الأفضل فورد إستخدام أمريكي أم سعودي ؟

السلام عليكم ..
..
عزيزي كاتب الموضوع .. لايهم أن كانت السياره وبالخصوص بالفورد كراون فكتوريا ومثيلاتها أن كانت أستخدام امريكي او سعودي .. ولكن الاهم هو معرفة ان الكراون فكتوريا أين كانت تستخدم لربما تكسي أو شرطة ولذلك أنصحك بان تاخذ المواصفات الاعلى كالجلد والمكيف الالكتروني والكراسي الكهرباء والهيدروليك والطبلون الالكتروني والسي دي لأنه افضل ومن الصعب تركيب هذه المواصفات على سياره كراون فكتوريا استاندرد في أمريكا كالشرطة مثلاً لو انها تعرضت لحادث وتكسرت راح يعدلون السياره ويضيفون عليها اشياء كتبديل المسجل وتلبيس المقاعد جلد وتركيب الجنوط ويجيبوها على اساس أنها نص فل .. فنصيحة خذ المواصفات التوب او خذ لك جراند ماركيز او تاون كار لكي تقطع الشك باليقين لأن هاتان السياراتان لاتستخدما في مجالات كالدوريات او التكسي راح يكون استعمالها أفضل من الفكتوريا ..
..
وعليك بصالة البيان سياراتهم نظيفة جداً جداً جداً لأنهم اشخاص يريدون المحافظة على سمعتهم دون المساس باي شيء
شركات محترمة ليست كمحل جاب له 5 سيارات وقال معرض .. توكل على الله ولاتنسى الصالات المحترمة والكبيرة وترى الضمان مفيد جداً ..
..
وبالبركة مقدماً |3|

شكراااااا شباب جزاكم الله خير أفدتوني

mbth20 ممكن تدلني وين هذه المعارض التي ذكرتها أو غيرها مما تنصحني به
يفضل أن يكون في معارض النسيم لقربها مني

وياريت يكون عندهم تقسيط أو تعامل مع الوطنية للتقسيط

وشكرا

انا ماخذ قراند ماركيز امريكي موديل 99 وله الان معاي سنه وشهرين ولم اشتكي منه ابد وعلما اني سافرت علية مرتين وكرف داخل البلد . اما بالنسبة للضمان فلا يهمك افحص السيارة بالكمبيوتر وجربه واترك الضمان حيث ان الصالات مثل البيان يأخذون اسعار إضافية مقابل الضمان وأسعارهم غالية جدا . ويوجد صالات بدون ضمان وسياراتهم نظيفة وعلى الفحص ولا تحتاج لضمان مثل الفليج وركن الروعة .والله يوفق الجميع

الشكمانين في الامريكي بس ادا كان هيدروليك اما بدون هيدروليك فيجي شكمان واحد
اما في السعودي يجي شكمانين
والسعودي يجي مكيف ورا

تعقيب على الشكمانين مكينة الفورد كلها شكمانين يعني قزوزين بس الاستخدم الامريكي يشيلون واحد من الشكمانات عشان المواصفات والمقائييس مايدفعون علية ضرائب اضافية ولو تشوف اي فورد استخدام امريكي من تحت يوجد الفيش الشكمان الثاني جنب القير مفصول بمكانك تركب دبه ثانية .
الملاحظة القوية / ان السعودي يوجد مكيف خلفي ولامريكي لايوجد الطبلون بالميل في الامريكي الانبيرات
اذا هذي الاشياء ماتهمك خذ امريكي


تحياتي / للجميع

والله ياخوي الأستخدام الامريكي إذا طبيت بواحد نضيف من جد كأنك مطلعها وكاله يعني ما تصرف عليها وولا شئ غير الاشياء الضروريه يعني مثلا زيت فلاتر اقمشه كفرات الاشياء اللي تطلبها السياره بعد كل فتره
والحمدلله عندنا ماركيز 99 ومشاء الله تبارك الله السياره روعه والله وسفريات فيها وروحات وجيات ومن ابدع ما يكون ولها عندنا 4 سنوات والحمدلله 100%

وبالنسبه للاستخدام السعودي ماعندي خلفيه عنه والله

واتمنى لك كل التوفيق

بالنسبه للشكمان والشكمانين طبعا الشكمانين افضل بكثيييييييييييير اولا العزم يطلع احسن والموتر يطلع انعم وماله صوت ثالثا افضل للحراره
بس الشكمان الواحد عادي ما اظن انه عيب في الموتر بس اذا كان شكمانين يطلع افضل
هذا الي عندي

شكرا خوي الليل

أنا أتذكر مره قريت في منتدى إن واخد ماخذ الجنوط بـ 300 ريال
هل ممكن يكون هذا السعر صحيح أو إنه يمكن السعر بدون الكفرات؟

السلام عليكم

بالنسبه للجنوط انا خويي عنده ماركيز امريكي موديل 2000 واخذ الجنوط السبورت 17 من التشليح بـ 1500 مع الكفرات

وبعض الامريكي يجي شكمانين لان اللي مع خويي شكمانين.....

والله يوفقك وتاخذ اللي يعجبك

شكرا شباب ما قصرتوا




طيب لو فحصت السياره بالكمبيوتر و طلعت تمام 100% هل هذا يعني إنها ستكون ممتازه وما بيطلع فيها بلاوي بعدين



شكرا على المعلومه كنت دايما أشوفها و ما أدري ايش الفرق
:)




طيب كم ممكن يكلف الطقم لو كان من التشليح؟



ولله كلام منطقي وهذا اللي خلاني أرجع أفكر في الموضوع
لأني منت مجهز أوراقي حتى أخذ من العيسى بسبب إن الموديل أحدث
لاكن أخوي لعب في عقلي و قالي نفس كلامك




طيب ايش الفرق بينهم و من أفضل
معليش أنا غشييييم في هذه الأشياء
:)


شكرا شباب و إن شاء الله أسمع رأي المزيد من الأعضاء خصوصا من لهم تجربه مماثله

سلام

الامريكي يجي شكمان واحد والسعودي شكمانين هذا ملاحظه تحطها في الحسبان

مدام بتاخذه بالضمان 3 سنوات ليش تتعب حالك و تاخذ بدون ضمان ؟

حبيبي هذي شركات ما تبي تخسر

اذا باتك السيارة بالضمان معناته واثقين من نفسهم :)