ضروري لاهنتوا؟؟

والله انا اليوم مريت الوكاله وشفت fx انفنتي و g35 والمورانو واستبعدت ال fx لان سعره 161000 وانا صراحه ماودي يروح جزء موب سهل من الراتب في الاقساط

اما الg35 فوالله رايقه مره ومميزه في فئتها وقريت عنها في كل مكان الكل يشيد بها

اما حبيبي المورانو فوالله ياهو راكب مزاجي خصوصا اسود من برى وسكري من جوا مره مره مره

فيه واحد نصحني باسود من برى واللون هذا اللي يشبه الاحمر من جوا والله مدري وش تسمونه

فكرت في الانفوي بس محد نصح فيه فكرت في باثفايندر 2006 بس مره ما اعجبني

عموما شكلها والله اعلم مورانو وبتخذ الخطوه هذي بعد ما ارجع من السفر فاللي عنده اي اقتراح او مشوره تكفون لايبخل بها

والف الف شكر لكل من دخل وشارك ونصح

~~~~~~~~~~~~~~~~السلام عليكم ورحمة الله وبركاته ~~~~~~~~~~~~~~~~~~~~~
اخوي الحلم انا انصحك في التالي : ـ
1ـ جيب نيسان ملك الصحراء (( سوبر سفاري 2005 فل ابشن )) صراحة سيارة ما عليها كلام يعني حلو من جميع المقاييس. و في شكل جديد .
2ـ الباثفيندر موديل 2005 اللون لؤلؤي فل ابشن سيارة ممتازه جدا.
2ـ المورانو . بس مثل قول الشباب مو مثل الباثفيندر في البر.بس شكل مميز وجميل.
4ـ الأنفنتي . لا اعرف عنه شيئا.

الصراحه المورانو يعتمد عليه لكن من ناحيه البر و الطعوس قدراته قليله يعني مو مثل الباثفايندر

و عن الانفنتي FX35 سعره على حسب بعض الاعضاء انه 161000 مع كل شي <--- سعر الكاش

و انا كنت بانصحك في اللكزس و لكن اسعارهم مبالغ فيها بصراحه

و انا انصحك بالانفنتي G35 اذا كنت تفكر انك تاخذ صالون
و بالمورانو اذا كت تفكر بالجيب

تحياتي

مشكور على كل من رد

اولا .....

انا مره عاجبني المورانو بس احد يعرف كيف استعماله هل هو يعني مثل البثفايندر يعتمد عليه ام افضل
هذا السؤال اللي مره يهمني

اما g35 فمره رايقه وهي والمورانو عندي في منافسه

اما الليجند فما ادري عن ابو هاشم متى ناوي يجيبها اضافه الى ان شروط الوكاله صعبه من ناحية التقسيط

ام من نصحني بالكابرس فانا اشكره ولكن هذي السياره هي واختها اللومينا لاارغب فيهم البته لما رأيته بعيني من كثرة خراب وشكاوي اصحابها


ورجاء وفضلا لا امرا من ينصحني بسياره يدعم نصحه بالاسباب فانا لم أسأل الا لطلب المشوره من اهلها

سؤال اخير عن جيب انفنتي fx35
كيف هو وبكم؟؟؟؟؟؟؟؟؟؟؟;)

واللي يقترح شي آخر يتفضل فأنتم افهم مني بالسيارات عشان كذا انا أسألكم؟؟

مشكورين

عندك الليجند الجديده
شكلها جديد
وسياره فخمه بكل المقاييس
وسياره ذات دفع رباعي ومن اقوى السيارات
بس توها مابعد نزلت يبيلك تصبر شوي لين تنزل
بس العيب الوحيد فيها هو سعرها غالي شوي بـ 150000 لكن السياره تستاهل


وعندك هذا موضوع عن الليجند للعضو كامري
http://www.assayyarat.com/forums/showthread.php?t=69459

وهذا موضوع عنها للعضو waleed4w
http://www.assayyarat.com/forums/showthread.php?t=68761


بالتوفيق اخوي ومبروك الوضيفه الجديده :)

شف اخوي
بدل ما تشتري سيارة بـ 150000 اشتر كابريس LTZ سيارة رسمية وثاني شي فخامة واناقة
وسعرها تقريبا حول المية تزود او تنقص وباقي الفلوس طقطق فيهن بمشيريع تكسب من وراه دراهم
كالاسهم مثلا
ولك حرية الاختيار
اخوك المخلص / القايد

بالبركه على الوظيفه الجديده

و رايي انك تاخذ انفنتي G35 سيدان و الاسباب
1 : شكل جديد و غير منتشره بكثره <--- بتكون متميز بالسياره
2 : سياره بالدفع الخلفي و محركها حائز على جوائز عالميه <-- افضل محرك 6 اسطوانات 10 سنوات على التوالي
3 : مواصفات و قدرات عاليه و ممتازه

و عن الكراون فيكتوريا لم يتغير شكلها و لكن الجراند ماركيز تغير شكلها قليلا <--- ابحث في المنتدى الامريكي

افالون - كابريس اس اس - مورانو

لاتبعد من بين هذه الثلاثة

تحياتي