الافاالون 2006؟؟؟؟؟؟؟؟؟؟؟؟؟؟؟؟؟؟؟؟

ياليت تسرد لنا الأرقى والأفخم ........................ :rolleyes:


وهناك مواصفات غير موجودة بالأفالون اللي عندنا بعد ..... :)

والكيا دماااااااااار مقارنة بهيونداي ....مع إنها تمتلكها !


تحياتي

والمكسيما لست منافسه
والكاريسلر حلوة
والكابريس حلو بس مافي تكييف مقاعد
وخذ الافلون واسئل مجرب

الاوبيروس حلوه مره بس تراها كوري موقصدي الاستعمال قصدي لين جيت تبيعها بيطيح من سعرها كثير

ولد خالي معه 2005 والله تمام مقاعد تبريد وتسخين وهي تمام طبلونه 260 وجايبين بها 230 على الخط وكان فيه لومينا اس أواس اس مانتبهت لنا كنا مسرعين وقمنا عليه وعزمها قوي قوي وراسية ورزة ياشيخ حتى البزران عندنا يقولون لين كبرنا بناخذ افالون زي عبدالله والافالون مو بس الشكل الجديد الي زين حتى الموديلات القديمة عند ولد خالي نفسه 2003 وصدمبها 5 مرات يوم كان غشيم وكلها قوية والسيارة عنده لين الحين وعند ابوه 2001 وماشية تمام الزبدة طولت عليك خذها وتوكل على السيارة غطت على اللكزس ونصيحتي لون أسود فل لاتاخذ سياحي ترا الفرق 15 الف بس وتفرق عن الفل بمواصفات كثيرة:
التنجيد مخمل
جنوط مافيه
فتحة سقف مافيه
الوسائد الهوائية أقل
نظام التحكم بالدفع مافيه
تخشيب الطارة وأزياق البيبان والقير مافيه
شاشة المعلومات مافيه
فتح البيبان برصه من برا مافبيه
تكييف المقاعد مافيه
تشغيل لمس مافيه
تحريك المقاعد على ماظن في السياحي يدوي بس في الفل كهرب
يعني مايسوى الفرق خذ فل وبس واللون زي ماقلت اسود ولا عودي

السلام عليكم.............
أخوي أبو فيصل:
معذور ياقلبي وفعلا انا من أشد المعجبين بردودك العقلانية
والله يخليك لنا

أما أخوي أبو بندر :
(حدث العاقل بما يعقل رجااااااااااااااااااااااءا)
أخوي للأسف أنك ماتملك أي صلة بالموضوع:
1- سعر الأوبيروس أقل شيء بأكثر من 76000ريال
2- في نوعية بالأوبيروس يفوق سعرها 110000ريال <<<بس ماتنزل عندنا
3- أخوي رضيت ولا مارضيت الأفلون من منافسيها هو الأوبيروس لما يحوي من قاعدة عجلات تكاد تكون مثلها ومن أتساع يكاد يكون مماثل ومن حجم محرك نفسه (مع فارق الأحصنة طبعا)
4- للأسف الأوبيروس تملك مميزات أرقى وأفخم من الأفلون
5- منافسي السيارات لايتحددون بالأسعار وأنا أخوك وأنما بالفئة
6- منافسي الأفلون :-كيــــــــــــــــــــــــــــــا أوبيروس
-نيســــــــــــــــــــــــــــان مكسيما
-كرايسلــــــــــــــــــــــــر 300C
-الفورد كراون فكتوريا
-شفروليـــــــــــــــــــــــه كابريس
7- ولو كان بالسعر لكانت كرايسلــــــــــــــــــــــــر والكابريس خارج المنافسة وأنا أخوك <<<<<<<<<<طبعا لو أستبعدنا سع الأوبيروس الفل أوبشن اللي مايجي عندنا
8- عمر ماكان سعر السيارة النازل عيب
ولاكن للاسف أحنا بالسعودية غيـــــــــــــــــــــــــــــــــــــــــــــــــــــــــــــر

أخوكم المحب الطروقي

فعلا يا زمن العجايب

كيا اوبيروس بــ 65 الف قارنتوها بأفالون ..

يا ناس اللي يبي يقارن صح يقارن اللكزس ES .. والانفنتي G35 .. والكرايسلر C300 .. والأفالون Limited

هذي السيارات الأربع تعتبر من فئة وحدة والمقارنة صعبة بينهم ..

حدث العاقل بما يعقل رجااااااااااااااااااااااءا

اخواني الاعزاء اتوقع الموضوع اخذ اكبر من حجمه واتمنى ان تتضح الصورة للاخ السائل لكي يختار الانسب له

اما بالنسبة للاخ الطروقي فأنا يااخي لم اقل كلام جارح لك ولا شيء بالعكس انا اشدت باحد الاخوان فيما يخص معلوماته واعذرني اخي الكريم فعلا اتمنى من كل شخص ان يتاكد من معلوماته قبل ان يدلي بها لان هذي المعلومات يقراها مئات من المشاركين ولاترضى ان يخرجوا من هذا المنتدى بمعلومات خاطئة

تحياتي اخواني

وكل عام وانتم بخير

ليش واللكزس ماهي صناعة تويوتا :D

السلام عليكم...........
ملاحظة : يااخوان الكرسلير 300c هو من منافسيهم
وانا أقصد النوعية اللي تملك 6سلندر وليست 8سلندر
والسيارة تمتلك أبعاد قريبه من فئتها

أخوك الطروقي

أي 300 c هذي أكبر من حجمها ومو من فئتها ..

وبعدين إحنا نتكلم عن السيارات في الخليج وش جاب المكسيما خلها تتغير وبعدين نتكلم ..

والفورد كراون على عيني والله موتر وحق كد بس يعيبه شكله مقارنة بالأأفالون وأيضا الفخامة ..

والكابريس نفس حكاية الفورد كراون ولكن يمتاز بقوة الماكينة وصرفية البنزين لك عليها .. ويعيبها إنها استرالية

والكيا صراحة ما أعرف عنها شي لكن الرجال يبي سيارة يابانية ..

أه نسيت احد المنافسين الأقوياء
كريسلر 300c ستة سلندر
وصراحة يمدحون قيادتها في النت
بس للأسف ماجربتها:(
الطروقي:cool:

السلام عليكم..........
أنا آسف على تأخري بالرد
اخواني اللي يقولون أني متعصب
من هم منافسي الأفلون؟؟؟؟؟؟؟؟؟؟؟؟
1- الفورد كراون فكتوريا
2- الكابريس
3- كيا أوبيروس
4- نيسان ماكسيما
أما من ناحية من هي الأفضل بالقيادة
فأنا جرب جميع مافي أعلاه إلا الكابريس
وانا أقولك بشهادة لايعلم بها إلا الله أن الكيا أوبيروس والهونداي سنتنيال(بس هذي مشكلتها أنها غالية)أفضل وأرسى وأهدى بالطرق السريعة من المنافسين
صحيح أنها ماهي الأسرع ولاكن والله سرعتها ماشاء الله أكثر من اللي المطلوب من سيارة فارهة
أنا دائما أقول أنا مارديت على شاني حاقد على الأفلون لاوالله أنا أكن لتويوتا كل أحترام ولوكيلها الذي يندر من يسبه ويشتمه
ولاكن تعودنا بالمنتدى على كلمة الحق
وبيني وبينكم أكثر شخص جرحني بكلامه أخوي ابوفيصل966 صراحة أعتبرتك شخص ديموقراطي بالمنتدى لماتملك من صدر رحب
صحيح أن أجرحك بكلامي لاكن أتمنى أنك ماتزعل مني

وكل كلامي اللي سبقني يعبر عن ري شخصي لي لن بصراحة أكثر ماأنزعج منه أن شخص ينصحني بسيارة غالية نسبيا وغذا مسكت الخط جت شاحنة وهزت السيارة هز وكأني راكب أكسنت

أخوكم الطروقــــــــــــــــــي

تصدق اخوي أفالوني
عجبني هدوئك وطرحك الراقي فعلا
بارك الله فيك
وبالنسبه للسياره اعتقد ان الدفع ا لامامي لك عليه إضافه الي الشكل الخارجي ماهو بذاك التميز (( بشده على الياء))
وبالنسبه للمطبات( هذي مشكلتي بالسواقه لاني دايم اناظر المرايه لاقربت مطب واشوف اللي وراي طاير اقول ياولد كل المطب احسن من هذا يشمع فيك من ورا)) المفروض ماناظر المرايا خخخخخخخ
وبالنسبه للصمله انا باخذ وقت القروش وطار اكثرها
والصبر زين
و جزاكم الله خير اخواني جميعا
بصراحه مشروع شراء سياره وخصوصا في هذا الوقت صار جدا محير
الله يرزقنا ويرزقكم الحلال

السلام عليكم ورحمة الله:
اخوي السهم الراقي,, تحيه طيبه :

الان وبعد كل هالردود والتعصب والمشادات اللي صارت بين الاعضاء واللي ماكانت بتصير اساسا لو انك ما حمستهم الله يهديك,,

كل الموضوع : ترا كلمه ورد غطاهـا ..

يعني رد ردين وجزاكم الله خير .. واستخر بعدها .. واللي كاتبه الله بيصير ..
واتمنى انك مقتنع بكلامي لانـه ما في سياره بالدنيا الا ولها مميزاتها وعيوبها....( الزين ما يكمل)..

خذ العلم مني وانا اخووك..
وليس لاني امتلك افالون فوالله ما يهمني الموتر بقدر ما يهمني المصداقيه في الكلام..والصدق..

محسوبك يمتلك أفالون 2005 فل كامل ومشت معي الان 35,000 كيلو ولله الحمد ما عانيت شي فيها بالرغم من انه حصل لي فيها حادث في الرفرف الامامي الايمن وتأثر الذراع مع الضربه لكن الحمد لله غيرت الذراع وسمكرت الموتر ورجعت مثل اول.. الا شوي..
لأن دفعها امامي للمعلوميه فبتصير حساسه نوعا ما لان عكوسها واذرعتها وخرابيطها كلها قدام ,,

- الموترر بشكل عااام ممتاز وافضل من الكامري بمراحل( مع احترامي للكامري لانها كانت معي جي ال 2003 وعن تجربه شخصيه وأعتقد انه شي طبيعي لفرق السعر بينهما فالكامري جميله وتصبر بس فيها خف الوزن وقلة المواصفات ’ لكن الافالون وانت على الخط غمض عيونك بتحس انك راكب لكزس مشالله ثقيله وراسيه امشي بها ميتين على خط الشرقيه ما احس بأدني شعور بالخوف بينما الكامري اذا وصلت 180تبدأ تخاوذ ..( على قول اهل الجنوب ) ...

- الافالون من ناحية العزل الهوائي جيده بنسبة 70 في المائه لكن ما تحس بفرق في الخط اذا تعديت 150 ك س وحط في بالك انها تويوتا يعني ما وصلت مواصيل اللكزس في مجال العزل الصوتي.. لكن على قولة اهل الرياض شي يغطي شي .. يعني وانا ماسك الخط ما راح انتبه للعزل لان فيه شي يشغلني مثل المسجل والسيدي والنظام الصوتي 12 سماعه والشاشه والسواليف وسعة الصدر..

- ومن ناحية المقارنه بينها وبين الكابرس .. فاخوي عنده كابريس LTZ موديل 2004 وللامانه ليس لانني امتلك افالون لكن الحق يقال ان الافالون اكثر راحة من الكابريس في الخط لان الكابريس راسيه لكن وانت على الخط تحس انها قريبه من الزفلت (وانت بكرامه)..

- مشيت بها على خط مكه جابت 250 فقط على ان المكتوب 260 ...

- بالنسبة لصرفية البنزين فالسياره تمشيك 416 كيلو لين صرت معبيها فل بحدود 53 ريال تقريبا.. وعلى حسب تدعيسك وضغط المكينه.. انا من نا حيتي مستكثر صرفيتها صراحه مدري ليه ..؟؟

- المكيف جيد نسبيا بس كأن مروحته اضعف من الكابريس اذ ان الكابريس لين رفعت المكيف خطر تلزق في المرتبه من قوة اندفاع الهواء مشالله..

- اندفاع السياره ( على قولة العوام القومه ) انا ما اخفيك طلعت المسانده كنت راجع من مخيم في العاذريه يوم الخميس واشوف العالم والشباب والمقاوم والرجه .. يوم طق فيني عرق وتحمست فقاومت مكسيما 2003 في القومه قامت علي لكن في الخط طافت الافالون زي السلام عليكم.. ويرجع السبب في ضعف القومه الى ان الافالون ثقيلة الوزن نسبيا مقارنة بالمكسيما والكابريس وما شابه .. بالرغم من قوة مكينتها..

وبعد هذه التوضيح المطول .. لك حرية الاختيار في الموتر اللي يعجبك , لان السيارات كثرت والواحد بيني وبينك يحتار وش ياخذ ...

ملاحظه : اذا انت صملت على الافالون فأنصحك ما تاكل مطبات ولا ارصفه ... وبتعيش معك انشالله..

ودمت بأفضل حال..

اخوك ___ أفــالـــوني ____

تصدق اخوي
فعلا
عندي نفس السؤال
بس سوالف وجرت بعضها
وبعدين يااخوان والله مدري اذا مزعلكم
ياليت الاداره تحذفني
لاني والله ماسجلت هنا ابي ازعل احد
مدري حنا في منتدى سيارات اكيد
ههههههههههههههههههههههههههههههه
الله من زود خفة الدم
ادري
يله سلام اذا ماحد تكلم بعدي انا ماراح ارفع الموضوع
شرايكم

عزيزي السهم الراقي ..

سؤال ..

هل انت متأكد انك فتحت الموضوع لتسأل عن الافالون ؟؟؟؟؟؟؟؟؟؟

(( صاحــــــــــــــب كــــــــــــــــــــــــــــــــل نعمـــــــــــــــــــــــة محســـــــــــــــــــــــــــــــود ))


هذا اكثر شي اقد اقوله ضد اعداء هذه الشركة.....

يعني سيارتين من نفس الشركة ...ماتبغى يصير تشابه بينهم .......؟؟؟ شيء غريب فعلاً :D


هههههههههههههههههههههههههههههههههههههههههههههههههههههههههههههههههههههههه

ايه
الهايلكس
والكامري