أريد رأيكم في الكابرس

انا معي كراون فكتوريا 2002 وسواقتي شوي لو تقول دفشه
لعنت ام الموتر قومات تفحيط تنطيل
ووالله ماقد دخل الوكالة الى يومك ذك الا تغيير زيت ومره كنت اشيك عليها
الفورد عيبه الوحيد عدم تغير شكله من 98
ولو تغير والله يقضى عالكابرس اللاسترالي

إسمع أخوي ...
أنا واحد مجرب كابرس LTZ V6 لمدة سنتين و بصراحه الموتر مريح و قوي
و لا شفت فيه خرابات
انا اعرف شباب مطلعين معاي و سيراتهم طلع فيها خرابات لأنهم بصراحه سواقتهم دفشه كأنه راكب سيكل
ولا في سياره ما تشتكي من السواقه الدفشه اذا كان مع السواقه يشتكي المرسدس و البي ام
لكن عني انا خذ V6 ولا تتردد .......
بعدين سياره شكلها حلو و ممشاها حلو و فوق كل هذا عزم و سعر معقول اش تنتظر توكل على الله
يعطيك خيرها و يكفيك شرها مقدماً....................................

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هلا فيك

والله ياغالي فعلاً هذا اللي سويته فصلت الفيوز ولو إني رايح لكهربائي ممتاز بيحل هل الخلل البسيط جداً

وبالنسبه لمبه البطاريه مالي علم والله فيها انت تقول أحس فيه إلتماس خلاص ياخي شيل هل الاحساس وراح تتنهي
المشكله هههههههههههه :D لا بجد بنصحك تروح لكهربائي فاهم وتوصف له الخلل وما اتوقع يأخذ ربع ساعه لانه بسيط إنشاء الله

ولكم مني كل الود

ياعاشق الاوبل الميركوري والفكتوريا نظام تعليق موحد والرساوة واحده واضف اليهن المارودر نظام تعليق موحد واكرر نظام تعليق موحد ويوجد هيدروليك في جميع السيارتين الفل كامل ولربما انت جربت فكتوريا بدون هيدروليك وجربت ميركوري بهيدروليك فاصبح الفرق واضح وفعلاً الفرق يتضح بين الهيدروليك والذي بدون هيدروليك


فقط حبيت اصحح المعلومة

(النور الداخلي يشتغل والسياره واقفه المهم من كسلي حليت هل المشكله اني فصلت فيوز النور الداخلي )

اخوي الدمعه احسن حل سمعته بصراحه هههههههههههههههههههههه

عندنا فورد لينكلون 2000 احس فيه التماس تشتغل لمبه البطاريه فجاه وتختفي

بحكم خبرتك وكسلك وش الحل؟؟

شوف اخي الكريم انا والله ماني مستفيد شئ سواءً قلت لك خذ فكتوريا او كابرس
بس بتكلم عن واااقع خبره والله يا غالي الكابرس اغلب الناس ابتعدت عنه بعد السمعه السيئه التي طلع فيها من عام 2000
ولو طلع بسمعه افضل صدقني بتلاقيه قريب من إنتشار الفورد
نجي للفورد طبعاً ما احد يقدر يتكلم عليه ولو تكلم عليه الادله كلها ضده مافيه شئ ينتشر بين الناس وهو سيئ وانت شف
الشوااارع كيف متروسه بالفوردات بجيمع اشكالها واحجامها وانا عندي جراند ماركيز 99 امريكي يعلم االله لها عندي 3 او 4 سنوات يعلم الله انها ممتاااااازه جداً شوف ممتازه وهي استخدام شلون لو اخذتها جديده واجهتني بس مشكلتين الاولى وهي كهرباء السياره قبل فتره يمكن شهرين النور الداخلي يشتغل والسياره واقفه المهم من كسلي حليت هل المشكله اني فصلت فيوز النور الداخلي وانتهت المشكله والثانيه وهي بعد تجاوز 140 تحس السياره تلعب بالخط

طبعاً الكلام هذا كله انتهى بقدوووم عام 2003 وانت طالع يعني تحسنت بشكل كبيررر جداً بس اتوقع لوالسياره فل كامل بنفس موديلها راح تختلف من ناحيه التعليق يكون افضل لان السياره نصف فل

هذا مالدي وإنشاء الله اكون افدتك اخي الغالي ولو بالقليل

وبالتوفيق إنشاء الله

هلا اخوي انا انصح بفورد ميركوري اكثر رساوه من الفكتوريا و افخم و شكرا

الفكتوريا سيارة عملية واثبتت جودتها على مدار السنين الماضية

اولاً: سهولة الصيانه
ناثياً : راحة تامة
ثالثاً: قوة معقولة
رابعاً: شكل كلاسيكي وحجم كبير لم يتجه الى التصغير مثل الكابرس والسيارات الاخرى
خامساً : مشاكل قليله مقارنه بالسيارات الاخرى
سادساً: منتشرة انتشار خيالي ومبيعات فاقت التوقعات

هلا فيك اخوي ,,,

صراحة انا عندي كابريس LTZ 2004 V6 ما فيه مشاكل تذكر لكن يعيبه قلة العزم والراحة

فيه فرق في الراحة بين الثمانية والستة وعن تجربة الثمانية اريح شوي من الستة يمكن عشان الوزن ,,,

وبعدين 2005 وفوق الستة اقوى من الموديلات السابقة ,, يعني ما راح تحس ان السيارة عزمها ضعيف ,,

ولا تنسى الصرفية لصالح الستة ,,,

ولو اني افضل الثمانية ,,و لأن صراحة قهر الفرق 5000 ريال بس ,,, في السعر

أخوى
نصيحه خذ V8 اقوى مكينه من V6








أخوكم
وائل العساف

dvd777 .. يعلم الله اني صادق بكل كلمة اقولها ..
..
جربت الكثير الكثير من موديلات الكابريس وأكتشفت ان الجديد له طعم اخر وثاني السياره مخيفة جداص في طريقة السواقه ماأدري ليش تحسها دائماً تهوي ..
ولكن تظل سياره ناجحة جداً جداً وممتازه وقوية وأن كان يعيبها بعض المشاكل ..
..
جينا لبطل الرد وهو الفورد كراون فكتوريا وبالعلم ان اتكلم من واقع تجارب الاخوان وكذا مرة صادفنا مواقف قوية جداً للفورد ..
..
أولاً السلامة السياره ماخذه 5 نجوم في اختبارات السلامة من سنة 98 وهذا انجاز بحد ذاته .. بها تقنية وهدوء عجيب تستغرب ان السياره من صنع عام 98 بل لو جينا للحقيقة من 92 لان الي يطرأ عليها تبديلات من 92 الى 95 ومن 95 تغيرات خفيفة بالشكل الخارجي اما الداخلي نفسه مع تغيير التعليق والمحرك فقط ! حتى الطبلون نفسه .. صدقني سياره أثبتت جداره وقوة تحمل خيالية لاتجاريها أي سياره أمريكية اخرى .. دليها انجازات لدى الناس وانتشارها بالسوق وسعرها مابعد البيع وسهولة الصيانه وتوفر قطع الغيار .. تجعلها السياره رقم واحد بدلاً من الكابريس ..
..
انصحك بالسياره بقوة ولاأحد يقول هذا متعصب للفورد لأن معه سياره من فورد لا بل انا احتمال 85% أبيع سيارتي وأخذ لي فكتوريا او سياره ياباني ..
..
على فكرة الأسعار هاليومين نازله وعليها عرض ضمان 4 سنوات مفتوح يعني لو تمشيها مليون كم عادي ..
..
تحياتي

شكرا لكم جميعاً

أنتم ذميتم الكابرس بالكامل والخيار الثاني عندي فورد
فما رأيكم.

وأريد مشاركين آخرين.
لكي أستفيد منهم
وشكراً لكم

بصراحه اخوي الكابرس يخوووف فيه ناس تذمه ويا كثرهم وناس تقول مافيه زيه ويا قلهم

انصحك تسأل محلات الاجار لانها بتكون مكروفه واكيد بيقولو هل تتحمل المشاوير ولا لا

وبالمره تجربها حتى تكون على بينه من امرك

وبالتوفيق يا غالي

الكابرس الاسترالي ( استيت مان) قوة جبارة تسارع قوي واسع من الداخل شكل جميل وانسيابي من الامام


كثير المشاكل نظام تعليق سيئ غير مريح نظام عزل سيئ...والسيارة غير موجودة اصلاً في اميركا


ودعاية((صنعت خصيصاً للخليج)) استخفاف بالعقول