قير الأكورد علق !!!!!وش السبب ياجماعه

أكورد فضي @user_16822 · 08-05-2006

اهلا وسهلا بالجماعه
كيف حالكم اليوم ؟ انشالله بخير؟
البارح صار لي موقف غريب مرره مررره اول مره يصير لي بسياره مو بس بالاكورد...
كنت واقف بالسياره عند اول اشاره بشارع عشرين بالخبر ولما فتحت الاشاره طلعت ولما وصلت سرعتي تقريبا 80 حسيت ان السياره تمشي لحالها من دون مااضغط على دواسة البنزين....حسيت ان القير علق او شي كذا...لما حاولت اني اوقف وقفت السياره بالقوه وحطيت القير على ال N وفجأه ارتفع الضغظ وصار عداد ال RPM عالي بالمره عندي...اضطريت اني احط القير على ال P وأطفي الموتر....طفيت الموتر ورجعت شغلته وتفاجأت ان عداد ال RPM مره ثانيه يصير عالي....وطفيت السياره مره ثانيه......بعدها خلاص القير قفل ومااقدر اغير اي نمره بالقير.....اضطريت اني احط مفتاح بالفتحه الي عند القير واغيره عند ال N ورجعت شغلت السياره ورجع كل شي طبيعي بالمررره ....اليوم وديت السياره الوكاله وقلت حق المهندس كل الي صار لي واستغرب من الموقف...وقال لي خلني اشوف السياره ....شغل السياره وظل يعشق ويرجع ويجي فيها بعدين سألني: انت مغسل السياره من جوه ؟ قلت له ايه انا البارح غسلت السياره ورشيت الطبلون من جوه ....قال لي هذا السبب....القير مافيه شي بس صار عندك تماس كهربائي وكلام تقني انا مافهمته بصراحه .....
قلت له طيب خلني ادخل السياره وافحصوها قال لي مايحتاج وعلى مسؤليتي...

المهم ياجماعه نبغى منكم افاده هل احد منكم حصل معاه هذا الموقف وهل عنده خلفيه عن السبب بالأخص اخوانا الفنيين ....

ودمتم
اخوكم
اكورد فضي

BMW328ci @user_5281 · 15-05-2006

السلام عليكم

أنا صارت معي في كامري 99 قير عادي
على العموم كانت تصير وتروح في خمس دقايق لما أشغل السيارة في الصبح كان ال RPM يقعد ثابت على 2.5 أو 3
فأتوقع المشكلة من دعسة البنزين مو من القير و الله أعلم

و المشكلة للحين تيجي و تروح

نيسان للأبد @user_17211 · 13-05-2006

والله غررريبة من جد

.

$المهندس$ @user_18058 · 12-05-2006

اهم شئ اهو انه القير ليس خربان ولا فيه شئ

المشكله كلها في دعسه البانزين و اعتقادي سلك البانزين

فني سيارات @user_8460 · 10-05-2006

ا

المعقب

الاخوة الأفاضل : السلام عليكم ،،،

الاخ العزيز : فني سيارات ،،،

إن كنت تقصد بالاكسليسر ( سلك دعاسة البنزين ) فعلى ما أعتقد أن موديلات الأكورد الجديدة يكون على دعسة البنزين مقاومة متغيرة على ضوءها يتم فتح صمام الخانق على حسب دعسة البنزين ،،،

إن كان الحال كذلك فأعتقد أنه ليس السبب من دعاسة البنزين نهائيا ،،، والله أعلم ،،،

وتقبلوا تحياتي ،،، المعقــــب ،،، |3|

كلامك في محله من حيث المقصود بسلك الدعسة
ولا يمنع ان تكون المقاومة متغيره ولكن كيف تتغير وهناك مايعيق حركتها
انا اعلم ان الخانق (الشوك) اوتوماتيكي ولا يمنع ان يكون نفس السبب وهذا احتمال ولكنني رائيته اقرب احتمال لهذه الحاله المطروحة

مع جزيل الشكر لك واسعد بتعليقاتك دائما

أكورد فضي @user_16822 صاحب الموضوع · 09-05-2006

مشكورين ياجماعه على الردود الي تطمن ......وراح اشوف هل المشكله فعلا في هذا السلك ان كان يحتاج تشحيم .....

وماقصرتوا ياجماعه والي عنده رد لايبخل علينا..

اخوكم
اكورد فضي

المعقب @user_9275 · 09-05-2006

الاخوة الأفاضل : السلام عليكم ،،،

الاخ العزيز : فني سيارات ،،،

إن كنت تقصد بالاكسليسر ( سلك دعاسة البنزين ) فعلى ما أعتقد أن موديلات الأكورد الجديدة يكون على دعسة البنزين مقاومة متغيرة على ضوءها يتم فتح صمام الخانق على حسب دعسة البنزين ،،،

إن كان الحال كذلك فأعتقد أنه ليس السبب من دعاسة البنزين نهائيا ،،، والله أعلم ،،،

وتقبلوا تحياتي ،،، المعقــــب ،،، |3|

فني سيارات @user_8460 · 09-05-2006

السلام عليكم و رحمة الله و بركاته

ربما كان الاكسليسر يحتاج بعض التشحيم سلك البنزين الي رايح على البخاخ
وهو الي عمل كل هذه المشاكل يمكن لو كنت ضغطت البنزين وهي فاضيه كان يرجع مثل ماكان

وبما ان المشكله زالت فلحمد لله وان رجعت مرة ثانية ضع قليل من الشحم مع الاكليسر لتسليك حركة الاكسليسر
لا اعتقد ان المشكله اكبر من هذا الشي

ahmed1420 @user_5410 · 08-05-2006

أ

أكورد فضي

مشكور اخوي احمد ولكن على حد علمك هل حصلت هذه المشكله لاحد تعرفه من قبل؟

نفس المشكلة بالضبط لا لم يصادفني .. ولكن مشاكل السيارات في الموديلات الأخيرة ترتكز على الكهرب بمعنى تطلع لك مشكلة تعتقد أنها كبيرة وتجد المشكلة بسيطة جدا.

اضرب لك مثال واحد اعرفه معاه فورد وبدأ القير ما يغير نهائيا وطبعا الورش على طول يحتاج توضيب وبالأخير المشكلة طلعت من قطعة كهربائية :D اشترتها انا واياه من التشليح وما كنا مقتنعين ان المشكلة منها وبالاخير ركبنا القطعة والسيارة الحين ماشية زي الحلاوة

تحياتي |3|

V-I-P @user_13110 · 08-05-2006

أ

أكورد فضي

مشكور اخوي احمد ولكن على حد علمك هل حصلت هذه المشكله لاحد تعرفه من قبل؟

نعم أخوي [COLOR="Navy"]أكورد فضي حصلت هذه المشكلة مع واحد معاه سوناتا 2005 أو 2006 ناسي موديلها بالضبط كم
6 سلندر

المهم يقول انه كان يشرب ببسي وانكب على القير وتسرب لداخل القير

وصار القير مايلقم معاه (( يحطه بالـ D وكأنه حاطه بالفاضي ))

وانا لاحظت السيارات القديمة 2002 وتحت
لو ينكب موية على القير من برا مايتسرب للداخل
فممكن السيارات الجديدة مافيها عازل او مانع لدخول مؤثرات خارجية

[/COLOR]

أكورد فضي @user_16822 صاحب الموضوع · 08-05-2006

مشكور اخوي احمد ولكن على حد علمك هل حصلت هذه المشكله لاحد تعرفه من قبل؟

ahmed1420 @user_5410 · 08-05-2006

نعم احتمال كبير تكون المشكلة من الكهرب بعد الغسيل ... ليش؟ لأن القطع الالكترونية داخل السيارة مع التكييف تصبح باردة وعند الغسيل يحدث تكثف على القطع بسبب الرطوبة وهذا نجعله سبب يمكن أن يؤثر على كهرب السيارة .

والله أعلم

تحياتي |3|