لخبراء السيارات وبالأخص الكامري 2003 تكفون ...

dabi @user_9566 · 29-10-2005

السلام عليكم ورحمة الله وبركاتة

حصلتلي مشكلة بالكامري موديل 2003 وهي اني لما تشتغل السيارة لمدة طويلة وعند الوقوف

تبدأ السيارة تهتز فترة بسيطة بعدين ترجع طبيعي طبعا الرجة كانت واضحة ومحسوسة

رحت لورشة وغيرت بواجي وفلتر البنزين وفلتر البنزين طلع محلة تحت المرتبة الخلفية :p ظيقت الا المحل هذا

المهم بعد مخلصت صارت السيارة تبطي ماتشتغل وعزمها صار ظعيف مرة غير التقطيع بعد ماغير من نمرة لنمرة يعني

رجعت للورشة وقالي أبو الشباب يبيلها برمجة ؟؟؟؟؟ :confused: برمجة كمبيوتر ؟؟

[CENTER][CENTER]انا قلت شكله عليمي وشيكت على البواجي يمكن تكون ماركبت زين ولكن لقيتها راكبة تمام

[/CENTER]

وانا اتوقع ان الحساس حق البخاخ يكون فية مشكلة واللة اعلم مع العلم ان السيارة ماشية 85 الف كيلو

فقلت مالي غير شباب المنتدى يشوفون لي حل في هالمشكلة

اسف على الإطالة وبنتظار ردودكم وانشاء الله القا حلها عندكم

تحياااااتي[/CENTER]

camry_xl @user_23908 · 04-11-2005

والله ياخوي ان كان الرجة بعد ماتشغل المكيف فهذي شي عادي وتطلع في كل الكوامري
وانشالله اني اكون نفعتك

dabi @user_9566 صاحب الموضوع · 02-11-2005

اخوي aaz الف شكر اخوي على مروورك

بس بالحقيقة فية سياارات كثير 4 سلندر وماشاء الله ماتحس فيها اي شي

بس بعد الشغل اللي سويته الرجة خفت عن أول بكثييير لكن المثل يقول ( أهل مكة ادرا بشعابها )

واشوف ان الوكالة هي الحل المناسب

تحيااااااتي للجميع

وكل عااام ونتم بخييييير

aazz @user_21478 · 31-10-2005

بالنسبة للرجة فاعتقد ان هذه المشكلة موجودة بجميع سيارات 4 سلندر

حيث تفتقر الى النعومة

واسأل مجرب

dabi @user_9566 صاحب الموضوع · 30-10-2005

أخوي سراااب الود

اولا اشكرك على اهتمامك بالموضوع وردك الجميل

بس نصحني وااحد من العيال اني اروح افحص كمبيوتر ورحت فحصت فطلع عندي طرمبة البزين يبيلها تغيير

لما جيت افك الطرمبة طبعاٌ هي تركب مع الفلتر حق البنزين لقيت ان أبو الشباب ماركب الجلدة زين

فارتفعت شي بسيط عن حدها وصارت ماتسحب البنزين إلا شي بسيط ركبتها زين ورجع الموتر افضل من الأول بعد ولله الحمد

وانا انصح الشباب انهم لايودون للصيانة إلأا عند ناس فاهمه يقعد يتفلسف تحسه فاهم وهو ماعنده ماعند جدتي :D

بصراااااحة اخوي سراااب الطريقة اللي شرتها علي ممتازة بدال مايلعبون علينا ذا الورش بتنظيف البخاخات

وتصلح الواحد يسويها كل فترة |1|

تحياااااتي

dabi @user_9566 صاحب الموضوع · 30-10-2005

مازدا كل الشكر اخوي على مرورك الكريم وردك

سراب الود @user_22125 Banned · 29-10-2005

مكن البخاخات متسكره
اذا كانت تكتم فشوووف البخاخات
واسمع الشوووور
خل البنزين على E
وعب بـ15 او 20 بنزين طبعاااا
وبعدين حط منظف البخااااخ
وخذ خط طويل وفاضي وانت رجلك على البنزين (((جب طبلونها)))
اما اذا كانت قير عادي (((وانا اعتقد ان اللي معك قير توماتيك لان احد اصحابي بدأت العوارض تظهر عنده)))
حنه بالثالث اللين ياصل الضغط 5 او5.5 وبعد فتره تعطيه الرابع وتحنبه اللين 5 او 5.5 وبعد فتره تعطيه الخامس وتحط رجلك على الدعسه اللين يخلص بنزينك
واذا كانت توماتيك على طول جب طبلونها اللين يقضي البنزين
وهذي الطريقه بدال ما يقولون لك حقين الورش تنظيف بخاخات
تنظفه بالطريقه اللي اقولك
جرب وشووووووف
اذا جربت ارجججوك تعلمني فاد او مافاد
وشكرااا

mazda3 @user_12170 · 29-10-2005

ودها الوكالة