أرجو من أصحاب الخبرة في سيارات الدفع الرباعي المساعدة العاجلة

الله الله

اخي الكريم (صاحب الموضوع) شكراً على افادتك لنا بطرح مثل هذا الموضوع المهم جداً

الاخ ابو سارة

الله .. انت معلم البرادو الاول
شكراً على هذا الطرح الرائع .. والمشاركات الممتازة
ويسعدني إطلاعي على مواضيعك المميزة
وحابب اعرف اخي الكريم .. من اي مدينة

وتسلم على هذه المواضيع المفيدة

تحياتي

ياجماعة الرد المتقدم لايستجيب معي..

خانة الكتابة مغلقة , ولايمكن اضافة صورة اي ملف

يابعدي واللـــــــــــــه

مشكووووووووووور يابو ســــــــــاره كفيت ووفيت

تحياتــــــي لـــــــــــــــــــــــك ودعوة من قلب صادق.

مافيه إنشاء الله أي ضرر لأن السياره مصممه للبر

اخوي برادوووو

سلامة الأسفار ,, وصيام مقبول بإذن الله
أنا كان قصدي إذا جير الدبل على N وحطيت جير السياره على D راح تولع لمبة فحص زيت الجير

لأن كمبيوتر السياره مايستوعب أن الجير مفصول ويعتبر إن هناك مشكله بالجير لأن السياره على D وماتمشي


والإحتمال الثاني مثل ماقال أحد الأخوان
إذا كانت كفرات السياره تدور بمكانها (( يعني مغرز )) وطولت وأنت تدوس ,, طبيعي ترتفع حرارة زيت الجير والكلتش لأن هناك حمل كبير على الجير ,, لكن إن شاء الله السياره مافيها إلا العافيه .

وبخصوص الوقفه على الطعوس وخصوصاً إذا كان رمل ناااااعم
سواء بالبرادو أو بغيره ,, لاتوقف إلا والسياره على طعس مايل للأمام خفيف علشان لو حبيت تمشي بعدين مايكون قدامك طلعه
والمصيبه بالي يوقف وأمامه طعس وخلفه طعس .

هذي صوره تقريبيه توضح كيفية الوقفه الصحيحه على الطعوس



وعلى العموم بعد ماتتعود على الطعوس وعلى السياره تقدر توقفها بالطريقه الي تناسبك .
وبعدين
الواحد أفضل شيء يجرب بنفسه
يعني شوفلك يوم ,, وأطلع رحله بأكثر من سياره ,, وقتها تقدر تجرب وتتعلم الكثير ,, ولو غرزت مره وثنتين وثلاثه مو مشكله بالعكس بعدها راح تكون إنسان خبير بالطعوس ,, ومافيه شيء وقتها يوقف بطريقك لاطعس ولا غيره .
وصدقني ,, مهما قرأت أو سمعت ,, برحله وحده راح تتعلم الكثيــــــــــــــــــــــــــــــــر.

وهذي صور لتغريز بعض السيارات








نسيت أقولك
علبة الأكسسوارات الي تجي من الوكالة
فيها منفاخ هواء
يعني نسم الكفرات على كيفك ,, وبعد ماتطلع من الطعوس أنفخها ثاني .
والأكسسورات كمان فيها كفوف , وحقيبه طبيه , ولمبه على البطاريه , ومثلث تنبيه , , .................إلخ وزياده تلاقي ميدالية هديه .

الي يهنيك بالميداليه :D والمره الجايه ياليت تعزمني على الفطور براس الطعس ..

لك التحية أخوي

هل في ضرر على غطاء المروحة الاسود اللي عند المساعدات الاماميه تحت السيارة (( اللي فيه غطاء الزيت )) عند التطعيس أو التغريز ؟؟؟؟

شكرا ابو ساره

جزاكم الله الف خير , بارك الله فيكــم

شكر خاص الى اخواني هوندا وأبـــــــوســــارة على افادتي بالشرح والتفصيل

ابوسارة :

بخصوص لمبة فحص الزيت ماتولع الغ إذا دعست لمدة دقيقه تقريبا والقير على وضع D وليس N

واتوقع مثل ماقال احد الاخوان في الردود السابقه ارتفاع درجة حرارة الكلتش مع العلم ان الدبل كان على HL

ادعس ولاكأني دعست الموتر واقف مغير يحن , بعد ماشفت الوضع تأزم طفيت الموتر ونسمت الكفرات , وبصراحة انا كنت مسافر يعني ماسك طريق ويوم جا وقت الافطار على اذان المغرب قلت ياولد يازين الافطار على حدى الطعوس مع العلم اني ماقد جربت الموتر في الطعوس يعني ماجا وقته (( الشتاء )) افضل وقت عندي للكشته , حتى وانا انسم الكفرات ادعي ان الله ييسرها لاني اخاف امشي عليه مسافه طويله بعد ارجع للخط والكفرات منسمه , حتى من قل الاهتمام السيارة معها شنطة اكسسوارات والله مادري وش فيها غير اني سمعت ان بها صيدليه ومقياس للضغط وعلى خبري مافتحت الشنطه لكن الحمد لله بعد ماطلعت مشيت حوالي 30 كيلو تقريبا ولقيت محطه وزنت ضغط الهوا وكملت طريقي , بس بصراحه كــــــــــــــان الفطووووووور على كيف كيفك :)


ابو سارة سؤال اخير :

انت تقول لاتوقف ابد قصدك اذا بغيت اتمشى على الطعوس , طيب اذا بغيت اوقف وانزل عزبتي واسمر وش اسلم طريقه مع حبيبنا البــــــرادو ؟ ؟ ؟ ؟ ؟

لاهــنت....

اخوي
اول شيء الحمدلله على السلامه
وثاني شيء إن شاء الله السياره مافيها إلا العافيه

أنا معي برادو 6 سلندر 2005 والحمدلله وأعتبره من أفضل الجيوب في البر ,, نظراً لإرتفاعه وخفة وزنه بالنسبة لقوة المكينه وكذلك إرتفاعه الي يخليك تدعس بأي طريق وماتهتم وش قدامك .

بخصوص الدبل
هناك
H / دفع رباعي دائم ولو تمشي طبلون السياره , لكن التوزيع بين الأمام والخلف مايكون 50/50 لكن متغيره بإستمرار على حسب الطريق وطبع القفل الخلفي والوسطي غيـــر مقفول

HL / دفع رباعي لكن مع قفل الدفرنس الوسطي والخلفي , وتقدر تغير بين ال H و HL مع أي سرعه للسياره يعني لو تمشي 180 مافيه مشكله (( راح تشوف بالطبلون إشاره صفراء عباره عن أربع كفرات بينهم X يعني قفل الدفرنس شغال ))

N / يعني الجير فاضي . (( طبعاً يفيدك لو تركب ونش على المكينه )) (( تطفي الإشاره الصفراء ))

LL / هذا الدبل الثقيل يعني اقفال الدفرنس مقفوله والعزم كبير جداً , لكن علشان تحطه على هالوضع لازم توقف السياره تماماً . (( تولع الإشاره الصفراء ))


قبل تدخل الطعوس أول شيء لازم تنسم الكفرات 20 ولو 15 أفضل
تقدر تمشي بالوضع H وتتمشى بعد لكن لاتوقف بمكان فيه رمل ناعم وكثيــــــــر , إذا حسيت أن المكان طعوس قويه وخفت السياره تتعلق او تزحف ,, الأفضل تغير لل HL وأنت ماشي بدون ماتتوقف .. ولا توقف أبداً او حتى تهدي وأنت بين طعسين ,, علشان ماتتعلق .
إذا لاسمح الله وغرزت السياره ... يعني وقفت .. أول شيء أختار الطريق الأفضل للخروج (( أمام او خلف )) حط الدبل على الوضع LL بعد ماتفضي الجير سواء اوتوماتيك او عادي وبعد كذا اشبك الجير وادعس بشويش وإذا شفت الكفرات تتحرك بمكانها لاتدعس أكثر علشان ماتحفر السياره وتتعلق , الأفضل تنزل وتنسم الكفرات لو كانت فوق العشرين حطهم على 15 وبعد كذا حاول تشيل الرمل من الجهه الي أخترت الخروج منها , وبإذن الله تطلع السياره .

وبخصوص لمبة فحص الزيت ,, أكيد كان وضع الجير على N لأنك إذا أخترت الوضع N وعشقت الجير فالسياره ماتتحرك وعلشان كذا تولع لمبة فحص زيت الجير .


أتمنى أكون أفدتك
ولك خالص التقدير

السلام عليكم ورحمة الله وبركاته
الحمد لله السيارة ما فيها شي ان شاء الله، بس مثل ما قالوا الاخوان تنسيم الكفرات ضروري للي بيروح البر حتى لو كانت السيارة جيب.
بالنسبة للسيارة عندك اذا كان فيها قفل دفرنس فهي كالتالي:
H , HL ,L,LL

H – للقيادة العادية "High"
HL – للقيادة العادية مع قفل الدفرنس "High LockDef"
L – الدبل الخفيف يتسخدم عند التغريز اقصى سرعة 60 كيلو "Low"
LL – الدبل الخفيف مع قفل الدفرنس يتسخدم عند التغريز اقصى سرعة 60 كيلو "Low LockDef"
هذي بالنسبة لقير الباجيرو واظن نفس الشي بالنسبة للبرادو

وافضل وضع للقيادة هو H مع تنسم الكفرات، يعني نسم الى 20 وتوكل على الله وما في غراز باذن الله،وعند الحاجة اذا بدأ احد الكفرات في الحفر او كان كفر واحد بس يدور والباقي واقف حول الى HL "قفل الدفرنس" حتى تتوزع القوة على الاطارات بالتساوي.
عادة الوضع L لا يستخدم الى عند الحاجة الى عزم جر قوي، يعني اذا تبي تسحب سيارة مغرزة او عند التغريز في طين.

اتمنى اني اكون افدتك.

السلام عليكم


جات سليمة وتعيش وتاخذ غيرها

الاخ كوايز عطاع معلومات مفيدة

وفي موضوع للاخ الشهري عن طريقة التطعيس والمشي في الرمال راح يفيدك كثير

ولا تنسى تاخذ معاك احتياطات التطعيس وهي الكمبرسر ( ماطور هوى ) وحبل سحب وشيول صغير

بالنسبة للنظام بالبرادو ماعندي خبر لاكن الا L في جيمع الجيبو بيسخدم في الظرورة فقطططططططط

لاغير لانه يعتمد على عزم كبير جداً من المحرك

والسيارة اذا ارتفعت حرارتها لازم تريحها شوي لاتروح عليك الكلتشان ولا الغير اذا كان تماتيك

على فكرة قير سيارتك عادي ولا تماتيك

واضح انك ما تعلمت أصول القيادة على الرمل وهذا يؤدي إلى الإضرار بالسيارة. لابد تتعلم كيف تستخدم الدبل.

هناك عدة أمور يجب الإهتمام بها قبل الدخول في الرمل.

_ تخفيف ضغط الإطارات.

- الاحتفاظ بالمومنتم (مادام السيارة تمشي لاتوقف.

- عدم الإفراط في استخدام دعاسة البنزين لأن ذلك قد يؤدي إلأى أن تغوص السيارة في الرمل.

- معرفة الطعس وطرق صعوده وتفادي السكين إلا إذا كنت ترغب في ركب المخاطر.

- عندما "تغرز السيارة" أوقف المحرك وبرح للكفرات.

بااااااااارك الله فيكم اخواني

اخوي ليمتيد كلامك صحيح ومثل ماذكرت هذا ماوجدته في كتيب السيارة مع العلم اني استخدمت نفس الطريقه اللي في الكتاب وقت الغراز لكن دون فائدة , عند التغريز شغلت نظام ال HL حسب ماهو مذكور في الكتاب والملاحظ ارتفاع حرارة والموتر واقف يعني ماافادني بشي , آخر شي نسمت الكفرات الى ضغط عشرين تقريبا مع وضع H يعني بدون استخدام قير تبديل التروس او الدبل وبهالطريقه تحرك الموتر وطلع..


اذا ممكن احد الاخوان في المنتدى اللي عنده خبرة في نظام البرادو حق الدبل يوضحلنا بالتفصيل افضل طريقه لدخول البرادو للرمال ؟؟؟؟

يعني انسم الكفرات فقط واتوكل على الله بدون مااغير H الى HL أو اني لازم اغيره الى HL قبل ماادخل ؟؟؟؟؟؟؟


تحياااااااااااااااااااااااااااااااااااتي للجميع

يكون في علمك اخوي
الوقوف في الغراز والتدعيس على المكينة بدون ما تتحرك السيارة ..يضرها كثير
وخصوصا زيت القير اللي راح يحتمي واحتمال يخرب القير عليك
عموما:
كونك قدرت تطلع السيارة لحالك..فهذا شي جيد جدا

H , HL ,L,LL

اخوي راح تلاقيه مكتوب في الكتيب فائدة كل واحد منهم ومتى يستخدم

انا اعرف ان :

H الوضعيه الي تمشي كل يوم عليها
HL هذي الوضعيه الدبل الخفيف تستخدمها عند الدخول المناطق الرمليه
L و LL واحد منهم او اثنينهم مايسخدمو الا في حالة التغريز ووقوف السياره .


اعتقد سبب تسخين السياره هو استمرارك في الدعس وبدون فائده والمده جدا طويله
ساعه ونصف واكيد المكيف شغال صح :D
زي ماقالو الشباب اهم شي التنسيم ولاتبدل النمر بسرعه .

ياخي حرام عليك والله ..

برادو وتغرز !!!!

البرادو الــ VX نظام دفع رباعي مستمر الى الــ 100 كلم/ساعة

ما عليك يا طويل العمر الا انك تنسم الكفرات ( الى 20 ) وتسمي بالرحمن وتدخل ..

بالنسبة للدبل الثقيل والله ما ادري عن البرادو الجديد لكن يا ليت لو توصفلي القير والكتابات اللي عليه وانا اقولك

اشكرك على ردودك يالغالي , ماقصرت

ننتظر الاخوة اللي عندهم خبرة بنظام التروس في البرادو يفيدنــــــــا ؟ ؟ ؟ ؟

عادي يا شيخ
وترا جميع المبتدئين من المطعسين اذا غرز..حط البلا في السيارة
انا شخصيا غرزت لي كذا مرة بالجمس..وبصراحة طاح من عيني وقلت الجمس ما هو حق تطعيس
لين قال لي احد الشباب:
لا تحط غلطتك على السيارة..
بس الحمد لله تعلمت وبديت اتمشى بالطعوس بالجمس على ثقله بدون ما اغرز
وبالنسبة لتعشيقات الدبل فوالله ما اعرفها في البرادو
يساعدونك اصحاب البرادو
وعلى فكرة:
اتمنى لنفسي اشتري برادو..بصراحة موتر راااااااااايق وممتاز جدا في الطعوس
لأنه خفيف وقوي ومرتفع عن الأرض (ومن تويوتا صاحبة الخبرة في الدفع الرباعي)
على فكرة..الجمس عكس البرادوو..صحيح قوي بس ثقييييييييييل (3266 كيلو) ونازل شوي
ومع ذلك يطعس زي العسل
فما بالك بالبرادو
بالتوفيق

باااااارك الله فيك اخوي , والله طمنتني..لاني عقب التغريزه طاح من عيني البرادو

لكن هل أفدتني عن سبب الدخان وارتفاع درجة الحرارة واانا مشغل وضع HL حق الرمال ؟؟؟ ؟؟ هل انا اخطأت في تشغيلي للوضع هذا ؟؟؟؟

ياليت تفيدني او احد الاخوة اللي عنده برادو ؟؟؟؟؟؟

وش افضل وضع للتروس في الرمال ؟؟ ؟؟ مع العلم اني اتبعت تعليمات كتاب السيارة ومثل ماذكرت اذا طولت في الدعسه ترتفع الحرارة مع وجود دخان بسيط ؟؟؟؟