أخوي سوبرا
السلام عليكم ورحمة الله وبركاته
وعليكم السلام ورحمة الله وبركاته ..
صراحة موضوع جميل جدا ومفيد المفروض هذا الموضوع يكون مثبت على طول طالما أنك متابع الردود فيه :D
إلا بغيت أسئلك عدة أمور:
أنا ودي أضلل موتر لونه أسود بأساسة يعني يمسك حرارة الشمس والسيارة حول 99% توقف خارج المنزل يعني الشمس طاقتها لين تقول بس.
ما فهمت قصدك يعني تبي عازل يمنع الحرارة 99% وهذا غير موجود في السعودية في الخارج لا أعلم ..
وش الأنواع الممتازة جدا للتظليل الشفاف علم أني ما قد ظللت أبدا في حياتي كلها مرة لا رخيص ولا غالي <<< ما يحب المخالفات تجيه خير شر.
أنا أعرف كثيرين مركبين V-kool & Jounson وهذي الشركتين أكثر شيء منتشرة ..
وأنا مجرب V-kool تضليل شفاف كامل السيارة وهو كويس .. ويحجب 54% من الحرارة ..
وفيه نوع ثاني ملون خفيف من الجوانب ما عدا الأمامي والخلفي ..
المهم وشف شركة هذي http://www.llumarsaudi.com/
صراحة عجبني فيها أن فيها تظليل مقاوم للكسر وفي نفس الوقت عازل للحرارة وفرقها عن عازل الحرارة ما أعتقد كثير لأن الأكورد بـ 2400 ريال فقط يعني سعرها معقول جدا علم أن لون المقصورة الداخلية للسيارة رصاصي فاتح نوعا ما وهل عن في كول تظليلة ضد الكسر وعازلة للحرارة في نفس الوقت.
أنت وش رايك
أخوي ما أشوف إن فيه فرق بين مواصفاتهم ومواصفات V-kool
بل بالعكس في كوول الشفاف يمنع 54% من الحرارة يعني أحسن منه ..
ومن ناحية الكسر فأنا أشوف تقريباً أي نوع بيكون مقاوم وليس ضد للكسر ..
وفيه شيء ثاني وهو محافظة على لمعان اللون الأسود:
سمعت أن بعض الشركات التظليل زي زيبارت ولا مثلها أن عندها مادة مثل الطبقة الشمعية يحطونها على السيارات خصوصا للي ألوانها غامقه مثل الأسود مثلا :D وتقوم هذي بمحافظة على لمعة السيارة وما يجيها خدوش أيضا ومن التنميش في الخطوط سمعت أنك [COLOR=#000000]لازم تجددها كل فترة يقولون المرة الأولى بمبلغ شوي مرتفع مثلا 600 ريال ثم كل 6 أشهر تجي يحطون لك نفس الطبقة بـ 150 ريال فهل هذا صحيح وما رأيك فيها[/COLOR]
أنا أشوف بعض من هذه المواد يخرب البوية وأنا من ناحيتي ما جربتها ..
ولا أحس إنها راح تسوي هذاك الفرق رغم مبالغها العالية أنا أشوف إنه كلام فاضي ( رأيي الشخصي )
فيه شيء ثالث:
هل تعتقد أذا بغيت عزل ممتاز للحرارة لازم أتنازل عن الشفاف 100% :rolleyes: خصوصا في الرياض تخبر درجة الحرارة والسيارة طول الوقت في الشمس! لاحظ طول الوقت.
أنا صراحة ودي أركب تظليلة شوي غامقه بس أهم شيء أنها ما تسبب لي مشاكل مع الشرطة وخصوصا الرأية في الليل لأن أخوي ماشاء الله عليه بعض الأحيان أستلزم أخذ سيارته وتكون سيارتي قبل في الورشة وهو مظلل يمكن 02 صراحة تعذيب لما أسوقها في الليل الي وراي ما أشوف مرة! وجميع النوافذ كذا ما عدى الأمامية فما الدرجة المناسبة للأشياء الغامقة وهل التظليلة الي باللون الأسود مناسبة مع لون السيارة وعزل الحرارة في نفس الوقت وكم الدرجة المناسبة لها يعني 30% غمق أو أكثر أو أقل علم ما أبي الشرطة يوم من الأيام توقفني وتقولي فك التظليلة.
ووشي الشركة الي تضمن لي أن الشرطة ما يشيلون التظليلة ولو شالوها الشركة نفسها تتحمل تظليل سيارتي من جديد كاملاً بدون ما أدفع ولا ريال واحد.
كلام كثير مافهمت منه شيء محدد "خير الكلام ماقل ودل"
عموما أنا جاوبت على السؤال في بداية الرد ..
الملون يكون أسود خفيف ومن ناحية الضمان فأنا شفت كولايت لونهم خفيف ومو ممنوع ..
أما V-kool يعتمد على زجاج السيارة لأن سيارتي زجاجها أخضر فاتح ومع الملون يصير أسود غامق شوي ..
والملون والشفاف مافي بينهم فررررق كبير ,, الفرق قليل ..
وبغيت أسئلك كيف الفرق بين العازل الحراري بين موترك وموتر أخوك الي ما ظلل :) يعني الفرق كيف كبير جدا أم لا.
وأنت وش مظلل من أي شركة وكم سعرهم وكيف تعاملهم معك وكم يستلزم من يوم السيارة تجلس عندهم سواء للتظليل والتلمعين الي أقولك الطبقة الشمعية ..
الفرق بين سيارتي وسيارة أخوي ..:
لما تركب سيارة أخوي تحس إن وجهك ياكلك مع حرارة السموم .. عندي العكس ..
عنده المكيف ما يبرد بسرعة .. تحس فيه هواء بارد وفي حرارة .. عندي العكس مع حرارة خفيفة جدا ..
لأنه يعزل تقريباً نص الحرارة وليس كلها ..
أنا مركب V-kool شفاف كامل مع فتحة السقف بـ 2500 ريال بعد الخصم .. أو سعر قريب منه والله ناسي ..
لأنه كان عندهم خصم لطلبة جامعة ام القرى ..
يعزل 54% من الحرارة ..
ما يحتاج غير ساعتين فقط ..
