احذرو الانفتيتي.. بسبب وكالته

اخوي انا يوم قلت 260 الف انا اقصد موديل 2005 مهوب 2004 ، وموديل 2003 كان واصل للسعر هذا وعندي اثبات بعد لهالشي ، انا ما اجيب كلام من راسي ، لو سعرها بـ 210 كان قلت لك من اول ان هذا سعرها لكن هذا السعر يوم نزل موديل 2004 عشان يمشون باقي السيارات اللي عندهم

اما المقارنة انا قد قريتها وحافظها عندي بالجهاز ، بدورها واوريك اياها ، وبعدين المواصفات ما جبت لي الا نظام الملاحة ؟ وين الباقي ؟ انا متأكد انك ما تعرف شي عن مواصفات البرزدنت عشان كذا ما قلت الا الرادار والشفط بس

اما حكاية قومة اللكزس فانا ماني مقتنع فيها ، سعودي اوتو جربوا السيارتين وقالوا ان الانفنيتي تتفوق في القومة والخط ، يعني حكاية عن تجربة ، في ظل هالارقام الموجودة مستحيل ان اللكزس تقوم او تروح عن الانفنيتي الا اذا كان السواق الله بالخير طبعا حق الانفنيتي

الوزن من قال لك اني مقتنع فيه ؟ اكذب الارقام الرسمية واصدق كلامك ؟ مو معقول ، اما الشاشة فهي موجودة اول ما طلع الجيل الثاني من الانفنيتي في عام 97 ، يعني قبل اللكزس الله يصلحك :D

حكاية العزل انا ما انكر ان اللكزس تملك افضل عزل في السيارات الفاخرة لكن مو معنى هذا ان باقي السيارات عزلهم تعبان او انك تسمع صوت العالم الخارجي وانت بالسيارة ، عزل الانفنيتي مهوب شين لكن اللكزس افضل

اسمح لي انا ما راح ارد مرة ثانية من بعد ما قلت ان السعر 240 وهو 245 في الاصل ، اتمنى انك ما تقول كلام مو صح عشان موضوع لا راح ولا جا

ابو فيصل
والله هذي فلسفة للشركة ، يعني كل شركة ولها نظرتها ، وبعدين يا عزيزي الكابرس اللي تقولك كان في الباب واذا كنت تعد هذا عيب اجل وش تقول في المرسيدس اللي ازرار تعديل المراتب حقتها في الباب موجودة ؟

موديل الـ 2004 كان بـ 245 الف بالضبط اول ما نزلت ثم ارتفع الى 250 الف بعد ما نزلت بفترة بسيطة ، اما موديل 2003 كان على عزه تقريبا بـ 235 الف وعلى فكرة اللكزس اول ما نزل بالشكل الجديد كان نازل بـ 228 تقريبا

طيب انا شايف وحده موديل 2002 من الكيو بـ 120 الف وهالكلام قبل 3 شهور تقريبا ، وشلون تقولي 100 الف ؟ وانا ما اتوقع انك راح تلقى وحده بهالسعر الا اذا كانت مصدومة من قبل صدمة جامدة

وليه ما فيه مقارنة ؟ لو ما فيه مقارنة على قولتك ليه المجلات العالمية ومنها موتور تريند الشهيرة جربت بين السيارتين ؟ لو ما فيه مقارنة على قولتك كان كتبوا ان ما فيه مقارنة بين السيارتين لكنهم جربوا السيارتين ولعلمك الانفنيتي هي اللي تفوقت في المقارنة ولو ما فيه مقارنة كان ما شفت هالتطور المذهل اللي صار في اللكزس لانهم يدرون ان انفنيتي هو اقرب منافس للكزس ، شغلة ان مواصفات الانفنيتي ما تتقارن باللكزس انا اقولك صح لان فيه تعديلات جذرية بين موديل 2003 و 2004 لكن قارن موديل 2003 [بـ الانفنيتي وراح تلقى ان مواصفات السيارتين متقاربة مع تفوق للانفنيتي في بعض الشغلات مثل نظام الملاحة والتبترونيك ، واذا كنت تبي المواصفات اللي ذكرت فهي موجودة لكن في النسخة اليابانية من الانفنيتي وهي نيسان برزدنت وفيها بعد مواصفات ما تلقاها باللكزس لكن بالرغم من هالشي الانفنيتي مواصفاتها جدا معقولة ، اما الكراسي فما ادري هل اذا كانت سنادة الرأس مو كهرب يكون هالشي عيب في السيارة ؟؟

قصة القوة ترى الانفنيتي اقوى من اللكزس قومة وخط ، لا يهمك من يقول ان اللكزس عزمها 50 كجم / متر ، هذي ارقام ملعوب على الناس فيها ، عزم اللكزس الحقيقي هو 42.5 كجم عند 3600 دورة اما عزم الانفنيتي فهو 47.8 كجم عند 4000 دورة ، بالله عليك لو عطاك واحد هالسيارتين وشفت الارقام وش بتقول ؟ اكيد الانفنيتي لان ارقامها افضل ، فرق 5 كجم في العزم ترى مهوب بسيط

اما الوزن للمرة الالف انا اقولك ان الانفنيتي اثقل و وزنها اكبر ، اللكزس وزنها 1840 كجم والانفنيتي وزنها 1887 كجم وهالكلام هذا مثبت ولو تبي اوريك اثبات هالشي انا مستعد