الرد محجوووووووووووووووووووووووووووز
ياعيني على الفخامه مشاء الله تبارك الله
السياره جنان
والمشكله يقوولون السياره ماتستحق سعرها
اخوي عندي كم سؤال
كيف عزم الثمانيه سلندر
كيف صرفيه
بكم خذت السياره
هل السياره ضيقه من الخلف
وكيف الثبات في السياره مع نظامVDIM المساعد على الثبات
واسف على الاطاله
تسلم يا خوي
عزم السيارة والله جيد جدا الصراحة تبين اقوى من 280 حصان بكثيييير ... يعني ممكن تقارنها بسيارات ال 320 حصان
الصرفية ممتازة بالنسبة لسيارات ال 8 سلندر .. يعني انا احط فيه فل (نفس فل النيسان التيما 4 او 6 سلندر) و تمشي معاي 430 كم داخلي و حوالي 530 خارجي بس تعتمد على السواقة ... بس بشكل عام ممتاز اشوفه
السعر في الامارات ب 207000، فيها كل شي بس المواصفات الخليجية ناقصة منها ... دي في دي ... راديو ساتيلايت ... الاوامر الصوتية ... نظام تثبيت السرعة باستخدام الرادار ، اتوقع اللي في السعودية فيه اشياء ناقصة بعد غير.
بس انا خذتها يالغالي ب 203000 ، هذا اقل سعر انباعت فيه لكزس جي اس 430 في الامارات ، لاني اعرف المدير العام لشركات الفطيم كلها.
عن الثبات ماشاء الله السيارة ما عليها كلام ابدا .. يعني تحس انه الفرامل تتغير طبيعتها .. نظام التعليق او السسبنشن يصبح يابس و اكثر ثبات على المنعظفات ... الغيار تتغير طبيعته ...حتى المقود يصبح اثقل و افضل من ناحية التحكم
وانا فعلا حسيت بهالاشياء وقت ما سرعت مرة على المنعطفات ..
و وقت ما يكون الجو فيه عواصف رملية و هواء قوي ... اتشوف انه السيارة ما تلف يمين يسار مثل باقي السيارات اليابانية ... لا ابدا ... السيارة ثقيلة و ما تتاثر كثيرا ... مثل البي ام و المرسيدس بالظبط ( انا جربت الالماني قبل)
بالنسبة لدخول الهواء عند السرعات العالية اللي يشتكون منه اصحاب الافالون فهذا غير موجود ابدا في اللكزس .. هادية بكل معنى الكلمة ... حتى ازعاج المحرك ابدا ما تحس فيه ... حتى لو سرعت ... ما تسمع صوت ... انا اشوفها افضل بكثير من باقي السيارات حتى الالماني ( جربت البي ام 740 و 750 2006) ... صوت المحرك فيهم يدخل في السيارة .. بس اللكزس ما تسمع ابدا !
بالنسبة للضيق في الخلف .. فانا اشوف مافي فرق كبير بينه و منافسيه .. يعني شوي اضيق و تبغي الصراحة انا ما حسيت بالفرق الكبير ... بس اللي بتلاحظه .. انه سقف السيارة نازل من ورا ... لان السيارة واااااااااايد انسيابية لاحظ انت في الصور من الخارج كيف السقف انسيابي.
بالنهاية اشوف انه سعرها يسوى و نص بعد ...
اتحدى اي شخص يقولي اذا في فرق بينه و بين المرسيدس اي 500 ..او البي ام 545 ... اي صفة
حتى لو في فرق بسيط .. انا برد بعد بفرق موجود في اللكزس و ما موجود في السيارة اللي بيقارنها باللكزس !!
لاحظ سعر المرسيدس اي 500 ... حوالي 290 الف (بيتغير شكله تغيير طفيف في 2007 و سعره بيزيد اكثر )
سعر البي ام 545 كان 250 الف و الحين اصبح 550 ب 275 الف (صح انه اقوى بس شوف فرق السعر )
بعدين احسب سعر البيع ... و احسب سعر الصيانة و تذكر انه خراباته اقل من منافسيه بكثييير
و اخيرا تذكر انه بيتغير شكله تغيير كلي سنة 2011
اذا فكرت تشتري في المستقبل انصحك تنتظر الجي اس 460 .. بيكون اقوى من البي ام 550 ... و سعره ما بيزيد كثيرا
اسف على الاطالة والسموحة
