شوركم يا أهل الشروكي في قراند شروكي ليميتد2001..أشششتري؟؟

افالوني @user_18699 · 10-05-2006

سـلخيـر جميعا ...|3|

هاليومين مسسكت معي :D وعزمت ان شالله على جيب شروكي ( وشروكي ليمتد بالذات).. بس بآخذه مستعمل ومضمون...

وانا طالع للصالات في الرياض لفت انتباهي جيب قراند شروكي (ليمتد) أمريكي..

مشالله رزه وقفته.. ونظيف وداخلي بيج نظيف وبعدين ابيض وفل ابوشن وانتو عآآرفين مواصفاته ما يحتآج أشرح..

الزبده انه قال لي الاخ الاردني اللي هنآك انه توه جاي من امريكا صار له 3 ايام تقريبا معروض ويحسب عداداته بالميل والكيلو..

وسعره اعجبني وحسيت انه منآسب بس ما دري يقول 54 الف ريال وممكن يتفاوض << هل هو مناسب ..

علما بأني استغربت وترددت صراحه لما قال لي انه مآآشي 140 الف (ميل) .. بس ما بين عليه الموتر ..:confused:

ويقول انه يسري عليه ضمان 60 الف كم أو خمس سنوات على القير والمكينه والدفرنس الدبل;)

نتوكل ولا اهون..:rolleyes:

عذب الاحاسيس @user_15092 · 14-05-2006

اخي الكريم في موقع مستعمل في قراند شيروكي شخص عارضه

ماشي 155 الف موديل 2000 عليه ضمان مدة سنة عليه لوحات مميزة 555

انباع ب 29500 الله يوفق صاحبه ويبارك لهم

ويرزقك يارب بالموتر الزين

تحياتي

dodge lover @user_25237 · 13-05-2006

أخوي أفالوني الجراند شروكي الأمريكي هو نفس السعودي ولا فرق والسعودية عندنا مايصنعون سيارات عشان نقول سعودي ولا أمريكي جفالي ولا ألماني هذي مجرد ابتكارات شريطية المعارض للعب في أسعار السيارات والضحك على الغلابة الزبائن (ولكن) لا يمنع أني أقولك أن أفضل تشتري سيارة وارد الوكيل في بلدك لأن تاريخها زي ماأسلفت معروف وفرصة تجد سيارة تشتريها من المالك مباشرة .بالنسبة للجراند شروكي المواصفات الأمريكية في الصالات الحاجة الوحيدة الفارقة عن الموجود لدى الوكالة في السعودية وهي ميزة بصراحة لصالح الصالات أنك تلقى جراند شوكي فل كامل ليميتد 8سلنر بس part timeبمعنى أن الدبل مفصول وأنت تتحكم فيه بعكس الموجود لدى الوكيل فالجراند شروكي ليميتد الفل دائما يأتي all time 4*4 يعنى الدبل شابك على طول والوكيل لا يوفر غيره ,المقصود أن الصالا ت تعطيك خيارات أكثر ولله يوفقك .

افالوني @user_18699 صاحب الموضوع · 13-05-2006

هلا مشرفنا العزيز Night Hawk

والله ياخوك الود ودنا بشي وكاله 2006 بعد اضمن وريح راسك..

بس خابر العين بصيره واليد قصيره ..

بس اذا بلقى 2003 بحول الستين وفيها قراند شروكي نظيف بنعزم انشالله ..

شرفني مرورك اخوي Night Hawk

افالوني @user_18699 صاحب الموضوع · 13-05-2006

dodge lover

حبيبي.. مثلك خابر .. شباب والواحد وده ياخذ موتر يريحه شوي.. والامريكان عيال الكلب سياراتهم تفرق في الراحه والمواصفات تفرق عن السعودي واجد (اذا بيفكك الله من الحراره في الامريكي ..)

ابستخير الله ان شالله والله يعوضنا بخير ..

لاهنت اخوي dodge lover

افالوني @user_18699 صاحب الموضوع · 13-05-2006

عذب الاحاسيس ...
مشالله الله يوفقه يستآهل خويكـ اللي دور شوي وتعب بس حصل ووفر كثير اذا ان ال 2001 بـ 54 .. وهذا 2000 ب 30 الف سعر خرررافي .. هذا اذا انه قراند شروكي .. لاريدو او ليمتد كلها سوا فرق بسيط..

الله يوفقك.. عذب الاحاسيس..

بشوف ردود باقي الاخوان يشيرون علي ولا نهون والشكوى لله وندور على غيره .

الغريب ان البياع الاردني متعاون معي اشتريها شكله يبي الفكه منها يقول ما يهمك السياره ماراح تنباع اليومين لما ترد لي ؟؟؟؟

CamSHAFT @user_6565 · 13-05-2006

54 الف؟؟
يا شيخ هذا حده 40 الف وكثير عليه (بتدفع مثلها على المشاكل اللي بتصلحها)
نصيحتي ابعد عنه
وحاول تشوف لك 2003 وفوق

dodge lover @user_25237 · 12-05-2006

أنا رأيي أنك تهون وتشوف مواصفات سعودية لأن تاريخها معروف وستجد نظيف بكثرة وأرخص من الصالات خصوصا الجراند شروكي لأنه غير مرغوب من الشباب وتجد أغلب مستخدميه من الناس الراكدة والمتفهمة ففرصة أن تجد نظيف سهلة جدا في المعارض ,أما إذا جزمت على الأمريكي في الصالات فأنصحك بفحصه جيدا ولا يهمك الضمان في الصالات فهو لغرض تسويقي لا أكثر ولا أقل ,ومن يقارن الجراند شروكي باالتنكه اليابانية الباثفايندر فأقول اللي مايعرف الصقر يشويه .والله الموفق.

عذب الاحاسيس @user_15092 · 12-05-2006

زميل لي اشترى موديل 2000 اللي اعرفه انه شيروكي وبس امريكي ب 30 الف بجدة

السيارة جلد واوتوماتيك ماشاء الله نظييييييييفة

نصيحة السيارة ماشية اكثر من 200 الف وش الفايدة منها

بعدين الضمان اللي بيعطونك اياه قلهم يبلونه ويشربون مويته ماهو بفايدك بشي

اذا ضمان الوكالات مافادنا اجل ضمانهم بيفيدنا

المهم تعب نفسك شوي وان شاء الله تلقى اللي في بالك

والله يوفقك

تحياتي

افالوني @user_18699 صاحب الموضوع · 12-05-2006

اخوي kuwait

مثل ما قلت ما بحثت كثير ( مشكلتي ما احب ابحث وادور اذا ان اسعاره مقاربه يعني ما تفرق الف الفين ريال - اعتبرها دفاعة بلا- )

لكن مع ذلك سأبحث مرة اخرى والله يكتب اللي فيه الخير..

شاكر لك مروركـ..

افالوني @user_18699 صاحب الموضوع · 12-05-2006

اخوي LUMINA 4EVER..

أنا سبق وان وضحت ان اشكاليته بالنسبه لي هو الممشى لكن بما ان عليه ضمان 50 الف كيلو او ثلاث سنوات ويقول منت محتاجه والرجال ثقه ..

الشروكي الكلاسيك قوي بس عيبه غير مريح وهذا الكلام عن تجربه مقارنة باالقراند لمتيد..

لاهنت LUMINA 4EVER ..

افالوني

افالوني @user_18699 صاحب الموضوع · 12-05-2006

اخوي مهووس السيارات..

اذا انك لاقيه بهالمواصفات بحدود 45 الف توصف لي مكانه لا هنت لو برا الرياض انا في الرياض.. بس ما اعتقد القاه بهالقيمه ..
والرغبه هي قراند شروكي ليمتد وليس باثفندر..

تششششكر

kuwait @user_22417 · 12-05-2006

أخوي باين عليك مادورت كثير

ماعليه اتعب شوي ودور وراح تلقى الكثير

يمكن السيارة نظيفه بس ماشية 140 كثير

مايضر اذا لقيت سيارة نظيفه وماشية اقل من هالمسافة

واذا بخاطرك السيارة توكل على الله ولاتاخذ بكلامي

LUMINA 4EVER @user_137 · 11-05-2006

اخوي تبي شورتي عليك من اللي اشوفه

الامريكان سياراتهم نظيفه من من داخل ومن برا بس بطن السياره مافيه عنايه ابد

يعني مثلا فعز البرد والدنيا ثلوج....شغل وحطه ريوس ولا يعترفون بشي اسمه حم السياره ...!!

وغيره كثير ...هذي على السياره ....

اما على سعرها فهو غالي مره..!!

لان زي ماقلت انت 140 اللف ميل!!!!!!!!!!!!!!!!!!!!!!!!!والسياره 2001
يعني عليها مايل عالي على قولتهم هنا ومايطيح سعر السياره الا ممشها خصوصا السيارات الامريكيه...

يعني موديل 2001 وفوق الميه هذا ماخذينه برخص التراب !!

ونصيحتي ابعد عنه وشف لك شروكي سعودي كلاسيك ....اذا انها ماسكه على شروكي

مهووس السيارات @user_4736 · 11-05-2006

أخوي الله يهديك غالي مره سعره مايتعدى بالكثير 45 ألف وتراني عارف السوق زين القيمة اللي هو حاطها تجيب باثفايندرموديل 2002 أو 2003 حسب النظافة