ممكن تدخلون يأخوان وخاصة اهل الشرقيه

السلام عليكم

والله ياخوي ما عند معرفة اذا كانت الاسعار بتنزل في الصيف
الي اعرفة ان المواسم في عقول الشريطية يرفعون موقت ما يبون وينزلون وقت مايبون

واحتمال يكون الكلام صحيح لان الشتاء وقت الكشتات والصيف اكثر الناس تسافر للمناطق الباردة والله اعلم

أخوي salehhd

صعبه اروح الرياض

لان الوالد مو فاضيلي يدق مشوار على عشان عيوني

والوالد شغال في ارامكو عاد انت تعرف مايحتاج يعني

وانشالله احصل لي واحد بأذن الله

بس حبيت أسألك

اسعار الشتاء نفس اسعار الصيف؟ لانهم يقولون السيارات مواسم؟

ويقولون سيارات SUV ترخص في وقت الصيف ؟؟

والله اعلم

السلام عليكم

اخي عبدالعزيز اعتقد انك راح تحصلها في معارض الرياض وبسعر اقل وواحد من اصحابي اخذ بليزر من الرياض ويقول اسعارهم رخيصة نوعاً ما مقارنة بالشرقية

اخوي salehhd

اذا التوكيلات والجميح عندهم انفوي 2003 سعودي يكون احسن بكثييير وانشالله احصل لي واحد بأذن الله

ادعولي شباب ادعووولي

اخوي dos

صحيح معارض الشرقيه مواسم

ومشكور على مرورك

معاه بالكلام اللي قاله , وألسعار لها مواسم , واخوك من المنطقة الشرقيه :)

وفعلا كم مره اروح المعارض وهذي اسعارهم ان كثرت 5 آلف زود بس |13|

السلام عليكم

الجميع والتوكيلات ما تبيع الا سعودي ويكون مستبدل او مسحوب من اصحاب السيارات الي شارينت بالتأجير المنتهي بالتمليك

وبصراحة البحث عن هذه الفئة من السيارات متعب جداً لقلة الطلب عليها وقلة انتشارها

والي يشتري ما راح يبيع بسهوله لانه عارف ان السيارة راح ينزل كثير من سعرها

اخوي أبو أسد

انا لقيت انفوي اكس ال slt بدبل فل اوبشن نظييييييييف من الداخل ومن بره 75 واخر كلام 73 موديل 2003 ماشي 60 الف

بس الاكس ال بايخ مو شبابي

وانا اكيد انشالله جيت اشتري الانفوي لازم فحص المكينه والقير والدفرنش .......... الخ

واجربه مع الخط اشوفه فيه شئ ولا لا

ومشكور على مشاركتك اخوي

اخوك

عبدالعزيز

أخوي * عـبـدالـعـزيـز * أنا ما خلاني أقول أنه يمكن تلقاه بـ 80 ألف إلا أني قد شفت معرض فيه شريطية وتخبر الشريطية وما لنا نقول عنهم شيء

المهم موصلين لجمس أنفوي موديل 2002 أستخدام أمريكي نظيييييييييييف من الخارج بس الداخل ما أدري(من برى الله الله ومن جوى يعلم الله) بـ 70 ألف؟

بس لازم تفصح الدبل مهب تنساه يقولون لك ويلعبون عليك الضمان والفحص على القير والمكينة والدفرنس؟ يعني الدبل ما له موقع من الأعراب مثلا؟؟؟

اخوي salehhd

مشكور على مساعدتك

بس عندي سؤال طيب اقدر احصل مواصفات سعوديه في معارض الجميح والتوكيلات العالميه؟؟

والصراحه انا خايف من الوارد امريكي من مشاكلها

واخوياي يقولون قبل تشتريه سو له فحص كمبيوتر كامل من الصدام الى الصدام

اخوي راعي ال 8100

مشكور على مرورك ومجهودك

ياخوان مانبغى أحد يبخل علينا بمعلومات

اخوكم

عبدالعزيز

اتوقع بتلقاه اسعارها من 60 الى 65 وتوصل ال 70 ان كان نظيف

السلام عليكم

حسب معرفتي ان العادي اغلى من الطويل لانه مرغوب اكثر وشبابي اكثر

والي ياخذ طويل غلطان ياخذ يوكن اصرف

اسعارهم في التوكيلات والجميع اغلى من السوق وهذا شي معروف

والله يعينك

اخوي salehhd

اليوم رح المعارض بالدمام

ولقيت انفوي اكس ال SLT فل اوبشن بدبل 8سلندر امريكي موديل 2003 ماشي 60 الف نظيييييف بـ 75 الف

مع الدسكاوند 73 الف بس انا مابغى اكس ال لان الاكس ال عائلي فقلت اكيد العايدي 70 الف الفرق الطول والمحرك

بس سألت عن العادي قال مو موجود

طيب في معارض الجميح والتوكيلات احصل ارخص ولا اغلى و لانفس السعر

منتظر ردودكم

السلام عليكم

اذا حصلته ب55 الف تخذه وانت مغمض
سعرة يبدى في الوكاله من 85 الف للي بدون دبل والي بدبل يوصل فوق التسعين والفل يوصل 118 الف للقصير

انا اذكر اني السنه الماضية كنت ادور بليزر او انفوي وكانت اسعارها تفرق عن الجديد بحوالي 15 الى 25 الف ومايوصل الى الخمسينات ابد كانت اسعارهم في ا لسبعينات خاصة الي بدبل

بالنسبة لوارد امريكا بيفرق معاك وجود الضمان خاصة ان ضمان التوكيلات يوصل الى 5 سنوات
والاختلاف في نظام التبريد واعتقد نوعية البنزين يعني يحتاج الكمبيوتر اعادة برمجة

هذا الي اعرفة والشباب راح يفيدونك اكثر

اخوي أبو أسد

ماأعتقد انه يوصل 80 الف

لان انفوي 2003 فل اوبشن اللون اسود ومن الداخل جلد بيج بـ53 الف

وانفوي اكس ال موديل 2005 SLE سعودي معروض 55 الف

وهذا السعر ليقته قبل فتره في احد المواقع لبيع السيارات المستعمله

والانفوي مايمسك سعره زي اليوكون والسوبربان والسييرا لانه مو مرغوب كثير وتوه جديد

اخوي salehhd

طيب كم الاسعار

طيب سؤال للجميع وش الفرق بين المواصفات السعوديه والامريكيه ؟؟؟؟؟

الي اعرفه الطابلون يجي بالميل

هذا الي اعرفه

السلام عليكم

الانفوي ماراح تحصلة في المعارض بسهولة الا وارد امريكا

واعتقد انك ممكن تحصل في التوكيلات او الجميح مستعمل