السلام عليكم
باختصار شديد توفيراً لوقتكم الثمين
شريت جوال الفيصلية أمس من سوق الاتصالات، بسعر طيب مقارنة بجودته وأصالته، (380) ريال ، مع ضمان تيلي فن، الرقم التسلسلي اللي بالجهاز اللي تطلعه لما تضغط على (*#0000#) نفس الرقم التسلسلي اللي بالستيكر ونفسه اللي ببطاقة الضمان، يعني الحمد لله ماهو ملعوب به
لكن طلعت بالجوال شوية عيوب بعد يومين من الاستخدام، اولاً السوفتوير نفسه ماتغير من عام 2002 !!! :eek:
شكله راعيها الأول من يوم شراها ماسوا فيها شيء !! وآخر اصدار شفته في جوال فيصلية حق صاحبي هو 5.65 ،ومؤرخ بعام 2004، يعني جديد شوي
طبعاً اداء الجهاز وصوت الجرس حقه وأزراره تتغير للأفضل إذا سويت ترقية لنظام التشغيل فيه، ولكن تنقصني طريقة الترقية بالتفصيل، علماً بأن لدي الآتي: ـ
- جهاز محمول مع تقنية الإنفرا ريد
- برنامج الاوكسجين فون مانجر، شغال مع الجهاز كويس
- معاي إنترنت سريع، يعني أقدر أحمل البرامج المطلوبة
- عندي خبرة ممتازة بالأوكسجين واللوغو مانجر وغيرها من برامج الجوالات
- لا أملك ملف الترقية اللي أحتاجه
مشكلة أخرى بس ما أدري وش سببها، وهي إن لما تشتغل الشاشة المؤقتة اللي بعد دقيقتين من عدم استعمال الجوال، يطلع لي مربع أبيض فيها الساعة مع خلفية سوداء تماماً، طبعاً لحد الآن كل شيء طبيعي، شاشة مؤثتة وفيها أرقام الساعة باللون الأسود على خلفية بيضاء مستطيلة بالعرض وعلى شاشة سوداء مربعة، لكن المشكلة في جوالي هي ان الأرقام نفسها ياللي المفروض تبين لك الوقت ماهي سوداء بما فيها الكفاية، يعني مرات تصير مختفية أو شفافة جداً ومرات تصير رمادية على خلفية بيضاء، وبعض الأحيان أناظر الجوال وألقاه مستطيل أبيض داخل مربع أسود (اللي هي شاشة الجوال) ولا وجود لأي رقم !!! رغم إني لما اضغط الأزرار وأشتغل بالجوال ألقى كل شيء فيه سليم والصورة واضحة مية المية !! :( ... . ـ
وما اقدر أقول للي بيساعدني في ترقية جوالي إلا جزاك الله عني ألف خير وعافية، وشكرا
