ال pass key fault لمبة جننتني

راعي الكـراون @user_21037 · 18-01-2006

شباب اللي يعرف حل سريع الى هالشغلة تراها عجيبة غريبة ... جابت لي الجنون ..

وانا ماشي على الخط ولعت لي لمبة PASS KEY FAULT .. طفيت السيارة وشغلتها ما راحت .. المهم قريت الكتلوج مكتوب فيه انه المفتاح متوصخ ..

نظفت المفتاح وما راحت .. المهم المشكلة وانا امشي 40- 60 على حسب ابروحها السيارة تطفي ؟؟:mad: يفصل الفيول بمب ..

لدرجة اني اليوم بغيت اسوي 3 حوادث الله ستر ..

والحل ؟؟ مكتوب في الكاتلوج انه اذا شغلت السيارة لمدة 3 ثواني بعدين تطفي ولا تشتغل .. هذا النظام .. بس انا اذا ارد اشغلها تشتغل ...

السيارة : كابريس 96 ال تي زد

ساعدوني تكفوون هل اوديها الوكالة .. او احد يلقالي حل ؟

راعي الكـراون @user_21037 صاحب الموضوع · 23-01-2006

أبو عدنان .. كم سعر هالقطعة ؟

وانا متوقع من ال fuel pump والله العالم ..

واذا تقدر اتضيفني جزاك الله خير [email][email protected][/email]

ابوعدنان @user_2919 · 23-01-2006

احتمال عندك مشكله بمظم سرعه المكينه

هل عندما تكون السياره بارده يرتفع الريس (سرعه المكينه ) (RPM ) ؟

اذا كان الجواب بلا فاحتمال ان المظم يحتاج تغيير او ان يشيك على توصيلاته واسمه

بالانجليزي idle air control motor وهو عباره عن دينمو اوماطور يتحكم به الكمبيوتر

ويزيد سرعه المحرك عند تشغيل المكيف وعندما تكون السياره بارده واذا فحصت بالكمبيوتر

ما يطلع كود حتى لو كان خربان

افحص عند ورشه عندهم جهاز TECH-2 (تيك تو) او ما في مستواه وقل لهم يشيكون

عليه

تحياتي للجميع

راعي الكـراون @user_21037 صاحب الموضوع · 22-01-2006

يا جماعة .. جربت كل الطرق ... الباس كي والع سواء في فتحي الى السويتش او بعد تشغيل السيارة ..

والسيارة تطفي معي متى ؟؟ : الين جاي وشايل رجلي عن البنزين .. ولاف الدركسون ينزل عداد الكهربة تحت النص بشوي وتطفي السيارة ؟؟

هل له علاقة بال pass key او انه عندي مشكلة بالسيارة ؟

الدينما جديدة .. وفلتر الهواء جديد وفلتر البنزين ..

ياريت العضو اللي صار معاه كده او اللي عنده خبرة يساعدني ..

تحياتي

ابوعدنان @user_2919 · 22-01-2006

ر

راعي الكـراون

نزين .. الحين السيارة تمشي .. اوكي .. بس مرة وحدة تطفي علي وانا امشي ..

وللحين والعة والسيارة تمشي ..

يعني 800 ريال كامل ؟؟

تحياتي

كما ذكرت سابقا وكذلك الاخ must@ng 4 ever اذا السياره شغاله تمام اتركها

لانه ماكل يعرف لها ويمكن احد يقول يعرف ويطفي اللمبه فقط واذا انت مصمم

اسال الكهربائي ايش بيسوي علشان تعرف هو فاهم والا لا حسب المعلومات

التي ذكرتها لك

وهناك اختبار بسيط هو ان تعزل جهه من الحبه السوداء بالمفتاح بلزقه الفلوس (تيب شفاف)

وتدخل المفتاح وتشغل فاذا اشتغلت السياره فان النظام لا يعمل

واختبار اخر ان تفتح السوتش وتراقب لمبه الباس كي ومفروض انها تبقى مولعه

ثواني ثم تطفى لانهم بعض الاحيان يربطونها مع لمبات اخرى وتاكد انها ليست مربوطه

بلمبه الحزام لانها نفس المنوال يعني اذا ولعن سوا وطفين سوا في نفس الوقت ففيه احتمال

انهم مربوطين سوا

تحياتي للجميع

must@ng 4 ever @user_17849 · 20-01-2006

السلام عليكم اخوي انا معاي كابرس 94 ال اس واللمبه هذي والعه تقريبا من اربع سنين بس ولله الحمد مافي اي مشاكل عندي

راعي الكـراون @user_21037 صاحب الموضوع · 20-01-2006

نزين .. الحين السيارة تمشي .. اوكي .. بس مرة وحدة تطفي علي وانا امشي ..

وللحين والعة والسيارة تمشي ..

يعني 800 ريال كامل ؟؟

تحياتي

ابوعدنان @user_2919 · 19-01-2006

السلام عليكم ورحمه الله وبركاته

اذا ان اللمبه مولعه دائما والسياره تشتغل عادي فانا ارى ان تتركها

واذا تبى تصلحها فهي سوف تكلفك

اولا سويتش مع مفتاح جديد لان السلك الدخلي فيه غالبا يكون مقطوع من مكان لايمكن لحامه وانقطاع السلك هو سبب عطل

جهاز PASS KEY

ثانيا جهاز PASS KEY جديد

ثالثا مفتاح ابو رقم ( ابو الحبه السوداء)

التكلفه

حوالي 120 للسوتش

حوالي 80 للمفتاح

جهاز PAAS KEY يمكن 400

شغل يد 200 -- 400

وفكره الجهاز انه حمايه من السرقه وهو يرسل ذبذبه الى الكمبيوتر واذا ما شافها الكمبيوتر خلال ثواني فانه يطفي السياره

وعندك الجهاز معلق ويرسل الذبذبه دائما وطريقته ان الجهاز يتعرف على المفتاح واذا صار صح اشتغلت السياره

واذا ما صار صح فهو اولا يمنع دق السلف واذا حاوت تدق السلف من تحت تشتغل السياره ثواني ثم تطفى لان الكمبيوتر

يفصل البخاخات

تحياتي للجميع