السلام عليكم ورحمة الله وبركاتة
هذه القصيده لبنت ليله زواج حبيبها
اليكم القصيده
جاني الخبر يا صاحبي واظلم الكون .... قدام عيني ثم نطقت الشهـاده
على العموم اقولها الف مليون ... مبروك من قلـب شكالـك ابعـاده
مبروك لا يهمك سواليف وضنون ... من عاشق يهديك فرحـة فـؤاده
سو الفرح اليوم وابليس ملعون ... واللي يشب النـار يجنـي رمـاده
انا اول العالم على القصر يلفـون ... اول معازيـم الفـرح والحـداده
ابشر انا برقص على العرس بالهون ... كل يعبـر فرحتـه باجتهـاده
لو البلا رقصي يقولون مزيـون ... المشكلـه القلـب يفضـح وداده
يوم العذارى في دخولك يغنون ... وعروستك باحلى ثوانـي السعـاده
كنت اتمنى بدالها والله اكون .... واحط انا كفي تحت راسـك وسـاده
واشلون ابكتم صرختي يوم تمشون ... تكفى ..خذني للعروسه قـلاده
حتى معازيم الفرح قامو يمشون ... واصبحت انا وحدي بدون استفاده
وطفو علي النور من غير يدرون ... قصر الفرح يا قبر(منيرة) ومهاده
وصيتي لو جاك بنت وانا امون ... سميتها لك(منيـرة) قبـل الـولاده
اتمنى تكون قد حازت على رضاكم واعجابكم
اخوكم : نواف :)
