للطلعات تستأجر ولا تشتري جيب؟

استاذ SALEHHD
رأيك سديد وسافكر فيه جدياً

اخي فلها وربك يحلها
اليوكن ثقيل شوي وسقته حليو بس ثقيييل
افضل الباترول

اخي AL-Wafi
اشكرك على نصيحتك الغاليه

اخي Night
طيب.

اخي زووم-زووم
لاافضل ابدا ان استلف من احد اي شي
الله يغنينا عن خلقه
بحلالي استانس ولا اقعد في داري

اخوي السبع
شكرا على الحسبه الرياضيه
وشكلي قربت اخذ سوبر سفاري
دعواتكم |1|

أنا اقترح عليك تشتري جيب مستعمل اقساط يكون صغير الحجم مثل السوزوكي من نفس الشركة يكون اقل من سعر الجديد بكثير ويكون مضمون من الشركة وايضاً اقساط ميسرة يعني لو حسبت انك كل اسبوع بتطلع مرة بسعر 350 × 4 = 1400 ريال
وهذه قيمة قسط سيارة بالشهر ويمكن تأخذ لك جيب قسطه أرخص من هذا السعر بكثير وفي النهاية سيارتك ملكك .
بالنسبة لي أنا اخذت سوبارو أوت باك ===>> اثنين في واحد سيارة مدينة مثل السيدان وسيارة بر مثل الجيب .

=======>> اخوك السبع |3|

انا صراحة عندنا جيب لاند كروزر وقبله كان عندنا جمس
وذا جينا نروح للبر خذنا هايلكس من اي واحد من الشباب


ورحنا وطعسنا ستانسنا وجينا غسلناه ونظفناه وسلمنا ه

أما الحين جا الــ VX_R 2006

وشكراً

اشتري جيب شيروكي

يا جماعة وشفيكم تتكلمون عن الجيب الجديد كان قيمته الفين ريال!!!!

يقول الرجال في كل شتوية تشتري ولا تستأجر يعني قصده موسم معين .

لا بالله اشتري واحسن سيارة سعرها زين وما تخسرك خلال الشتاء وعزم هي....... شيروكي من موديل 90 إلى 94 اهم شي تكون

نظيفة والسعر من 8 الاف إلى 15 الف . حسب النظافة .

هلا والله
بصراحة انا من رايي انك تشتري جمس 2005 يوكون فل كامل افضل من الباترول ومن الايجار
وغير كذا اليوكون ينفع تعديل وشنابر وينفع خطوط وتطعيس وتفحيط ومقاوم يعني سياره جد ممتازه
وبعدين مكينة تعطي 5300 سي سي
هذا رايي وانت بكيفك وشكراً

السلام عليكم
الجيوب الجديدة تنفع للبر والاستخدام اليومي خاصة الجيوب المتوسطة

كنت من مستخدمني السيدان وكان عندي لكزس 2003 وصنفت واخذت جيب صغير (باثفايندر ) واستخدمة استخدام يومي

من رايي الي زي حالتك ياخذ جيب متوسط ( شروكي او باث او راف فور او سوزوكي او هونداي او............) الجيوب المتوسطة كثيرة وصرفيتها مقاربة للسيدان وعزم يطربك في البر

ومنها ترتاح من توقيف السيارة في الكراج وتوفر حق الاجار على سيارة ماتظمنها

والجيوب حالياً صارت موضة وتستخدم في كل مكان
حق بر
حق عايلة
حق كشخة
حق شباب
حق خطوط
حق تحميل
يعين تنفع لكل شي

رايك سديد يا اخوي ياراعي 8100

كنك تشوف
اول امس استاجرت لي جيب باترول2004 من الخاطبيه وما مشيت فيه اكثر من كيلوين ورديته عليهم وهاوشت السوداني
قلت له هالجيب يالله يوصلني البيت ما بالك اطلع فيه للبر
الكفرات محبله
والدركسون يرج في اليدين كن فيه جني
والكنداسه مفقوعه
والفرش الداخلي(اعزكم الله) كنه ارضية ازفلت قدام مطعم شاورما في البطحاء في يوم عطلة عمال.
والمكينه تنتفض كنها مخنوقه.
قال السوداني وش نسوي راعي المحل ما يسوي صيانه للسيارات
يقول راعي المحل خلها تخرب مع الزبون+++++++============= شوفوا التفكير البزنس المتخبط

الزبده رحت لشركه عريقه واخذت منهم باترول نظيف
وكشتنا وانبسطنا على الطعوس من العصر الى منتصف الليل.

صح اغلى شوي من الخاطبيه الله يهدي المرور اللي تاركهم على حل شعرهم
لكن اضمن من التوهيقه.

واللي يعرف محلات ايجار سيارات عندها باترولات يسدحها هون لا هنتوا __ للاحتياط___

والله يبوي أنا انصحك إنك تشتري جيب إنشاء لو بثلاثين الف ولاتتردد على الأجار لأن يمكن ماتلقى عندهم اللي تبيه ولو لقيته تلقاه في الصيف في الشتاء يكون عليها إقبال شديد والراي لك اولا واخيرا ,,, اخوك راعي ال 0 0 1 8

اخي نايت هوك
شكرا على نصيحتك

فهد عيسى
فعلا كلامك في محله
وقت الكشتات لازم تحجز الجيب بدري
ولا ما تحصل جيب الباترول بالذات اي وقت واي مكان

اخي مجنون هوندا
كلامك في محله
المعيار هنا هو كم مره تحتاج جيب في السنه
عشان كذا الايجار في هذه الحاله اوفر وافضل

اخي ابدوز
المشكله انه تقريباً كل بيت ما شاء الله صار قدامه على الاقل سياره واحده واقفه طول الوقت وفي الغالب جيب او صالون.
تقريبا مثل مجلس الضيوف والمقلط نادرة الاستخدام
اعتقد انه قمة الهدر سياره كبيره يروح عمرها وصيانه ومرور وتجديد استماره .. عشان الكشتات والطلعات.
آمل ان يتغير هذا المفهوم.

نشوف آراء الاعضاء
ان كان فيه احد يحسم الموضوع

الاجار فكره ممتازه جدا لكن اذا كنت تطلع كل اسبوعين يعني في الشهر مرتين صح وكل مره تستأجر يوميه ب500 ريال يعني الف ريال شهري طيب السنه تطلع 24 مره يعني 24000 وسنه ثانيه 24000 صار المجموع 48000 قيمه جيب شروكي مستخدم

فكرو شوي ؟؟؟
لو أستأجرت راح يكون ممكن يتعطل الجيب أو ترتفع الحراره عند التطعيس مثلا راح تصلحه على كيسك
ولو اشتريت جيب لك ما راح تصلحه يعني توقفه وتنسى صح

نشوف رأي الأعضاء...

السلام عليكم

هلا والله اخوي

والله اذا كنت زي ماتقول 10 طلعات بالسنه صح لاتشتري جيب

بس اذا صرت مثلي اسبوعيا للبر لا والله لو استاجرت كانقد تجمع علي حق جيبين

علشان كذا اشتري جيب وانا مغمض بعد

وشكرا اخوكم مجنون هوندا

بسم الله الرحمن الرحيم
عزيزي...
انا معاك الايجار قد يكون اوفر بس هل تتوقع انك بتلقا السيارة متوفرة متا اشتهيت تكشت بالاضاف بتجلس تراقب العداد زاد الكيلو ولا مازاد وكل كيلو زائد تعال ادفع 1.50
توكل على الله واشتر سيارة جديدة اكنت تستطيع والا المستعمل والايجار تراهم واحد!!!

طيب خلاص اجل الاستئجار افضل في هالحالة
ماله داعي تصرف 60 الف في موتر بتنطله في الكراج
حطها في اسهم افضل لك لين ييسرها ربك

اخوي نايت هوك
دورت جيب اقدر اشتريه ونظيف مالقيت
مركز على الباترول وكل مال لقيت واحد لقيته ماشي فوق 150الف
هذا شلون اقدر ابيعه بعدين
..
عشان كذا قلت ايجار اصرف
:)

اخوي الصقار
والله الشراء خساره
اما جديد يخسف الميزانيه
ولا مستعمل يدور بك في الورش
عشان كذا الايجار اسلم


اخوي ان ان
والله دورت وما زلت ادور باترول
الصفه اغالبه على المعروض انه مكروف كرف الويل
الى الان ما لقيت شي ينراح به بعيد
|5|

شكرا على تجاوبكم
والموضوع يحتاج الى المزيد من النقاش
والاقتراحات
خصوصا عن محلات الايجار المفضله لديكم
|3|

الشراء أفضل لو تشتري جيب 2002 باترول او شروكي
وتبيعه بنفس القيمه اوافضل كذا تكن كسبان

بس مايبيلها الا ذيابة

احسن شي تشتري موتر مسعمل او ددسن دفرنسين او هايلكس دفرنسين

صحيح الايجار اوفر بس لا تنسى انه قلق وهم نفسي
انا شخصيا اخرج كل اسبوع تقريبا للبر
مو معقوله كل اسبوع استأجر لي جيب بـ350 ريال
بالاضافة الى الطلعات الاخرى ايام الشتاء واللي ممكن تاخذ اكثر من يوم
والسفرات الطويلة
ميزة السيارة المستعملة زي ما ذكرت الراحة النفسية ...راحة البال تشترى بفلوس وانا اخوك هاليومين