هل المشكلة من الجيربوكس أم من المكيف ؟

golden crown @user_19647 · 21-06-2005

أنا سيارتي يا إخوان كورولا 2003 ( الجير عادي )

في الفترة الأخيرة

وعند تشغيل المكيف وأحط الجير على الأول وأمشي بالسيارة ترج السيارة كأنها بتطفي

ولمن أقومها بالثاني عادي

علماً أن المكيف لمن يشتغل فيه صوت غريب يروح ويجي ( الصوت شكله له علاقة بالبكرة )

أنا ناوي أوديها الشركة أكشف عليها ( بس قلت آخذ رأيكم بالأول )

وكم ياخذوا الشركة على الكشف فقط ؟

الله يعطيكم العافية

golden crown @user_19647 صاحب الموضوع · 26-06-2006

إخوتي الأفاضل :

أبشركم بأن المشكلة قد تمَّ إصلاحها ...

وهذا كله لم يكن ليتم إلا بتوفيق رب العالمين أولاً ثم بما لمسته هنا من دماثة الخلق وحسن النصيحة ....

وهو ليس بمستغرب حقيقة على أمثالكم ...

فأنتم أهل لذلك ...

القصة ومافيها ...

أنني قرأت رد الأخ الفاضل : فني سيارات .. جزاه الله خيراً

والذي ألمح فيه لمشكلة قد حصلت لأحد الأعضاء سابقاً ، وأن المشكلة كانت من غطاء فلتر الهواء ...

فقمت بالكشف على فلتر الهواء ....

الفتر أصبح لايُعرف لونه الأصلي من شدة الغبار والأتربة ...

قمت بتغييره على الفور ....

والحمد لله زالت المشكلة وحُلت القضية ...

فلكم من الشكر أجزله ، ومن الكلام أرقه وأعذبه ....

سأظل أذكركم إذا جن الدجى # أو أشرقت شمس بصبح زماني
سأظـل أذكـر إخـوة وأحـبـة # هـم في الفـؤاد مشاعل الإيمان
سأظل اذكركم بحجـم مـحبـتي # فـمـحـبتي فيـض من الوجـدان
فلـتـذكـرونا بالـوفاء فإنـكـم # أسـراب طـيـر هاجـرت بـثـوانِ

دمتم بخير وعافية

فني سيارات @user_8460 · 26-09-2005

اخي الكريم مرة احد الاعضاء قعد يشرح ويقول مثل هذه الحاله واخيرا توصلنا الى شئ ماكنا متوقعينه وهو ان غطاء فلتر الهواء غير مربوط بشكل صحيح مما يؤدي الى رجه مع صوت

اما عن مشكلتك اذا انت تشوف ان المشكله في الكلتش

شوف اولا مستوى زيت الكلتش لي يكون بجانب زيت الفرامل

اذا كان ناقص زيد الزيت

تغيير الكلتش يتطلب فصل الجير او ازاحته قليلا ثم تركيب صحن الكلتش

علامات الي تستدل على ان الكلتش تعبان هو ملاحضة ان RPM تلاقيه عالي وسحبية السيارة منخفضة
يعني يفوت سرعات من الماكينة

اول ماتمشي السيارة تحس انها تمشي من اول ماتشيل رجلك من الدواسة الكلتش او متاخر تمشي على اخر الدوسة

يعني غير طبيعية سواء بتقديم او تاخير

golden crown @user_19647 صاحب الموضوع · 25-09-2005

الله يعطيكم العافية جميعاً ....

المشكلة للأسف مازالت مستمرة .... حتى بعد تغيير البواجي ....

وطلع المكيف ماله علاقة .... لأني طفيته لمدة يوم كامل .... ولا حظت الرجة بس بشكل خفيف .... تزيد إذا شغلت المكيف ....

المشكلة والله أعلم بالكلتش .... لأنه فيه صوت غريب لمن أرفع رجلي من عليه ..... قبل ما أدعس على البنزين ...

إضافة إلى المشكلة الأساسية اللي قلت لكم عليها ....

حاس إن الكلتش ضعيف .....

اللي أبغى أعرفه منكم......

إذا الكلتش ضعيف ....

إيش الأعراض اللي تعرف بها إنه ضعيف ؟

وإيش أغير له ... ؟ وكم يكلف ؟

أخوي الكريم : فني سيارات : مشكور على تشريفك لموضوعي المتواضع ...

بس كيف أعرف إن الكلتش يبغاله وزنية ؟

وش هي الأعراض إذا الكلتش غير موزون ؟

وترى الجير يركب في الثاني والثالث زي العسل ومافي مشاكل ....

الريوس .... لك عليه ... مايشبك على طول .... ولو شبكته بعض الأحيان تسمع صوت احتكاك تروس ... كأني ماني ضاغط على الكلتش ...

والله يجزاكم الجنة جميعاً ويبلغكم رمضان

فني سيارات @user_8460 · 11-09-2005

اخي الكريم جرب تقوم السيارة بدون مكيف اذا كانت الرجه نفسها اكيد له علاقة المكيف في الموضوع

وانا شخصيا اشوف ان الكتش ممكن يحتاج وازنية او حتى تكشف على الزيت زيت الكلتش الي مثل زيت الفرامل
يمكن يكون هناك هوا دخل في الماستر سلندر للكلتش

هل الجير يركب في 2 او 3 بسهوله او لا
؟؟؟

golden crown @user_19647 صاحب الموضوع · 11-09-2005

أخواني .... شاكراً لكم تفاعلكم ... الأكثر من رائع

والمشكلة طلعت من البواجي ....

غيرتها والحمد لله السيارة تمام الحين

الله يعطيكم العافية جميعاً

والمعذرة على التأخير

azoz2004 @user_14299 · 22-06-2005

حصلي نفس مشكلتك رجه في السياره مع ضعف في العزم السياره مرات تبغى تطفي

وتزيد الاعراض مع تشغيل المكيف

اذا كانت هذي اعراض سيارتك فالمشكله من اسلاك البواجي او من الواجي نفسها

bilany2003 @user_19836 · 22-06-2005

شوف روح لأخصائي المكيفات وقول له السالفة وانا متأكد ان البلف حق المكيف تعبان البلف هذا يشتغل اذا شغلت المكيف وتلاحظون ان صوت السيارة يرتفع واذا برد البلف هذا يوقف المكيف علشان يريح المكينة وتلاحظون ان صوت المكينة صار هادي اذا خرب البلف هذا ايش يصير اول ما تولع المكيف ترج السيارة ليش لأن المكيف ياخذ 3 حصان تقريبا من عزم السيارة علشان كذا تلاحظ الضعف والرجة هذا طبعا اذا خرب البلف..... وشكرا

M7M @user_14870 · 22-06-2005

ولله صحيح كلامك ابو سيف بس انا حطيت افتراض ان الرجال سواقته رزينه
وعلى فكرة اعرف واحد كسر رقم ولد عمك القياسي في 7 شهور
بس برضه ان القير تحمل 9 شهور على هذا الجنان لو قير اتوماتيك كان ماتحمل نفس هالسواقه شهر :D

golden crown @user_19647 صاحب الموضوع · 21-06-2005

طيب

بس أنا إذا طفيت المكيف تروح الرجة

وإذا كانت المشكلة من الجير ؟

كم بتكلف يعني ؟

والوكالة كم ياخذوا على الكشف ؟

وإذا عندكم ورش محترمة في جدة دلوني عليهايكون لأني نازل الأسبوع هذا جدة ؟

والله يعطيكم العافية

سيــــ ابوـــف @user_19393 · 21-06-2005

يا اخوي هذي المشكله بالكلتش 100% بس روح اكشف بالوكاله احسن

بالنسبه لك يا اخويm7m انك تقول ان القير العايدي اقل مشاكل من الاوتو هذا صحيح ولكن على حسب السواق اذا كان

يحرق ويقحص ينتهي الجربكس خلال 9 شهور وهذي من تجربتي

كان مع ولد خالي كوريلا 2004 هو خبل يحرق وعادم السياره خلال 9 اشهر من بعد ما طلعها من الوكاله سوا توضيب للجربكس

M7M @user_14870 · 21-06-2005

اخوي الجير بوكس العادي مشاكله قليله وخصوصا ان السيارة جديده فمااتوقع ان المشكله في الجيربوكس لكن ودها الوكاله عشان يعالجون المشكله اما اذا الضمان انتهى فروح اي ورشه محترمه افضل بالنسبه لجيبك

kmn @user_4210 · 21-06-2005

من مشاكل القير هي الرجة عند تقويم السيارة

golden crown @user_19647 صاحب الموضوع · 21-06-2005

مشكوور على المرور أخوي مرزوق

لكن كيف أعرف إن الكلتش عندي ضعيف ؟

M.A.D about u @user_4452 · 21-06-2005

قد يكون الكلتش عندك ضعيف

لكن انتظر ردود الفنيين الموجودين بالمنتدى

وبالنسبه للكشف عند الوكاله ان كان الضمان ساري الى الان فيكون مجاني

اما غير ذلك مالي علم

اخوووووووووووووووك مرزوووووووووووووووووق