التيما - اكورد - مازدا6 ZOOM - منتدى السيارات

الخربان @user_15187 · 29-07-2005

السلام عليكم ورحمة الله وبركاته

صراحة انا محتار بين هالسيارات

طبعاً الالتيما 6 سلندر اقل نوع والاكورد فتحة واوتو والكامري GLI و المازدا فل قير عادي

انا تحيزي الاكبر للاتيما مع ان الوالد الله يخليه و(يهديه) ملزم على الكامري ويقولي كمان المازدا طيبه

وفكرة الالتيما قالي شيلها من راسك

انا ادور وسيله اقنعه فيها وان كان ملزم بحاول ابعده عن الكامري الى اي سيارة ثانية

مابين السيارات اللي ذكرتها

اتمنى فهمتوا وضعي :rolleyes: وارجو المساعده في اقرب وقت وممكن شراء السيارة خلال الثلاث ايام الجاية باذن الله علماً بان الدفع كاش :) والحد مابين 70 و 73

ويعطيكم الف عافية

أبـــوبـــدران @user_19528 · 18-08-2005

ليش مافكرت بالسوناتا

وان كان ابوك معزم على سياره اقتنع بها ياخي
وان كان بالك في الألتيما انا من المؤايدين لها

والله يوفقك

سواق الشروكي @user_19949 · 18-08-2005

صراحة من رأيي المازدا6 فل كامل ب 71 ألف ريال سعودي

وأدائها ممتاز وأحلاها شكل ومواصفاتها ممتازه
لكن المحرك 2 لتر والكورد والكامري 4سلندر 2.4 لتر والألتيما 2.5

والكامري شكلها مو أحلى من المازدا
والكورد اللي سعرها 70ألف مواصفاتها لك عليها

والله يوفقك لحسن الاختيار.................

سلطان الأكورد @user_19563 · 18-08-2005

ه

هاني السالمي

الالتيما وبس هذا رايي

والالتيماV6 لها 3 انواع (الاسعار هنا للاوتو اذا تبغى عايدي نقص 3 الاف )
النوع الاول :جناح ومسجل6 سي دي وكاسيت وتخشيب ونظام تحككم بالاصوات ومثبت سرعة في المقود (الديركسون)تقريبا سعرها 74000

النوع الثاني :فل بس مخمل كل شي فيها فتحه وسيدي جناح بس انها مخمل وبدوب ABS وسعرها 82000

وامنى ان اكون افدتك

هذي الاسعار انا بعد متاكد منها

bashmaycry @user_20887 · 18-08-2005

ألتيما فل كامل ب 88 ألف من الوكاله

فل بدون فتحه وقير عادي ب 84 ألف

وبتنزل الاسعار بعد كم شهر

هاني السالمي @user_21363 · 16-08-2005

الالتيما وبس هذا رايي

والالتيماV6 لها 3 انواع (الاسعار هنا للاوتو اذا تبغى عايدي نقص 3 الاف )
النوع الاول :جناح ومسجل6 سي دي وكاسيت وتخشيب ونظام تحككم بالاصوات ومثبت سرعة في المقود (الديركسون)تقريبا سعرها 74000

النوع الثاني :فل بس مخمل كل شي فيها فتحه وسيدي جناح بس انها مخمل وبدوب ABS وسعرها 82000
النوع الثالث الفل كامل وهذي فيها كل شي 101000

وامنى ان اكون افدتك

اكورديات @user_16890 · 05-08-2005

انا على حد علمي

ان الالتيما 6 سلندر

تجي نوع واحد وسعرها فوق المية الف

بس اذا تبي رايي

تبي سياره تعيش معك وشكل مالك الا الاكورد

وبرضو تبي سياره تعيش معك بس الشكل لك عليه خذ لك كامري

بس بالاخير

انتببببببببببببببببببه

واعيدها

انتبببببببببببببببه<== مستانس

انتبه تاخذ سياره ماخشت مزاجك وتغلط مثل غلطتي

ترى تكره السياره كرررررررره مو طبيعي

صح بتقنع نفسك بالبدايه وبتقول انشالله بتعجبني

بس بعدين بتبدا تكرهها

شفني انا صار لي اسبوعين ماركبت سيارتي موقفه بالبيت كرهتها لاني وانا اشتريها مو مقتنع كنت ابي فل كامل

بس للاسف ماكان موجود بالوكاله وكنت مستعجل

عالعموم

الله يكتب اللي فيه الخير

وقبل كل هالكلام استخر وادع ربك ان يوفقك بالخيره

*الـسـفـيـر* @user_7407 Banned · 04-08-2005

الألتيما حلوة بس اللي بتآخذها اقل نوع يمكن ABS مافيه

أرشح المازدا 6

Revo @user_19626 · 01-08-2005

لاتستشير أحد تدري ليه ؟

لأن الوالد يبي يشتري لك إللي يبي وماعليه منك يعني أقطعه ولاتحاول مثل ماقال أخوي زووم ...

almalki @user_19775 · 01-08-2005

بالترتيب

أكورد

التيما

كامري أو مازدا

تحياتي

الزوم عند اللزوم @user_18477 · 31-07-2005

السلام عليكم

طريقة لأقناع الوالد ....

يا طويل العمر أمسك أبوك على جنب وقل له (( يابوي أنا نفسي في الألتيما بصراحة ، وخاشه مزاجي وأخاف آخذ موتر ثاني وألعن أم الموتر :D لذلك تكفى يا بوي ** وحبة على راسة وخشمة ** أبي الألتيما ))

الكلام اللي علية خط لا تقولة مثل ماهو مكتوب دور لك صيغة ثانية وأسلوب آخر بحيث توصل له المعلومة زي ماهو مكتوب وقل له أبي لي موتر لي وللزمن ما أبي موتر بكرة أكرهه.....ومن هذا الكلام يــا أخي الحبيب ;) .

ما أدري هل فكرتي زي وجهي |11| ولا لا ....

وإذا ما وافق أطلع من البيت ولا ترجع إلا بعد أسبوع ، علشان أنا أتوطى في بطنك :D ،،،

إذا بتاخذ مازدا فل وقير عايدي OK ، بتاخذ توماتيك خذ أكورد ولا كامري .

والله يوفقك........

افالون2005 @user_20941 · 31-07-2005

والله اخوي بصراحه كل السيارات الي ذكرتها سيارات قوية ومرغوب فيها

لكن الالتيما شكلها خرااااافي اذا صارت فل والعالم تمدحها بصراحه وهي اكشخ وارز من السيارات الي ذكرتهم

وبالنسبه للاكورد سياره رسميه وقويه وجودتها عاليه لكن فيها مشكلتين قطع غيارها نااار وشكلها الخارجي مش ولابد تحس انها صغيره شوي ..

والله يكتب لك الي فيه خير

waleed4w @user_18798 · 30-07-2005

اذا انت راعي سرعه وقومات وتحب الطابع الرياضي فخذ الالتيما

لكن فخامه ورسميه فلاكورد

واستبعد المازدا والكامري

الخربان @user_15187 صاحب الموضوع · 30-07-2005

^
^
^
آآآآآآآآآمين :D
والله ياخوي انا سألت عنها واعرف واحد في شركة نيسان في جدة وقالي سعرها 74.000 ريال
وتجي بجنوط 17 وفورمايكا وجناح وكشافات واعتقد انه يشيل 6 CD ( ماني متأكد )

ويعطيك الف عافية :)

إيسوزاوي @user_18360 · 29-07-2005

اخوي الخربان/
اولا الله يصلحك:)

ثانيا اهنيك على ذوقك الرائع في الالتيما 6 سلندر...لكن كيف ميزانيتك بين الــ70 والــ73 و تقول التيما 6 سلندر اقل نواع؟ انا اللي اعرفه انها فوق الثمانين ألف؟..وعلى فكره اقل نوع كم سيدي؟
واذا تبغى تقنع الوالد الله يحفظه رح معه و جربوا السياره عند الوكيل. يمكن يتغير رايه.

واذا كنت ما تقدر عليها انصحك بالزوم لانها رائعه بكل ما تعنيه الكلمه. شكل و قوه وفخامه تكفيك من الداخل

اما الاكورد اشوفها في كل مكان و صارت زي الكامري انا اقول ابعد عنها وخلك مميز:)

سلام