السلام عليكم
موضوع ممتاز الله يعطيك العافيه يا صاحب الفكره.
انا وا أعوذ بالله من كلمه أنا كان عندي هوندا اكورد 2006 اربعه سلندر كامل المواصفات
قبل فتره مش طويله صارت الأنوار الداخليه ما تشتغل عندي أعتقد ان اللمبه أحترقت لكن لفت نظري اني لما اضغط عليها تشتغل لكن ما تشتغل مع فتحه الباب المشكله بدات مع جهه وحده بحكم ان في لمتين و بعدين صارو الثنيت ما تشتغل .
رحت إلى كهربائي قالي خل السياره عندي وتعال بكرى!!
طيب وين المشكله يا صديق ما رضى يقول لي،
قال خل السياره وانا بفحصها
دورت في النت و اليوتيوب لقيت وين المشكله و طريقه حلها
طلع في سوتش يصير في علبه اللمبات وتحتاج تفكها علشان تغيره
اشتريت السويتش سعره تقريبا 220 او 250 ريال
رحت للكهربائي قلت له بدل هذا قال اوكي بس هذا شغل واجد يكلف 70 ريال .
حاولت افكها ما رضت تفك عندي و اضريت ادخل على اليوتبوب اخونا الامريكان ما يقصرون و يسمونها بالأنجليزي map lights
و الطريقه كالتالي :
1- تفك البرغي اللي في علبه النظارة
2- تحتاج سكين او سكروب عادي بس يكون ظعيف علشان تفك غطى اللمبات.
غطى اللمبات فيه كلبسات يحتاج تكون حريص و تدخل السكين او السكروب بشويش لين ما توصل إلى مكان الكلبس و تضغط عليه بشويش كانك تبي تطلعه برى و من يطلع شوي اتركه وروح للي جنبه لان كل غطى فيه اربعه كلبسات و من تفتح اثنين بيطلع معاك الباقي سهالات.
3- تفك اللمبات و تأكد انها بارده لا تسبب لك حروق لا سمح الله.
4- تحت كل لمبه فيه برغي تفكه و تطلع العلبه كامله و بتلاقي السويتش فوق تقدر تفكه و تركب الجديد بكل سهوله.
الشغله اخذت مني ربع ساعه بالظبط وكلفتني بس سعر القطعه، و اللي يتعامل مع مواقع قطع الغيرات راح يلاقيها ارخص بحكم ان عبدالله هاشم مو مقصر علينا في اسعار قطع الغيار.
أتمنى ان افدتكم بتجربتي
محبتي
أبو أحمد
