لأصحاب سوناتا (v6) ارجو الدخول

^
^
^
مدام الكلام موجه لي انا ابرد عليك




اول شي انا ماجربت السوناتا 4 سلندر
انا جربت الـ 6 سلندر

الـ 4 سلندر اوتو كحد اقصى 480 كيلو

والكلما هذا كلالالام ملاكها
واولهم الاخ العزيز حارش مارش
اتمنى انك تروح وتنشده عن صرفيتها

بعدين وش اللي تنبلع وما تنبلع

اقسم بالله يا فلالالان لوني ماني بايع المنتدى كاااان وريتك الرد اللي ما يخليك تمرح (ترقد)
عيب عليك وخلك محترم

السوناتا الجديده اثبتت كفائتها
لاكن اذا فللتها بـ 50 تمشيك 480 كيلو :)
20 كيلو ممكن تمشيها
..................
اما 600 كيلو فهذي رح العب فيها على الورعان الصغار

يا اخي انا عندي سوناتا 4 سلندر وامسك فيها خطوط ماشاء الله عليها ما تصرف وانا امشي فيها الى الاحساء حدود 140

تنزل عن الفل شوي وماتعبني بصراحه

وثاني شي انا اعبيها فل 50 ريال ومكتوب في الكيلوات 600 كيلو |6|

وانا بصراحة اكره الي يتكلم وهو اصلا ما عنده السياره ليه تتكلم ما ادري يمكن لو تمدح تنبلع لكن يذم غريبه:eek:



|1| السوناتا اثبتت جدارتها وسكرت على الجميع هذا رأيي|1|






|6| العادل|6|

السلام عليكم


أنا معاي سوناتا 2006 4سلندر التانكي يمشيني 500كيلو مع العلم السيارة قير عادي

لالا شف يالغالي
انت اذا ركبت اي سياره وسرت عليها مسافه تقدر تقارنها وتحس بالصرفيه

لان الرجال مفللها يوم استلمتها ومشيت عليها الانبير نزل عن الفل وبفرق شوي

شفت الصرفيه بشكل زاايد ومقاربه للكابرس بتقديري

بالنسبه للكابرس اعبيه بـ 70 لاكن ما ادري كم يمشيني ولا حسبتها

لاكن الواحد يقدر يقدر تقديرر

++++++++++++++++++++++++++++++++++++++++
بالنسبه لطلبك
عزيزي انا قصدي اكذبه لاكن الاحظ فيه الزياده فوق الحقيقه
لو تسال اي واحد معه سوناتا وواثق منه انت
اساله كم يعبيعها وكم تمشيه
++++++++++++++++++++++++++++++++++++++++

ما ودي اكثر كلالالام عن هالموضوع
اعتبر النقااش انتهى
اذا احد بيناقشني ارجو رساله على الخااص
مانبي نطولها وهي قصيره

اخوي الزاحف
((((وانا يالغالي جربت السوناتا 6 سلندر مسافه قصيره 40 كيلو
وكنت ماشي عااادي ما اسرعت 120 الى 140

الصرفيه مقاربه للكابرس)))
من اي ناحيه مقاربه للكابرس
حجم تانكي الكابرس يختلف عن حجم تانكي السوناتا 6 سلندر
يعني مثلا
الربع الاول لسوناتا يمشيك 100كيلو
والكابرس يمشيك 90 كيلو مثلا
لكن السوناتا تعبيها 10 ريال والكابرس تعبيه13 ريال مثلا هنا الفرق
اما انت معك كابرس اول وخابر صرفيته
وتقارنه مع السوناتا بالشكل مو بالكيلو و القيمه.
السوناتا كم تعبيها وكم تمشيك؟؟؟؟
والكابرس بكم تعبيه وكم يمشيك؟؟؟؟؟
وطلب اخير اخوي الزاحف
لا تكذب الرجال وهو راعي السياره ومجرب !!!!!!!!
يقولك مشته خط وهو يمشي 140 ..550 كيلو وهذا شي طبيعي وعادي اذا كان مثبت رجله!!!!!!!
يمكن اللي تعرفهم استعمالهم داخل المدينه والرجلين تختلف مهوب كل الناس مثل رجلين اخوياك
وانا اقدر اخلي الكورلا تصرف ولا تمشيني الا 300كيلو اذا حبيت
واقدر اخليها تمشيني600 كيلو
وتحياتي
سراب الود

هذي نسخة من ردي في موضوع ســـــــــــــوناتا شلونها ادخل وشارك

----------------------------------------------------------------------------------------------------------------------------------------------
هذي مقارنة بين صرفية السوناتا والكامري والأكورد
إستهلاك السيارات على الطريق العام (الهاي وي)

السيارة -------------------------------- أوتو -------------------------------- عادي --------
سوناتا 2.4 موديل 2006 ------ 33 ميل/جالون (4 نمر) ------- 34 ميل/جالون (5 نمر)
كامري 2.4 موديل 2006 ------ 34 ميل/جالون (5 نمر) ------- 33 ميل/جالون (5 نمر)
أكورد 2.4 موديل 2005 * ----- 34 ميل/جالون (5 نمر) ------- 34 ميل/جالون (5 نمر)

__________________________________________________

إستهلاك السيارات في داخل المدينة

السيارة -------------------------------- أوتو -------------------------------- عادي --------
سوناتا 2.4 موديل 2006 ------ 24 ميل/جالون (4 نمر) ------- 24 ميل/جالون (5 نمر)
كامري 2.4 موديل 2006 ------ 24 ميل/جالون (5 نمر) ------- 24 ميل/جالون (5 نمر)
أكورد 2.4 موديل 2005 * ----- 24 ميل/جالون (5 نمر) ------- 26ميل/جالون (5 نمر)

__________________________________________________

إستهلاك السيارات على الطريق العام (الهاي وي)

السيارة -------------------------------- أوتو -------------------------------- عادي --------
سوناتا 3.3 موديل 2006 ------ 30 ميل/جالون (5 نمر) -------- لا يوجد غيار عادي
كامري 3.3 موديل 2006 ------ 29 ميل/جالون (5 نمر) -------- لا يوجد غيار عادي
أكورد 3.0 موديل 2005 * ----- 30 ميل/جالون (5 نمر) -------- 30 ميل/جالون (6 نمر)
أكورد 3.0 موديل 2006 ------ 29 ميل/جالون (5 نمر) -------- 34 ميل/جالون (6 نمر)

__________________________________________________

إستهلاك السيارات في داخل المدينة

السيارة -------------------------------- أوتو -------------------------------- عادي --------
سوناتا 3.3 موديل 2006 ------ 20 ميل/جالون (5 نمر) -------- لا يوجد غيار عادي
كامري 3.3 موديل 2006 ------ 21 ميل/جالون (5 نمر) -------- لا يوجد غيار عادي
أكورد 3.0 موديل 2005 * ----- 21 ميل/جالون (5 نمر) -------- 20 ميل/جالون (6 نمر)
أكورد 3.0 موديل 2006 ------ 20 ميل/جالون (5 نمر) -------- 21 ميل/جالون (6 نمر)

* الأكورد الأربعة سلندر كانت 2005 لأنه ماتم إختبار موديل 2006 حتى وقت كتابة الرد إلا على V6.
** الكامري والأكورد الـ V6 أعطت قرآتين وحده 20 والثانية 21 ميل لكل جالون وذلك بسبب إنه في كودين للكل سيارة لكن تمت كتابة الأفضل في ردي هذا ... لكن راح تلقى في الموقع الأرقام الثانية
*** الكامري حسب ما أعرف ماتتوفر عندنا إلا 3.0 لذلك الأرقام راح تختلف عن الموجودة عندنا.

المصادر هو وكالة حماية البيئة الأمريكة (U.S. Enviromental Protection Agency) وإلي إختصارها EPA
Hyundai Sonata 2006
Toyota Camry 2006
Honda Accord 2005
Honda Accord 2006

----------------------------------------------------------------------------------------------------------------------------------------------

الصرفية ممكن تختلف من سيارة إلى سيارة ... بسبب إختلاف السائق وطريقة ضغطه على دواسة البنزين وكذلك تختلف بحسب السرعة إلي يمشي فيها وكذلك سرعة دوران المكينة RPM تأثر على الصرفية كل ما إرتفعة كل مازادات الصرفية لأن المكينة تكون تدور أسرع فاتصرف أكثر ... كذلك من العوامل المؤثرة هي إتجاه الريح وشدتها ووزن السيارة عند التحميل وكذلك تشغيل الإجهزة الكهربائية في السيارة مثل المكيف أو سخان الهواء :)

بالنسبه للي معك يالغالي

انا اخواني اثنين كابرسات LTZ و SS كلها 8 سلندر 5.7

بالنسبه لانك تمشي 200 فصدقني انا مره وحده مشيت عليه 210 فقط اما الباقي ما اتعدى 140

وانا يالغالي جربت السوناتا 6 سلندر مسافه قصيره 40 كيلو
وكنت ماشي عااادي ما اسرعت 120 الى 140

الصرفيخ مقاربه للكابرس


-------------------------------------------

اما بالنسبه للـ 4 سلندر وانها مشتك 550 كيلو

فاسمحلي اتثنين اعرفهم ومؤكدين لدي
قالوا لي كحد اقصى 480 كيلو

وانت يالغالي من المعروف لدي وللجميع انت مشكلتك الزياده فوق الحقيقه

فاسمحلي واعذرني كل العالم تقول 480 الا انت !!

ارجو تقبل الواقع والحقيقه .....

اخوي ابي كامري
(((اخوي انا اتوقع انك راح تشوف ردود وأجوبة ...... لــــــــكن اللي راح يجاوب عليك مستحيل راح يكون معاه 6 سلندر لأن وبكل بساطه ماأتوقع ان في واحد بيحط 85 الف أو أكثر في سوناتا هاذي وجهت نظري وهذا توقعي ..

وشمس تطلع خبر يبان ,,,)))
هههههههه
يا حليلك بس متعود على اسعار الكامري
وانا متأكد تأكيد يقين انك ما تعرف السوناتا الا الاسم فقط لاغير
واكبر دليل كلامك اللي جايبه من راسك!!
ويا حبيبي السوناتا 4 سلندر تبدأ اسعارها من50000ريال سعودي الى 63000ريال سعودي
اما 6 سلندر فتبدأ اسعارها من 58000ريال سعودي 67000ريال سعودي (((وتلقى في المعارض65000ريال سعودي))
وفيه نوع وهو التب التب يعني فوق الفل العادي بـ79000ريال سعودي 0
هذي المعلومات يمكن تستفيد منها في المستقبل عشان ما تخربط على اعضااء ثانيين
تحياتي
سراب الود

مشكورين اخواني ما تقصرون

هلا اخوي معليش بس حبيت اناقشك للحظة

بالنسبة للكابريس انا معاي 8سلندر 2005 وامشي فيه على الخط 200 ويصرف صرفيه مجنونه ،، بينما السوناتا 6سلندر،، مره سافرنا عليها وكنا نمشي 210 وصرفيتها كانت اقل من الكابريس بفرق

اما داخل المدن فالكابريس يبغالك تحط بالشنطة معاك محطة :) بالنسبة للسوناتا :)



وانا عبيت مره بالسوناتا 4سلندر اللي معاي 50 ريال مشتني 550 كيلو بطرق من بريده للرياض ومن الرياض لبريده مع العلم اني كنت امشي 140 .

0
0
0

هلا وغلا فيك اخوي

اولا مبروك مقدما

1-اخوي على حسب يعني يفرق اذا كنت بتمشي 120 او أكثر والخطوط يفرق عن الديرة ،، وبالخطوط لاتخاف صرفيتها معقولة بالنسبة للسته سلندر

2-السوناتا 4او6 سلندر لايوجد تنسيم نهائيا المجرب الى 180

3-بالنسبة للقومة اذا كان قير اوتو لك عليه يعني مو قوي مره لاكن قوي اذا تعديت الـ40 تفز فزه مو طبيعيه قوووويه ،، خاصة بالخط قوووويه

4- اذا ولعت لمبة البنزين تعبي حدود 65

0
0
0

انا قد جربت السوناتا السته سلندر مسافه قصيره حوالي 40 كيلو

صراحة ... السياره تصرف وصرفيتها مقاربه للكابرس الـ 8 سلندر

وعلى فكره السوناتا 4 سلندر تعبيها بـ 50 ريال تمشيك كحد اقصى 480 كيلو (على كلام احد ملاكها انا لم اجرب الـ 4 سلندر )

اما قوتها فما عليها طيبه

................

باقي الامور الاعضاء ما راح يقصرون

اخوي انا اتوقع انك راح تشوف ردود وأجوبة ...... لــــــــكن اللي راح يجاوب عليك مستحيل راح يكون معاه 6 سلندر لأن وبكل بساطه ماأتوقع ان في واحد بيحط 85 الف أو أكثر في سوناتا هاذي وجهت نظري وهذا توقعي ..

وشمس تطلع خبر يبان ,,,

والله يا اخوي ودي اخدمك لكن ما معي سوناتا 6 سلندر
وموجد اعضاء يملكون سوناتا2006 وسته سلندر
لكن انتظر شوي
والناس اللحين مشغولين اختبارات ومشاكلها
والله ودي اخدمك لكن العين بصيره واليد قصيره
اخوك سراب الود