_(هايلوكس)_ يجيب 270 كلم/الساعه ؟ ويييييييين ياعمي

CHARGER @user_10413 · 24-08-2005

هلا شباب

واحد تكلمت معه سواليف عادية الين رحنا للسيارات وقالي اعرف واحد معه هايلوكس موديل 2004 جاب 270 كلم :D

انا بغيت اعطيه كف على وجهه لا تلقائيا لأن ايدي زعلت عليه |5|

بس قلت نسأله اول وش مركب على موتره!!

تعال شووووووووووووف وش قال

* هيدرز
* فلتر
* كفرات مدري وش سماها
* ومظبط الموتر
حلووووووووووووه مظبط الموتر :confused:

انا عقبها عرفت ان الولد ماعنده سالفه بقوة

قالي بكيفك لا تصدق :rolleyes:

قلت له وهو على كيفك اصدق كلام فاضي |5|

عييييييييييييييب عيب عليك بس

انا من القهر كتبت الموضوع هنا11111111111

ابغى منكم تقولون لي وش قصة امه ذا الولد

بعدين بالله عليكم طبلون الهايلوكس كم مكتوب فيه 180 او 220 ؟؟؟؟؟؟؟؟؟

وشلون يجيب 270 كلم

يعني شلون حسبها او نزل العداد وراح يلحقه تحت عند دواسات البنزين

اذا الكلام صح قولول لي بروح اشتري لي واحد واقوام به مع راعين البورشات والكورفيتات واللومينات الخ الخ الخ

شباب تره الموديل 2004 بنزين هذا اللي قالي

هههههههههههههههههههههه

وااله حاله

**********

saleh_ssj @user_9931 · 11-03-2006

مادري اذا يجيب 270 لكن
واحد يقربلي معه هايكس 2003 وفاك الفاصل والمعرف اذا وصلت 180 عداد الضغط يوصل 4 او 4 وشوي وانا معه العداد شايف العداد يوصل 5 وشوي
ووقف عند التفتيش اللي قبل بتدخل الرياض (القديه_ الزديه)
قال الشرطي: وراك مسرع
قال : مستعجل شوي
قال الشرطي :تمشي 211
قال :الهايلكس مايمشي الا180 الاخ (يستهبل )
قال الشرطي : لا تستهبل وين فاك الفاصل فيه
قال : عند واحد من الشباب
وقريبي اخوه يشتغلفي النقطه نفسها بس ماكان مداوم
قاله اخوي كذا كذا وعرف اخوه ومشاه
انتها

يمشي 211 بدون اي زواد او تعديل بس فاك الفاصل

تحياتي

saleh_ssj

Shadow @user_1149 · 10-03-2006

ممكن ليه لا بس على هالتعديلات الي قالها

يمكن يجيب 276 كم ويتفتف عندها :D

الا اساله كم ارنب بالصندوق :D

وقبل كل شي لاننسى ان فيه لاند كروزر اماراتي يجيب أكثر 340 كم بالتعديلات الي اجريت له ...

والهايلكس اذا غيرت مكينته والقير بوكس يمكن يصل للسرعه الا قالها الاخ بس بشرط .. انطلاقها اماميه فقط .... بدون يمين يسار :)

بس بالاخير ماصار هايلكس :D

C300-SRT8 @user_24687 · 09-03-2006

ههههههههههههههههههههههههههههه
للاسف عشاق تويوتا ما بقى الا ويقولون شركة بوينق ما في راسها صناعة طائرات تويوتا احسن تدري صرت اتوقع انه يوم من الايام بتوقع الخطوط السعودية صفقة مع عبداللطيف جميل لشراء اسطول من سيارات تويوتا لتحلق بدل طائرات البوينق والايرباص سمعت ان فيه رحلات من مطار الملك خالد الى مطار الملك عبدالعزيز بجدة على متن سيارة لاندكروزر ومن الرياض الى الدمام هايلوكس 2004
وذلك لقوة محركاتها النفاثة وسرعتها في الجو
لاتلومني من القهر الي قاعد اشوفه هايلكس تمشي 270 وين تنصرف ذي وش بقى للكورفيت والبورش اذا الهايلكس ذي سرعتها

الله المستعان

فواز @user_561 · 09-03-2006

أي عادي تجيب 270 شالمشكلة ؟

هذاك اليوم كان الجو حلو واطالع بالسما ولا راعي ددسن يكبس لطيارة F16 يبيها تفتح له درب :D

عاشق الالماني @user_22260 · 09-03-2006

انا مجرب هلي حق واحد من الشباب على طريق النعيريه ومشيت عليه 200 بس بالموت جابها .
صحيح الموتر موهين بس انا اتوقع يسويها بس كل شي جايز هاليومين ؟
يعني انا مره كنت على طريق الرياض امشي 230 على سيارتي سكودا سوبيرب وشوي ولا ذاك الموتر يلي ناتفني من اليمين ولا هو كروزر شكل 95 اتوقع ومشيت وراه حتى 250 وهوكان متقدم على تقريبا بسياره
بعدين لا تستهين بالهلي
مشكور على الموضوع .

فيصل بن محمد @user_24620 · 09-03-2006

بالنسبة للكفرات مالها علاقة بالسرعة لإن السرعة واحدة 120 يعني 120 لكن الاختلاف بعداد السرعة هو اللي يقدم وغير دقيق يعني عندك اغلب الياباني والاسترالي اقصد الكابرس واللومينا يقدم بالطبلون اما الالماني والامريكي فدقتهن افضل وخاصة الاكتروني فهو دقيق لانه يحسب بالعدد الفعلي لترس القير

وموضوع ان الهايلكس يجيب 270 فانساء بتاتاً لان الدفرنس مايتحمل وعدد لفات المكينه مايسمح والقير النسبه الخامسة قصيرة مقارنة بالسيارات الصغيرة ممكن التعديلات اللي سواها تخليه قومة فقط وتسارع سريع اما خط فلا والف لا

CHARGER @user_10413 صاحب الموضوع · 07-03-2006

يمكن لأن الهواء صار مقابله مباشرهـ ,,

شي طبيعي ومثل ماقلت هذا عشان الهوا ;)

هذا عامل اساسي ايضا في السباقات
عشان كذه تشوف المتسابقين دايما وراء خصومهم
وليس الجانب الايسر ولا الايمن ل
تلقاه ملحم فيه من ورا
والذكي بعدين يفتح زاويه عند المنعطفات عشان يعديه هذا الحل الوحيد |3|

تسلم ;)
***

صاحب المعالي @user_19740 · 07-03-2006

انا معي لومينا اس اس ,,

وكنت ماشي تقريبا 220 بالمسار الايسر ..

وكان فيه هايلكس غمارهـ ملحم بصدامي ويكبس لي !!

بصراحه انا استغربت وبنفس الوقت انقهرت ,,

لكن يوم اخذت المسار الاوسط ,,

نقصت سرعه الهايلكس بشكل واضح ,,,

يمكن لأن الهواء صار مقابله مباشرهـ ,,

وقبل كنت مغطي عليه شوي ومساعدهـ ,,

سيارة @user_5479 · 07-03-2006

هلا 270 صعبة لكن زي ماقلت 230 بالراحة .

وشكرا

CHARGER @user_10413 صاحب الموضوع · 07-03-2006

وسبق ان مشيت بجنب هايلوكس بالضبط ,,,, هو متعدي 180بشوي وانا امشي 170 بالفكتوريا طبلون الاكتروني

انا اعتقد عشان الكفرات حقت الفكتوريا اكبر

واذا صار غير كذه
حبتين للفكتوريا :)
تسلم
***

فيصل بن محمد @user_24620 · 06-03-2006

على طاري الهايلوكس ترا ى كل اللي يتكلمون عن الطلبون والسرعة مايدرون ان الهايلوكس طبلونه مقدم حوالي 15 كيلو بالساعة وسبق ان مشيت بجنب هايلوكس بالضبط ,,,, هو متعدي 180بشوي وانا امشي 170 بالفكتوريا طبلون الاكتروني

CHARGER @user_10413 صاحب الموضوع · 05-03-2006

مشكور اخوي
ولكن هل يقدر يجيب 270 >>> قابلني ياشيخ
وسلام
***

سيارة @user_5479 · 05-03-2006

هلا وغلا

صحيح ان ردى قديم شوي بس الشكوى لله

بالنسبة لل 270 قوية شوي لكن مع التعديل يوصل 230 .

طبعا كل الي تكلموا على الهايلكس ما يعرفونة ابد وانا كنت منهم سابقا .
لكن بعد ما شفت هايلكس خويي تغييرت النظرة 180 درجة .

تصوروا قدام عيني الهايلكس يمشى مع الماكس إلي 110 ونفس الماكس منتف اكورد V6 2003 .

برايفت لصقار :

كلامك 100% صحيح .

طبعا سبب منع ال 511 لأن اكثر من كان يستخدمونة البياعين واذا مسك البر
انس احد يجيبة .

CHARGER @user_10413 صاحب الموضوع · 05-03-2006

ماهقيت ان موضوعي بيوصل هالمواصيل
ههههها111111111111111ي

انا نبشت بموضوعاتي ولقيت هالموضوع محترق :mad:
فحبيت اشكركم على تفاعلكم بالموضوع :)
ومع سوالف اخرى :)
اخوةكم بدر
***

mortally @user_10232 · 15-12-2005

ممكن يكون عنده فئة خاصة من الهايلكس

وانا اعرف واحد من الشباب معاه هايلكس ss قايم على c6
لووووووووووووووووووووول

الله يسامحه 270 مره وحده

bashar_255 @user_12025 · 13-12-2005

ا

الـصـقـار

بشار

تبي تودينا بداهية :)

مثلك عارف هالسيارات ممنوعه عندنا :)

|10|

من قال ممنوعة ؟؟؟؟

هذا الكبتن أحمد الصمعاني كل سنة مرهم و ترعاه شركات بعد و هالسنة مرهم LS1 تون تيربو
عندنا سيارة برو سعودية ملك هشام الملا له مشاركات دولية و ياخذ جوايز
فيه سيارة برو ثانة مش بنفس المستوى للأخ محمد الدوسري و له مشاركات دولية

ممنوع انك تخالف النظام بس فوق الطعس ما فيه نظام اذا ما تطالك الحكومة و السيارة طول ما هي بسطحة و تمشي بدون علم الحكومة نظامية لها لوحة و استمارة و تجديد

عورت قلبي خليتني اذكر الهم |5|

احنا بالشرقية السيارات المزودة كثير عد و اغلط و تمشي بالشارع و زي ما انت عارف المخالفات حضوض ، ان كانت تمشي بسيارة سبورت لو بسوبر عائلي

تحياتي |3|

الـصـقـار @user_12505 · 13-12-2005

بشار

تبي تودينا بداهية :)

مثلك عارف هالسيارات ممنوعه عندنا :)

الضبيبان @user_19170 · 13-12-2005

طيب يمكن مجرب الدعسه بنزلت الغاط

bashar_255 @user_12025 · 12-12-2005

ممكن جداً و هذا الكلام اللي أقوله

و أقول كمان انه يحتاج الى شغل نظيف و مخ نظيق و هذي ما تتوفر لكل من و ما أعتقد تركب على هاي لكس لأن حتى مكينة الزد 280 ما تسقط :D

أقول يالصقار اذا فيه أمكانية تصورها لنا لو شي تراني أحب هالشغلات واجد :D