كمارو 91 .. شباب دشو بغيتكم شوي

KhaLeDx @user_20354 · 31-07-2005

السلام عليكم

شباب لقيت واحد ساكن بحارتنا معاه كمارو 91 لون سماوي فتحات + مكييف بااارد استعمال شخص واحد هو شاريه اول ما نزل

والرجال متزوج وعنده عيال مخلي الموتر للطلعات الصغيره ..

مغير ماكينه مركب له ماكينه شفر 350 والقير قير كمارو وكل شي مضبوط بالموتر

وعليه صبغه فرن جديده

وجنوووط نجمه وكفراات جديده

هو قالي السعر بس بشوف كم يسوا
.. بسئلكم سؤالين ..

السؤال الأول هو كم سعره بالكثير ؟؟؟

السؤال الثاني . لو افكر اركب له ماكينه LS1 كورفيت 98 وقير عادي كورفيت 6 غيارات هل يضبط او لا؟؟ كم يكلفني تقريباً لو بغيت اركبهم ؟؟ طبعا من التشلييح ( السكرااب عندنا بالكويت )

ناطر ردودكم

بو العابد @user_15343 · 01-08-2005

لو القطع متوفره كان ماتكلف لكن للأسف لازم تطلب القطع من امريكا شوف يمكن عندكم القطع موجوده بالنسبه للتكلفه ما عندي علم
أنا عن نفسي يمكن أغير المكينه ياليتني ما بعت الأوليه بس ياالله ما علينا

تره في كورفت 96 فضي نضيف يبغاه راعي حول 20 ألف درهم <<<في الأمارات
شكلي ببيع الكمارو وبدبر كم ريال وبشتري أصرف من الكمارو

KhaLeDx @user_20354 صاحب الموضوع · 01-08-2005

كم يكلفني تزويد الماكينه ؟ تقريباً

بو العابد @user_15343 · 31-07-2005

كأنك بديت تفكر مثلي هههههه

المكينه ما في أسهل منها في التلغيم هذي المكينه يبيلها حركه وحده بس توضبها من جديد تغير البلوف والبساتم والرووس طبعا موتركب حق شد بلد لأ لازم تجيب لك نص مكينه من أمريكا من أحد ها الشركات حق التلغيم يعني بالعربي تسوي لك مكينه من جديد بس بقطع أداء عالي معى المكينه تحتاج ثلاجة كبريتر محترمه وكبريتر مووقر وطرمبة ماي وزيت و بنزين زااحفين ويبيلك تلعب في القير بعد أشوي السالفه كأنها طولت بس هذا اللي حاصل لأن 350 ماكينة كبيره لكن للأسف ضعيفه وعالشان تستفيد منها لازم تشتغل فيها مزبوط

ولا في حل ثاني بس يبيلك ماكينه بعد كل قومتين .ركب عليها غاز

:)

KhaLeDx @user_20354 صاحب الموضوع · 31-07-2005

مشكورين جداً اخواني ..

هل ممكن ماكينه الشفر 350 تتزود ؟؟ وكم يكلفني ؟؟ ابي الموتر صاروخ

هو شكله روعه ابي قوته اروع عشان

الموتر 8 سلندر

بإنتظار ردودكم

بو العابد @user_15343 · 31-07-2005

السلام عليكم إذا الموتر نظيف زي ما تقول ولا يعيبه إلا إنه ماكينته امغيره اممممممم
إذا الفحص جديد والإستماره جديده يمكن يوصل 14 أو 13 إذا راعي ماسك ولا هو ما يسوى فوق 10 بالسعودي طبعا لأن 14 و15 تجيب لك 94 وعليه ماكينة LT1

بالنسبه للسؤال الثاني ماعندي علم بالتكلفه لكن حط في بالك إن الشغله مو شغلة فك ماكينة وركب الثانيه مثل باقي المكاين حق الشفر لا
تقريبا تركب بس انا مره شفت في موقع بيسوون هل حركه أضطرو يغيرون ما دري يسوون حركه في الشاصي عالشان تجي وياهم

المهم أنا مهتم للموضوع وقل لي إذا نويت على السياره لأن عندي سياره نفسها وفي بالي مشروع مشابه
:)

ابــو راشــد @user_20271 · 31-07-2005

السلام عليكم ياخوي ترا الكومارو مو شي نصيحة مني لاتخذ لاكن اذا انت حاب فكيفك لاكن سعره عادتا يمون نازل يعني 13 مايتعدى الا اذا كان جديد طبعا وتقول تبي تركب مكينة كورفت 400 حصان اتوقع يظبط لاكن انت روح شيك عندهم لانك اذا ركبت المكينة لازم تغير القير لانه يمكن مايتحمل انا اتوقع انك اذا بتركب مكينة مع قير يكلفك 8 الاف ريال حاجة زي كذا لاكن نصيحة ثانية خذلك قير تبيترونك تحسن من العادي تبترونك يعني تقدر تحط القير عادي واتوماتيك وانا في خدمتك واذا بغيت شي كلمني

KhaLeDx @user_20354 صاحب الموضوع · 31-07-2005

مشكوور اخوي الوليد على الرد

بأنتظار ردود باقى الاخوان

الوليد الطائر @user_17749 · 31-07-2005

أعتقد ان سعره ما يزيد عن 8الاف ريال يعني بالدينار 640 دينار كويتي .... بالنسبة للتركيب محركات كورفيت والله ماعندي علم بهذا الشي والمختصين ومنهم بو العابد يقدر يفيدك بهذا الشي