تــعــديــلــي عــلــى الــكــمــارو خــطــوه خــطــوه

الشــــــرطه @user_3663 · 16-08-2005

السلام عليكم ورحمته وبركاته

هذا اول موضوع لي في الورشه .. رغم اني منيب غريب على الورش وكثرت زيارتي لهن لكن اول مره اكون متواجد في ورشه الالكترونيه .. عربيه :)
عموما انا لي تجربه في ترهيم سياره وحبيت احط واكتب عن كل مرحله صارت واطلعكم على المعوقات وعلى الحلول اللى ابتكرناها ...
وهو عباره عن تعديل سياره وتغيير نظامها من نظام معين الى نظام اخر وطبعا الهدف هو التزويد (( التلغيم )) وبشرح وشلون صار هالشي خطوه خطوه .. وقبل كل شي ابتكلم من البدايه عن هالسياره :
السياره طبعا هي كمارو موديل 99 ولكن مسجلينها المرور عندنا 98 ولاادري وش الهدف منه !!

كانت مكينتها سته سلندر سعه 3800CC على شكل V وبقوه 200 حصان الى 220 وبنظام OHV وبـ 12 بلف (( صمام )) وبثلاث كويلات .. وطبعا هالمواصفات كلها هي نفسها اللى على اللومينا لكن تختلف طريقه شكل الانتيك (( الثلاجه )) .. وحتى القير برضوه اللى هو نوع اوتو 4L60E واللى يسمونه (( 700 )) الكتروني نفس الشي تقريبا ...
طبعا كانت المكينه مخبطه ومنتهيه وكنت ابي مكينه ثمانيه سلندر لعدم اقتناعي بهالمكينه ابد ابد .. وكنت ادور مكينه LT_1 وطبعا مع الظفير والكمبيوتر والقير برضوه وهذولا الاشياء هن اللى عقدتني وعقدتني من جد .. لان ياكثر ماالقى المكاين لكن بدون ظفيره وكمبيوتر وكنت ابي مكينه مع ظفيرتها وكمبيوترها مع بعض وماكنت ابي ظفيره وكمبيوتر لحالها ومكينه لحالها واجمعهن لان هالحركه دايم تصير من وراها مشاكل في الكهرب ومنيب رايق لها ...
المهم جلست فتره طويله حوالي تقريبا الشهرين من يوم شريت السياره ومالقيت اللى انا ابي وحتى اني تنازلت عن القير لكن نفس الشي .. عموما رضيت بالواقع ولغلاء مكينه الـ LS_1 قلت خلاص السته سلندر وامرنا لله ...
وظبت المكينه وجبت كل شي جديد في كل القطع ...

وكنت فرحان بها بعد ماطلعت رغم الوجيهه الغريبه اللى تناظرني على هالسياره حتى ان ابوي قالي اذا مريت في الحاره تلطم واسرع لحد يشوفك وتفضحنا :D
لكن كل هذا مابعد سويت اللى انا ابيه وهو القوه ...
السياره وخذتها لكن تنقصها القوه :rolleyes:
سته سلندر ماتفي ابدا ابدا بالغرض .. وخصوصا كل مامر واحد قالي يالله قاوم ؟
بعد كذا قررت على اشياء بسيطه كبدايه .. خذت لها اسلاك وكويلات وبواجي وفلتر وتقسيم الشكمان ...

يتبع ...

TOKYO @user_32880 · 06-12-2006

يؤ الشرطة كيف حالك عساك بخير

هاه كيف الكمارو معك

بشر عسى أمور ماشيه معاك صح

المشكله أني عضويتي تعتبر جديده بالنسبه لموضوعك

حتى أن الصور ما تفتح عندي أكيد أن مصدر التحميل أنتهت مدة تحميل الصور عليه

أن شاء الله نشوفه على أرض الواقع وربي يوفقك

بس نتمنا نشوف لك فيديوات

عسى ربي يقويك

الشــــــرطه @user_3663 صاحب الموضوع · 13-10-2005

الله يسلمك

مشكور يالحبيب

MUS 5.0 TANG @user_22948 · 13-10-2005

تسلم الغالي

ماشاء الله عليك

الشــــــرطه @user_3663 صاحب الموضوع · 13-10-2005

وانشاء الله نلحقك بتغيير المكينه

:)

بالتوفيق ان شاءالله

Red Horse @user_20761 · 01-10-2005

مشكور اخوي على النصايح تعبناك معانا
بالفعل كل اللي قلته اما سمعت عنه او اصلا سويته
انا انشاء الله اعمل وحده وحده الين اكتشفت فين المشكله العويصه دي
وانشاء الله نلحقك بتغيير المكينه :)

الشــــــرطه @user_3663 صاحب الموضوع · 29-09-2005

واذا كانت عندك المويه تنقص :
_ تاكد من طبلات المكينه انها ماتهرب .
_ وبرضوه تأكد من اماكن التوصيل انها ماتهرب من فتحات صغيره وتبهذلك |5|
_ اذا كان الرديتر حديد ترى مع الحراره تنقص مويته ولازم لك رديتر المنيوم اصلي .. وعلى فكره فيه رديترات تنقص من الحراره 30 درجه :) وهن المنيوم .
_ خذ لك ثرموستات ريس (( رياضي )) ينزل الحراره افضل من انك تشيل الثرموستات لانه اكبرغلط ترى :)
وبرضوه اذا كنت انت مركب زعانف او فيابر قدام تأكد انك فاتح للتهويه وناظر الصدام انت مقفل على الفتحات ولالا .. وناظر قطعه بلاستيك تكون تحت شفها موجوده ولالا .

يعني الحراره لها مجال واسع ولاتتوقع انها من شي واحد واحيانا اذا كنت خارط المكينه او مركب فلتر ريس ترتفع الحراره (( هذا احيانا )) فلازم لك هيدرز او اقزوز اكبر وا اشياء ثانيه ترادف الوضع .
والرووس ترى يبين انهن منتهيات .. العزم يطيح واحيانا الحراره ماترتفع الا بعد فتره .. ترج المكينه احيانا .. وعموما خل الرووس اخر شي افحصها اخر شي بعد ماتناظر الاساسيات .

والله يعيين

الشــــــرطه @user_3663 صاحب الموضوع · 29-09-2005

ايه عندي الـ RPM حده عند 7500 دوره وانا اصلا ابي داينو علشان اعرف من وين القوه تبدا ومع اني اتوقع انها تبدا من 4000 لكن للتأكيد فقط .

اسوي اعادة برمجه للكمبيوتر عشان ازود سرعة المراوح وارفع الديلكو
هل صحيح كلامه ولا ماراح استفيد شي؟

لالا ياشيخ هذا بيهلك الدينمو عندك وبعدين كهرب المكينه بيقعد يشب في البوجي وبيعطي كهرب اكثر من البنزين :confused:
خلك من الاشياء هذي وشف المسببات الثانيه .. وخذ هذي نصايح (( من واحد مجرب وذاق المر |5| )) :
_ تأكد ان الرديتر المنيوم .. وبرضوه يكون المنيوم اصلي مهب الرخيص اللى بعد فتره يهرب .
_ شف خراطيش المويه مسدوده او مايله ميلان قوي يأثر على مجرى المويه .
_ شف غطاء الرديتر وتأكد انك تشتري واحد اصلي يفتح ويسكر بشكل صحيح ولايقعد يعلق .
_ الرديتر يكون نظيف ومسيخ والعيون كلها مفتوحه .. وبرضوه لاتركب حديد |5|
_ تأكد ان المويه توصل للقربه باالخرطوش الصغير وتأكد ان الخرطوش مهب مسدود .
_ الاقزوز (( الشكمان )) اذا كنت حاط دبات واجده او دبه فلتر او مصغر حجم قياس الاقزوز .. تأكد من هذولا ؟
_ اذا كنت مركب سيستم اقزوز محلي تأكد انه مظبوط ولا ترى الحراره بتنهبل عندك |5|
_ افحص على بلوف المكينه وشفها موزونه بشكل صحيح ولالا ؟

Red Horse @user_20761 · 29-09-2005

حلوه الدخله يادحومي
الكولر بيكلف 350 ريال مع التركيب (قيمته 270 عندنا)
وحاليا عندي الفلنجات الاربعه يبغالها تغيير فيعني خليني اسوي الاهم
(الفلنجه اللي في نصف الهوب اللي تطلع منها المسامير اللي تمسك الكفرات
الاماميه ب 590 الواحده والخلفيه 170 الواحده
والحاله الماديه على الحديده
الله المستعان

بس على فكره 7500 والعزم طايح؟؟؟؟

اقلك في واحد قلي عشان اتغلب على مشكله التسخين عندي في الLT1 يبغالي اسوي اعادة برمجه للكمبيوتر عشان ازود سرعة المراوح وارفع الديلكو
هل صحيح كلامه ولا ماراح استفيد شي؟ لانه الحراره مطلعتلي قرون في راسي
مع اني مشغل المراوح على طول الاثنين مع السلف والبلف شلته والرديتر سليم
الله اعلم راس المكينه سليم ولا لأ

ايش رايك؟

دحوومي98 @user_19414 · 28-09-2005

الكولر بركبه بس مب الحين <<<< وشيبي ذا :D :D :D

الشــــــرطه @user_3663 صاحب الموضوع · 28-09-2005

والله حاليا هو اغبى قير :D

ياخي فيه تخلف .. يعشق على السرعه مايعشق على الدعسه .. حاليا الثاني يعشق اذا وصل RPM 3000 :) والكت اوف عند 7500 :o
يعني القوه رايحه وكأني اسوق كورلا 90 |5|

بس على فكره منيب اكثر من الدعس ومره دعست ونزلت القير ويوم عشقت علشان يعشق بالثالث تدري وش سوى .. ماعشق الين نزل الـ RPM الين 4000 :)

وانت ليش ماتركب كولر للقير بعد التوضيب ؟

Red Horse @user_20761 · 28-09-2005

كيف الجربكس التوماتيكماشي معاك قبل تركيب الكلتشات؟
انا عندي الجربكس ضرب مره ثانيه خلال 3 شهور مع اني مركب كلتشات رياضيه وتروس وشفت كت
وكان راح يروح كمان بس ربنا ستر (الزيت كان مره ناقص) بعض التوضيب بس زودته

الشــــــرطه @user_3663 صاحب الموضوع · 26-09-2005

الله يعيين الجميع ان شاءالله

وبالتوفيق ان شاءالله وعطنا اخبارك :)

بو العابد @user_15343 · 26-09-2005

الله يعين ولا تنسى الصور

أنا الحين اجهز حق تعديل موتري بعد

بالتوفيق

الشــــــرطه @user_3663 صاحب الموضوع · 26-09-2005

مهنا تطورات جديده واضحه ...

غيرت السيستم اقزوز وركبت واحد افضل وعليه ضمان من ماده المنيوم ستيل .. والهيدرز لقيت ستان ستيل فيه واحد يفصل وفصل وفي الاخير يوم جا بيركبه ماعرف لكن بنشوف وشلون وضعه وغيرت الطرمبه طرمبه البنزين وجاري تغيير الرديتر .. وطلبت كلتشات وسيلات للقير من TCI يتحمل الى 800 حصان ...

والمشكله صاحبي مهب موجود حاليا ويبيله وقت الين يجي ومابي احد يشتغل عليها غيره .. حتى انا |5| مابي افك مسمار
مابي اتفسلف واسوي فاهم .. انتظر افضل لي .

والكربريتر بنشوف وضعه بعد مانركب كت القير ونجربه .. اذا ينفع ولا ركبنا حجم صغير .

وان شاءالله بعد ماتكتمل من كل شي فيه واحد بجرب معه وبحاول اصور

Holden HRT @user_8191 · 26-09-2005

يييييييييييااااااهووووووووووووووووووووووو

قصه رائعه جدا جدا جدا

اندمجت و ضحكت يوم قلت الكاربيتر يبلع بترول ههههههههههههههههههههههههههههههههههههه

ضحكت بجد هههههههههههههههههههههه

:rolleyes: و ذكرتني بتجربتي على سيارتي قلبتها من عاديية الى تيربو و طلعت لي المشاكل من كل مكان و للحين ما جهزت خخخخخخخخخخخخخخخخخخخخخخخ

اذا يفتح التيربو اتجيك الريحه الحلوة |10| ريحه الكلج ههههههههههههههههههههههههههههههه

و ما قلت لنا شنو اخر تطوراتك للموتررر؟

بو العابد @user_15343 · 25-09-2005

شو آخر الأخبار

مافي تطورات جديده؟؟؟؟

QalaQ @user_22142 · 12-09-2005

السلام عليكم

كيف الحال

بس حبيت اسلم عليك:)

الشــــــرطه @user_3663 صاحب الموضوع · 03-09-2005

أعزانسان

قصتك رائعه بس

احسك انسجمت |1|

الدنيا تعلم وكلن يتعلم ...

شاكرلك تواجدك يالطيب ...

mortally

الله يجزاك خير وشاكرلك تواجد

mortally @user_10232 · 02-09-2005

ما شاء الله الله يهنيك في موترك وما شاء الله مجهودك حلو ونتيجته حلوة