفس السعر بس يوم فكرت قلت أخذ الـLS تعيش معي أكثر ومايكون ملعوبه .. (للأن ماشريت جالس أشاور وأحسب :))

وسلامتكم:)

أخي امير الروح
بهالمبلغ اللي معك ما راح تحصل موتر نظيف
ان حصلت شي فصدقني تلقاه مصدوم صدمة قوية ومسمكر
انا يو كنت ادور لي سيارة
حصلت اللي ابغاه وكانت اخر موديل ورخيصة مرررررة ونظيفة
كانت صفقة رابحة بكل المقاييس
(سيارة قيمتها جديدة 78000( حصلتها بـ 55 الف بس ومالها 4 شهور
ويوم شاورت واحد من الجماعة فيها قال لي رح لفلان بالمعرض الفلاني خله يفحصها لك
ويوم رحت له قال لي تراها مصدومة وبقوة والصدمة من الجهة الأمامية اليمنى!!!!!!!!!!
مع انها كانت تلمع في المعرض
وممكن تخدع اي واحد

اخوي سيمو واخوي ابو سطام
يعطيكم العافيه والف شكر لكم
على المعلومات شاكر لكم ومقدر

انا اعرف واحد من الشباب قبل فتره خذ ال اس موديل 2000 بس مشاء الله نظيف في حدود الـ38000

مرحبا فيكم


37000 اتوقع تجيب لك 2001 ال تي زد


تحياتي لك

الله يعطيكم العافيه اخوي م ح ص 469 واخوي نايت
بس السعرين هذي احس غاليه مره
لان الصراحه انا مااملك الا 37 الف والسيره تكون من نوع LTZ
مادري اقد اشتري بالمبلغ واللى لا
ويعطيكم الف عافيه

اخي أمير الروح:
أنصحك بموديل 2002 وان حصل 2003 لأن الموديلات القديمة فيها مشاكل الى حد ما
أنت ما حددت اي نوع تبغى بالضبط
أنصحك بـLTZ 2003
وأتوقع سعرها ما يزيد عن 75000 ريال بالكثير
بس أهم شي تتأكد انها ماهي مصدومة