السلام عليكم ورحمة اله وركاته وبعد :
اولا اهنئ الجميع بقدوم الضيف العزيز على قلوبنا ألا وهو (( شهر رمضان الكريم )) اعاده الله علينا وعليكم اعواما عديدة وازمنة مديدة اللهم امين
ثانيا اشكر اخي salehhd على طرح هذا الموضوع الراقي واللذي يستفيد منه الجميع من خلال طرح بعض المشاكل الخاصة بالسيارات التي مرت على البعض وطرق حلها ,, وكذلك اشكر جميع من قام بوضع حل لاي مشكلة واجهته .
ــــــــــــ
عندي سيارة كابرس 2005 SS وكانت عندي مشكلة قبل خمسة ايام وهي انه عندما كنت ماشي ونظرت الى امبير الحرارة (مقياس الحرارة ) وجدت الحرارة بين الربع والنصف (يعني الثلث ) طبع كنت مشغل المكيف قلت ماهو مشكلة هذا الصيف لازم ترتفع الحرارة عن وضعها الطبيعي ومشيت وبعد ثلث ساعة ومع زحمة السيارات ناظرت امبير الحرارة مرة ثانية لقيت الحرارة ارتفعت الى النصف , قلت لا الوضع ماهو طبيعي ونزلت وشيكت على المراوح لقيت المروحة الكبيرةشغالة تمام لاكن الصغيرة لقيتها طافية تماما . وطفيت المكيف ومشيت ونزلت الحرارة الى الثلث مرة اخرى ومع المشوار نزلت الى قرب الربع , ولما وصلت البيت فتحت الكبوت وطقيت المروحة الصغيرة اللي خربانة واشتغلت حوالى دقيقتين ومشيت على السيارة وشيكت مرة اخرى ولقيتها طافية قلت اكيد فيها مشكلة . المهم رحت لكهربائي قال بصلحه لك بخمسين ريال قلت اوكي وقام وفك الفيش حق المروحة وطق المروحة نفس ماطقيتها انا واشتغلت وقال خلاص اشتغلت صح قلت صح وقال طف السيارة وطفيتها وشغلتها مرة ثانية واشتغلت المروحة ورحت من عنده وخذيت مشوار بعيد وشيكت على المروحة مرة ثانية ولقيتها طفية ورجعت للكهربائي وقال مافي مشكلة انا اصلحه لك اذا كانت فحمات او تجيب مروحة جديدة اذا مانفعت الفحمات قلت اوكي وراح يدور فحمات ماحصل الا تجاري وقال التجاري ماراح يمشي معك اكثر من عشر يام . وقال لي دور اصلي او جب مروحة كاملة , المهم دورت وتعبت مالقيت فحمات , وبعدها سألت عن المروحة كاملة حصلتها بـ 580 GM عند محل وبـ 400 عند محل ثاني والأصلية بـ 680 , صراحة احترت بينهم ولا اشتريت شي . المهم رحت البيت وحصلت فحمات قديمة تبع مروحة قديمة واخذتها ورحت للكهربائي وقلت له تركب هذي الفحمات على المروحة قال لا ماتركب هذي الفحمات حقت مروحة كبيرة والمروحة اللي عندك صغيرة , وكلامه صحيح لاكن ليش ماتركب الفحمات على بعض , المهم رجعت البيت وفكيت المروحة الصغيرة وفكيت البرشام حق الدينمو وفكيت الفحمات وركبت اثنين من الفحمات القديمة اللي عندي بدل الفحمات الموجودة في الدينمو وجربته واشتغلي معاي 100% ورحت مشوار على السيارة وشغلت المكيف والحرارة على الربع 100% , وهذي تجربتي وشكرا لكم ومزيدا من التجارب لتعم الفائدة ..........
