خبر قد يكون محزن لعشاق الأفالون

6 شهووور والله لوتجي بنص سرعها مائاخذها وجع يوجعه
6شهور الشهر 30 يووم وجع ان شاء الله انتضر مايقارب 180 يوم في 24 ساااعه


والله البلشة ولا ياجماااااعة

والله والنعم بيك يا ابو سطام :)

ES 300 ^_^ : تسلم لاظافتك على الموضوع يا غالي ..


CAM 717 : اذا ماودك تضيف يا استاذ بيننا الرسائل الخاصة لان خويي يبي السيارة بأسرع وقت ويبيها فل كامل ..

واذا كنت تعتقد اني استهزء .. فهذي وجه نظرك ، ولو اني كتبته لكي تنتبه لخطأك ... وياليت تحسن الظن بالأخرين عشان تتوفق في حياتك يا استاذ


وبالنسبة للحوار ... خل الموضوع علي ..




أبو سطام ..

اووووووووووووف 6 شهور
يازين الاكسنت يومين وهي معك ما اقول الا الله يعينه

اخوي ماني فاهم عليك وش تقصد من كلامك

انا شوف من رأي - والي احتفظ بيه للنفسي- انه الأفالون تتفوق على الكليزر

علما انه كان سعر السيارة اول مانزلت بي 130 الف ريال والحين رفع سعرها في السما

اخوي ابو سطام بخصوص الـ430 قالي انها بنفس اليوم بس ما علينا :p

و ES300 وين اللي بالكرايزلر ومب موجود بالأفالون ؟؟
حتى سعرها بـ168 الف شلون صارت أحسن من الأفالون ؟

حقيقة يا ابو سلطان

كلنا عارفين انه الأفالون افضل من الكليسزر والإي إس

بس عيبها >>> كما سمعت عزلها الصوتي في السرعات العالية سيئ

حقيقة انا امشي بسيارتي الى 200 وكل شي تمام

طبعا اتوقع لو انه راعي الأفالون يشغل نظام المسجل ASL وهوا ماشي بسرعة بيلاحظ انه الصوت تبع المسجل يرتفع علشان يقلل

الضجيج ...

بصراحة انا رأي الأفالون افضل من سيارتي وافضل من الكليزر من حيث المواصفات او السعر وبالنسبة للجودة والصيانة وقطع الغيار اعتقد الأفالون واللكزس تتفوق بمراحل على الكليزر

وحياك الله يا ابو سطام ^_^

ES 300 ^_^ : هذي وجهه نظر خاصة ...

وانا اللي استغربة ان الافالون القديمة ماخذت كل الي خذته الجديدة ، وكانت تجي بدفعات كبيرة وهذا سبب عدم نجاحها مقارنة بالجديدة ، والضجة الاعلامية اللي اقصدها بين الناس وليس في وسائل الاعلام .. يعني اسولف مع واحد من الزملاء يقول الافالون فيها وفيها وفيها ... صارت حديث الشارع ؟؟؟؟؟؟ وين راحت الـاي اس ؟ وين راحت كرايسلر سي 300 ؟؟


والله المستعان

أخوك : ابو سطام

السلام عليكم اخوي

انا ملاحظ يا ابو سطام ردرود الي تتكلم فيها عن تويوتا تتهجم فيها كأنك حاقد او شيئ من ذلك القببيل -وانت محشوم من هذا الشي-


بس انا برد علييك بشي بسييط

اجل الأفلون اخذه ضجة اعلامية فوق مسوتاها؟

بصراحة انا ما اذكر اني شفت لها اعلان تلفزيوني

وحتى لو كثرو الإعلانات ليش وش فيها شركة تويوتا ثاني اكبر شركة سيارات في العالم مبيعات

وكماان سعرها مبالغ فيها؟؟


اجل وش تبي سرعها يكون بكم فل كامل بي 69 زي السونتا؟

انا بصراحة شفت افالونات كثيرة سواء هنا بالرياض ولا بجدة

وعلى فكرة انا قبل ما اطلع سيارتي رحت حجزت افالون لونها اسود ومن الداخل بيج وقالي الموظف في شركة عبد اللطيف جميل 3 شهور وتجيك الدفعة ان شاء الله ؟؟ وهاذا الكلام قبل شهر ما ادري الى الحين


طيب اسمعني انا بحكيك قصة بسييطة

قال الموظف الأفالون عليها طلب بشكل كبيير فوق ما توقعنا وصار عجز في الأفالون

المهم يا طويل العمر جانا واحد من الديوان الملكي وطلب افالون ودفع سعرها وقلناله تجيك ان شاء الله بعد شهر

قال الرجال طيب

>>>المهم للأسف الشديد الدفعة تأخرت شهر ثاني

وكان الرجال كل يوم يتصل ويسأل عنها

الين ماوصلت السالفة انه يشكيني انا -يقصده نفسه الموظف- للإدارة بإني بعت السيارة لواحد ثاني واني اخذت منه عمولة مبلغ 10 الاف ريال !!! يقولي المهم انا يوم سمعت الكلام ذا انهبلت !!


واطلع من بيتي في عز الظهرية واروح اشيك عليها واستلمها واغسلها بنفسي واعبيها فل واتصل على الرجال بعدها بيوم بالضبط .....

هذي القصة يا ابو سطام تدل على انه السيارى عليها طلب هائل وبشكل كبيرة والشركة جابت دفعة كبيرة لكنها خلصت للأٍف الشديد وما نقول غير الله المستعان

CAM 717 : دامك شايف اجل بتساعدني كذا عشان اساعد خويي اللي يبي السيارة ... ياليت لو يكون بين وبينك اتصال وايميلي في توقيعي وانتظرك ...

واعتقد انك قلتلي قبل كذا انك معدل الموضوع ، رغم اني ما اشوف اي مخالفة لسياسة المنتدى او خطا في الموضوع السابق ... وردي اجل ( تك ) تعديلة ... جزاك الله خير


تحياتي للادرارة المصونة


سلام

في البداية اريد ان ابين للجميع ان وكالة تويوتا تقوم بصناعة عدد خمسين الف سيارة افالون سنويا بحكم ان السيارة جديده ولا تريد ان تجازف بصناعة كمية كبيرة منها ولكن الذي اتضح ان السيارة جذبت عدد كبير من الناس بمواصفاتها الرائعة وسعرها الذي يعتبر قليل بالنسبة الى المواصفات الموجودة
معلومة لمن لا يعرف السوق الامريكي ياخذ مانسبة 50% من عدد السيارات المصنعة واذا وزعنا العدد الباقي على جميع انحاء العالم فلن يتبقى للسوق السعودي الا عدد 1000 سيارة تقريبا سنويا

ملاحظة/ من يقول ان السيارة تجرى عليها تعديلات في جده فليدخل الى موقع تويوتا ويطلع على المواصفات الموجودة وسيجد ان السيارة تاتي من المصنع الى السوق مباشرة وبالنسبة للشاشة وباقي المواصفات فكلها اتت من المصنع مباشرة حسب طلب الوكيل لتناسب متطلبات السوق من ناحية السعر والمواصفات

تحياتي

والله انا سالت في الفرع الي في طريق مكة وقالي الموظف تدفع اليوم تستلم بعد 4 شهور وفعلا ماكان في سيارة وحدة في المعرض

انا اشوف ان هذا شي طيبي خصوصا اذا كان الموتر مرغوب وعليه طلب كبير , يعني اذكر من سنه عندنا في قطر واحد الشباب كان يبي ياخذ كامري قال له الموظف اللحين مافي اي موتر وفي دفعه بعد 3 شهور وكلها محجوزه واذا تبغي احجر على الدفعه اللي بعد 6 شهور هذا شي طبيعي لأن الوكيل يطلب كميه محدده ولا يجازف بطلب كميه قد لا يوفق فيها ,

وعليكم السلام ...

اخوي احمد اتشرف بوجودك هنا ولو انك مختفي على الماسنجر ..

انا من الرياض وانت عارف كذا ...

لكن انت تعال للرياض واطلع انا واياك لوكالة تويوتا الي بتقاطع العليا مع طريق الامام سعود ( مخرج 9 ) ، وتسأل بنفسك وتشوف ،،













سلام ياغالي...

غريبة....
ولد عمي راح يطلع افالون فل كامل اليوم وقالوا له تعال استلمها بعد اسبوعين بالظبط على ماتوصل الدفعة من جدة للشرقية وكذا..


وسألت الموظف عن الكلام اللي تقوله يابو سطام قال مو صحيح فياليت تتاكد بنفسك اذا حبيت تطرح موضوع مثل هذا مرة ثانية عشان لا يصير لك احراج لانه السيارة متوفرة في كل مكان

السلام عليكم

قول حق خويك ياخذله لكزس اي اس اصرفله

اقل شي اسمها لكزس ويستلم على طول

اما بالنسبة للافلون فأعتقد الطلب الزايد على السيارة ولا تنسى ان المصنع يوزع حق اغلب دول العالم يعني كل دولة لها حصة معينة

والافلون القديم كان قاعد في كبد عبداللطيف جميل ويالله يبيع منه بالقطارة

فأكيد ما كان يتوقع هذا الطلب الكبير

ولا في رايكم الوكيل ما وده يبيع

بعدين البدايل كثير والحمد لله

خل خويك يستخير ويجرب اللكزس وان شاء الله تعجبة ويخلص حاله

بالتوفيق