كم سعر الكرايسلر 300C في السعوديه والإمارات ؟

أحسينوه @user_16139 · 01-10-2005

السلام عليكم ورحمة الله وبركاته
أولا ً : ياليت أجد عندكم تقرير كامل
عن الكرايسلر 300C
2006

مع صور لها من الخارج والداخل
==========
ثانيا ً : أبي أعرف كم سعرها
في السعوديه

وكذلك في الإمارات

وهل متوفره أم بالطلب والحجز ؟

=================
ثالثا ً : هل هي نوع واحد أقصد .. كاملة الزيادات
أم في نوع عادي ؟
================
رابعا ً : سؤال ما أدري وش أسميه ؟
ما أدري هل ضمانها عالمي ؟ بمعنى لو جيت عندكم
السعوديه أشتريها هل يسري ضمانها هنا عندنا في قطر
؟
لأن عندنا مو موجوده .. الحجز كاااامل
كل الدفعه اللي جايه محجوزه
وأقرب دفعه راح تكون على شهر 12 وشهر 1
|5| |5|
============
شاكر لكم تعاونكم

C A D I L L A C @user_3378 · 09-10-2005

انصحك نصيحه؟

خذلك كابرس رويال احسن

شاشات في الكراسي و نظام صوتي رائع و فخامه تقارع فخامة الالماني

و قوتها لا بأس بها 325 حصان تقريبا

و الشكل الخارجي جيد

سياره روعها و سعرها اعتقد اقل من الكرايزلر

أحسينوه @user_16139 صاحب الموضوع · 08-10-2005

أخوي / النايم
ألف شكر
============
الأخ / كابريس رويال
أتفق معاك .. من حسن الحظ أن اليوم وصلت
دفعه جديده ( كلها محجوزه ) ولكن قلت ليش ما أروح
أشوفها وأركبها .. وعينك ما تشوف إلا النور |10|
والله أصبت بصدمه .. معقوله هالشكل الخارجي الفخم
على هالسياره التعبانه .. والله من قلب تعبانه
من داخل سياره حتره .. عاديه جدا ً ولا فيها شيء
يشد الواحد .. حتى الجوده تعبانه . فتحت الشنطه . ربلاتها تعبانه
وتحس إنها بتطيح . الفرش تعبان . المقصوره أي كلام
يعني بصراحه ما تستاهل شكلها الخارجي .
================
خلاص غضيت الطرف عنها من قلب . آخذ بك أب وايد أرحم |13|

كابريس رويال @user_22670 · 08-10-2005

ولد عمي ماخذ وحده........(بالإمارات طبعا)..........سعرها تقريبا 150000
c300

من الخارج في قمة الفخامه يعني بعض الناس يتحسبوها روز رايز لما يشوفو الشعار يعرفوا.......لكن من الداخل جدااا عاديه ومررره كلاسيك.........ما فيها اي شاشه

واحلى شي فيها نظام الأم دي اس اللي يطفي نص السلندرات عند عدم الحاجه...يعني توفير كبير خصوصا انه البترول ارتفع كثير....
والعزل الصوتي فيها حلو.........حياك الله اخوي

# OMAR # @user_7317 Banned · 08-10-2005

موجودة السيارة بالدمام تعال وشوفها وفي منها تجربة والوان كثيرة وفيها زي ماتقول شاشة دي في دي ورا ..
وبالنسبة للضمان علشان ماتتوهق اسأل الوكالة قبل ..

أحسينوه @user_16139 صاحب الموضوع · 08-10-2005

ومازال البحث جاريا ً

أحسينوه @user_16139 صاحب الموضوع · 06-10-2005

مازلت أبحث عن تقرير

يوضح مواصفات هذه السياره

ولم أجد وحتى الوكاله عندنا

ما عندها كاتالوج السياره

مخلص :confused:

===========

للرفع

أحسينوه @user_16139 صاحب الموضوع · 01-10-2005

ألف شكر أخوي / max977ima

بس ما أدري هل هي عادة تكون متوفره لدى الوكيل

أم أن الدفعه تكون محجوزه بالكامل زي عندنا في قطر

دفعتين راح يجون على شهر 12 وشهر 1

ولكن كلها محجوووووزه |5|

والسعر ما فيه فرق كبير عنا .. عندنا سعرها بــ

149

================

وياليت حد يكون عنده تقرير عن مواصفاتها بالكامل وعن الأنواع

( الطراز ) اللي ينزل عندنا في الخليج .. إذا كان فيه أكثر من طراز

============

بالمناسبه الإظافه الجديده على 2006 أن فيها DVD وفيها

شاشات خلفيه .. يعني طياااره :D

max977ima @user_11429 Banned · 01-10-2005

بسم الله الرحمن الرحيم

السلام عليكم >>>

اخوي للاسف ماعندي تقرير عنها

بس الي اعرفه ان الى الان مابعد تنزل 2006 عندنا

انشالله راح تنزل في رمضان المبارك

اما عن الصور فانا عندي صور لها من الداخل والخارج ..

تفضل الصور ..

http://www.turbopower.ws/photos/albums/1000/Chrysler/300CPro/normal_300CPro04.jpg
http://www.turbopower.ws/photos/albums/1000/Chrysler/300CPro/normal_300CPro03.jpg
http://www.turbopower.ws/photos/albums/1000/Chrysler/300CPro/normal_300CPro08.jpg
http://www.turbopower.ws/photos/albums/1000/Chrysler/300CPro/normal_300CPro10.jpg
http://www.turbopower.ws/photos/albums/1000/Chrysler/300CPro/normal_300CPro16.jpg

شكل المكينه
http://www.turbopower.ws/photos/albums/1000/Chrysler/300CPro/normal_300CPro18.jpg
من الداخل
http://www.turbopower.ws/photos/albums/1000/Chrysler/300CPro/normal_300CPro19.jpg
http://www.turbopower.ws/photos/albums/1000/Chrysler/300CPro/normal_300CPro20.jpg
http://www.turbopower.ws/photos/albums/1000/Chrysler/300CPro/normal_300CPro21.jpg

والي اعرفه ان هذه السياره تتوفر بأربعة طرازات هي الاساسي300

و تورينج و ليمتد و C300

وسعرها : 146 الف ريال سعودي

max977ima