السلام عليكم اولاً
بالله ياشباب حابب اسأل متى يبداء السباق في جده فور باي فور
الي هو في التحليه بعد ايكيا على اليمين
انا صراحه كنت في جده اول امس
وقالو الي عنده سياره دفع رباعي يدخل مجانناً
<<< كتر من ابو بلاش
المهم قلت ادخل ليه لا
صراحه رحت شفت الطعس والطين والطلعااااات شي يخوووووووووف
وانا معاي جيب هوندا سحب امامي والدبل خلفي
والدبل اوتوماتيك ضخ زيوت مو تروس
يعني ماعندي قيييير للدبل يشبك لحاله الدبل
يعني مجرد رحلات مو طعووووس
دا كله وانا 4 سلندر
جاني واحد قالي شايفك خايف (( واحد شايب))
قلتله ابداً
قبل لا ادخل اشوف باجيروووو مو راضي يعدي المسكين يعلق في الطلعه يوصل محل ما يقدر يكمل
انا خفت بس قلت ادخل
لسؤ او حسن حظي ماعرف ركب معاي المعلق
ويافضيحتي
الناس كلها اتلمت ومشيت بالسياره الجيب الهوندا السي ار في
الصراحه دخلت في طيييين في طلعااااات في مووويه داخلها كفراااااات
رممممممممممممله
الباجيرووو وصل طلعات ماعدا فيها الا من تاني او تالت محاوله
انا اعدي فيها من اول مرررره
المعلق اتجنن
وقال هادي مهي دعايه لشركة هوندا بس انا حاشتري هوندا
والله مشيت كل الطعووووس ما بقالي شي
وصلت اخر طلعه وكانت جداً قويييييييييييه طلعه 4 متر تقريباً ونزله على طووووووووووووووووول
الباجيروو قبلي علق فيها 3 مراااات وسحبوووه بس طلعها في الاخير
انا جيت اطلعها وطلعتها بس بعد ما وصلت النهايه في الطلعه خفت في النزل وضربت فرامل
السياره علقت
جاني واحد
على حسب كلامه يقلي حراااااااام عليك وانا وربي مراهن عليك بــ 100 الف
خرجها من دون ما يسحبوووك
الرجال باين عليه كبيييير
قالي ممكن اجرب اسوووق واخرجها
حاول مافي امل
المهم سحبوني
قلت لصاحبي امديني اعديها بس انا خفت
قالي لا تخاف وادعس
وطلعت ونزلت
المعلق كان يصرخ والجمهور معااااه هوندااااااااا هونداااااااااا
والمعلق اجرى معااااي مقابله
الجمهور كله كان مو متوقع اعدي على حسب ما سمعت من الشباب محد كان متوقع اني اعدي يعني انصدمو لما عديت بس بعد ما خلصت الكل يقلي تمام عليك حتى السكيروتي كان يحش قبل لا ادخل
يقلي انت اول حفره توقف
لما جيت خارج يقلي والله عجبتني قدها وقدود
ماكان على بالي انك كده
______________________________
هل تنصحوني ادخل السباق؟
الباجيرووو 6 سلندر وقوي وعلق
انا 4 سلندر وعديت وعلماً انا الوحيد 4 سلندر
________________________________
شباب ارجوكم بس بعرف متى يبداء السباق وكيف طريقته وايش عليه
وايش له ابعرف كل شي لو سمحتوووو
