السلام عليكم
نويت بإذن الله أشتري جيب إنفينيتي FX35 إطلعت على الكتالوج و عاينت السيارة عن قرب و أعجبني كل ما فيها ، بس مثل ما تعرفون سياره مثل هذي الواحد لازم يجربها بقيادة تجريبية ، بصراحه كنت ابطلب القيادة التجريبية علشان تحمسني أكثر للإسراع بشرائها ، بس تفاجئت اليوم لما اتصلت على مسؤول مبيعات إنفينيتي و طلبت منه Test Drive (قيادة تجريبية) قال لي أنهم ما يقدمون قيادة تجريبية أبداً ! حاولت افهم منه السبب قال لي ما فيه سبب بس هذا نظام الوكالة ، قلت له طيب اذا السبب انكم ما خصصتوا سيارة للقيادة التجريبية خلني أجرب قيادة اي سيارة من الي في الصيانه او من السيارات المسترجعه لأخطاء تصنيعيه أو من المستعمل أو من الموديلات السابقه ... قال لي ما فيه مجال للأسف ، و قال برضه ما اظن بتحصل شركة تأجير سيارات تأجرك السيارة هذي ! !
إنصحوني يا جماعه وش الحل ، أنا الآن مصر على القيادة التجريبية أكثر ، أخاف ان السيارة فيها مشكلة أثناء القيادة و ما يبون العميل ينتبه لها أو يغير رأيه !!!
كل الي اطلبه قيادة تجريبيه مع أحد الموظفين لمدة ثلث ساعه في الشوارع الي حول الوكالة !
هل برأيكم فيه حل ؟
تحياتي
