رأيكم في لومينا 2006

مافي زعل ياخوك...أهم شي تسمع من كل الاطراف :)

الله يطعمك من خيرها ويكفيك شرها ويهنيك فيها وتستمتع فيها يارب وانشاء الله اسمع السمعة الطيبة عن السيارة عشان اشتري واحده واتمتع فيها واخيرا لك تحياتي والزعل ممنوع يامؤيد ماكلارين اف 1

هل تعلم اني من المعجبين بهذه السيارة اللومينا وكنت اتمنى ان اشتريها اول ماجت السعودية ولكن للاسف كثر الكلام عنها ومشاكلها ولازلت اقول بأني اتمنى ان املكها ولكن عند الحديث عنها الكثير يذم بالمشاكل ولكن من ناحية القوة فلا احد ينكر قوته الجبارة وانا افكر بان اشتري واحده ولكن لا اريد المخاطرة الان لاني ان شريت سوف اشتري جديد لكن علي الانتظار بما اني اسمع الان ان الجودة تحسنت والمشاكل قلت عن السابق وبحكم ماسمعت من بعض الاخوان بالمنتدى والسيارة جميله جدا ورياضية جدا وقوية جدا واتمنى من الجميع ماينشد الموضوع كله مناقشات ووجهة نظر والزعل ممنوع وكله حديد في حديد وتحياتي للجميع

خلاص كلهم مشاكل..المهم انا مرتاح من سيارتي قول ماشاء الله بس :D

نرجع ونقول لكم ان اللومينا كلها مشاكل والكابرس مشاكل في مشاكل هذه حقيقة وليست من نسج الخيال يااخوان اغلب اللي اعرفهم من اصحاب اللومينات والكوابرس يشتكون منها يشتكون منها وكل واحد جربها يقول لي بالحرف الواحد عليها قوة وبس وانتم الان تقولون جودة وتحمل ومافيها مشاكل وانا مافرضت قناعاتي وذوقي على احد تماما مثل ماانت تقول ان اللومينا حلوه وقويه وجودة وسيارة عملية هذه قناعاتك الشخصية و انا هذا رائي الشخصي وانا اعتقد اني حر فيه والسيارة لست انت من صنعها او انا صنعتها انا اتكلم من واقعية من تجارب الاشخاص وليست تجربة شخص او اثنين او ثلاثة حتى اتكلم بهذا الوجهه بل عدد لايحصى ويكفي في كل مجلس وفي كل جلسة يتكلمون عن اللومينا والكابرس حدث ولاحرج عن سلبياتها ومشاكلها وانا جربت الكابرس ال LTZ وماعجبني فيه الا قوته فقط وموضوع الاوبل لماذا لم تنجح عندنا الا لانها فاشله وهي نفس قاعدة الومينا ولكن اسم جنرال كبير ولايستهان به تماما مثل تويوتا وهذا الذي يجعل سيارة تسوق باسمه يكون لها مبيعات على حساب الجودة

وانتم الان تقولون لاتتعصب انا اعصابي هادئة جدا لإني اتكلم بواقعية ولكن الذي يريد ان يعقب على كلامي او معجبه كلامي على انه سلبي بالنسبة له يتكلم بايجابيات السيارة فقط ويترك كلام فيصل على جنب

وقلنا اكثر من مره وجهة نظر واي شخص له الحرية في التحدث في هذا المنتدى وبدون تعصب

ويااخ مؤيد اف1
الكبر لله سبحانه وتعالى

اخ Night Hawk

بلنسبة لااسئلتك
ليش الباجيرو غير متوفر في امريكا؟ لانه غير ناجح والمنافسة قوية وهو خارج المنافسة تماما مثل مافشل عندنا بالسعودية
ليش اللاند GX-R غير موجود في امريكا؟ يوجد بديل لهذه السيارة
ليش اللندكرورز برادو غير موجود في امريكا؟؟ يوجد الكثير من نفس الفئة ولايستحق ان يسوق في اميركا

وبالنسبة لاسلوبك في المنتدى ودخولك على الاسيوي وردودك هذا يرجع لك واسلوبك الخاص بك لاعلاقة لي به وكل شخص له اسلوبه وصعبة انك ترغم احد على اسلوبك وعلى ردودك هذه اشياء شخصية بحته الا في حالة ان الانسان يغلط على شخصك فلك الحق بأن تصحح خطاءه بالكلام الطيب ولك تحياتي

اخ فيصل:
قناعتك لك وانت حر
لكن المشكلة هي انت تجبر الاخرين على قناعتك الشخصية وذوقك؟
يعني انا واعوذ بالله من انا, اكره سيارة اشوفها اللي هي اكورد وكامري
ومع ذلك ادخل بنفسك على مشاركاتي في الاسيوي وشوف ايش اقول فيهم

وبالنسبة عدم وجود الكابرس واللومينا في امريكا ماذا يعني؟؟
(يندرج الجواب في علم التسويق , يعني مو سطر ولا سطرين)
يعني جاوبني انت:
ليش الباجيرو غير متوفر في امريكا؟
ليش اللاند GX-R غير موجود في امريكا؟
ليش اللندكرورز برادو غير موجود في امريكا؟؟

بكل فخر استراليين..اللومينا موجوده على انها بونتياك جي تي او في امريكا..واذا بتقولي تخلف فالله معاك..انا مشارك في منتدياتهم وعارف هالشي..مكابر لاتكابر معاي لاني واثق من كلامي..الفرق بس انه عندهم مكينة 6 لتر واقوى..فقط...



بالنسبه للاوبل صحيح فيها من اللومينا..من الشكل والشاصي..بس مو نفس الشي..جرب سوق السيارتين وبتعرف...وبعدين اذا صارو مثل بعض وين المشكله ؟؟؟؟ مااعتقد لك حق تقول ان في مشكله...لانهم شركتين تبع شركه وحده اكبر منهم..



ماشوف تقول شي عن الفورد الي تستخدم محرك الجاقوار في اللاند روفر...وتستخدم شاصي المازدا 6 في الزافيرا على مااظن...واللنكن نافيجيتور نفس الاكسبيديشن..ويعني ويش صار؟؟

انا ودي احد يقولي ان الكابرس واللومينا 100% صناعة امريكية ماذا كانت الكابرس اللي عندنا الان وماهي اللومينا في الاساس وماذا عن عدم وجود اللومينا والكابرس في امريكا ؟؟؟؟ ارجو اجابة مقنعه لعلي اقتنع واغير من قناعتي الشخصية.

اما من ناحية المشاكل في السيارتين فلا اعتقد انه سوف تتغير قناعتي الا بعد فترة من الزمن لنرى الموديلات الجديدة هل تحسنت في الجودة وانعدمت فيها المشاكل...... وسوف اكون من المشترين لهذه السيارتين

اما عن ان الاوبل الاوميجا بانها تشترك في القاعدة والمظهر الخارجي مع اللومينا فساثبت ذلك لاحقاً بس لعلي اجد هذا الاثبات لأنه من فترة طويلة

فيصل حبيبي..هدي اعصابك ولا تخلي الناس تلعب بمخك..جي ام شرت هولدن من الستينات..مو من 2000 ورايح حسب بعض اقوال النوابغ :D



مسالة ان قليل من السيارات تحصلها نظيفه انا اقولك السبب السايق قبل السياره...صحيح موديلات 2000 فيها مشاكل وبعض 2001 بس الموديلات الجديده عمليه والي يصير فيها خلل هذا من العامل الي جمع السياره في المصنع ولو تلاحظ كل خلل في السيارات الجديده يختلف عن الاخرى...اعرف واحد عنده 2001 اس اس ولاعن خيرها...ركب ارصفه ودعس من قلب على الهاي وي...مايمشي اقل من 220 لان سيارته مفتوحه...ومن السرعه ضرب في طابوقه في الشارع خربت له جنط وكفر و جامبين..صلح الجنط والكفر والجامبين للحين ماصلحه ويمشي عليه فوق ال200 كلم :) بشكل دايم بعد..غير كدا السياره مااشتكت من شي كبير...كلها اشياء بسيطه واستهلاكيه ومن قيادته المتهوره



باختصار هولدن شركه قويه حتى لو تعاونت مع اوبل..كلهم تبع شركه وحده..يوفرو فلوس..والنتيجه وحده...بس ماهم نفس الشي..في اختلاف شاسع...عشان كدا تشوف الاوبل اثبت من اللومينا بفرق كبير...وبازيدك من الشعر بيت..محركات 3.6 لتر...تبع الكاديلاك في الاصل هولدن تصنعه عندها لسياراتها...ومحرك الساب 2.8 تربو هولدن تصنعه ومن تصميمها.. وحاز على جائزة لانه من افضل المحركات...هولدن اكبر مما تتصور بكبير رغم ان الشركه بحجمها صغيرة جدا جداً...لكن يجي منها الكثير...


2003 ورايح الجوده والعملانيه صارت جيده جداً..ومن 2005 بعد اختبارات اضافيه لملاييييييين الكيلو مترات وتطويرات بغلت 200 مليون دولار استرالي..السياره صارت ممتازه..الفلوس ماهي السبب..لان العقول الي في الشركه |13|



الشركه صغيره وميزانيتها ماتجي 5% من ميزانية جي ام الشركه الام |1|




كلامي مافيه تعصب اعتقد كلامك الي فيه مع احترامي لك اخوي العزيز


تحياتي

من قال هذا؟
اول شي نظام التعليق في الاوبل مختلف 100% عن اللومينا,, ولا كيف صارت الاوبل راسية؟؟
الجسم الخارجي لايوجد قطعة مشتركة
القاعدة: قاعدة عجلات الاوبل اطول قليلا من اللومينا



انا قلت لك ان جميع المحركات امريكية
شوف هنا
http://media.gm.com/division/2005_prodinfo/powertrain/engines/05_car_engine_specs.html#ly7

وكون مبيعاتها ليست عالية فاعتقد ان السبب هو انها رياضية وتصرف بنزين, واسعار البنزين في امريكا مو مثل اللي عندنا, وصلت الى 3 دولار للجالون,
ومبيعات جميع السيارات الرياضية والدفع الرباعي قلت بشكل عام وزاد الطلب على السيارات 4 سلندر


حاولت ادور اي شخص يثبت ان الكابرس واللومينا ممنوعة من دخول امريكا (من موقع رسمي أمريكي) ولا حصلت احد
وكذلك سالفة افلاس هولدن,
كلهم ماعندهم مصدر الا الموضوع اللي انتشر قبل 5 سنوات في المنتديات تحت عنوان: فضيحة الكابرس واللومينا,
واذا جاء الصدق ماحولك احد

اجل انت ماعندك معلومات كافية عن شركة هولدن واسباب خسارتها وشراء جنرال موتورز لها وكذلك لاتنسى شراء جنرال ل دايو الكورية اللي سيارتها الان تحت مسمى افيو وابيكا..... اسال وتاكد جيداً من المعلومات واستفسر ثم تعال واضحك وانشاء الله دوم تضحك بالافراح والسرور


اما مسالة انها تتحمل الكرف فدائما شوف الموديلات السابقة مامصيرها وهل هي حتى الان نظيفة...قليل جدا تجد لومينات نظيفة اما السيارة الجديدة فمشاكلها حدث ولاحرج ولكن دائما تجد من يؤيد السيارة حتى لو كان فيها مشاكل لانه يحبها واشتراها من اجل ميوله وولعه بالسيارة لكن اقول كم يقول المثل (( القرد بعين امه غزال ))

معلومة هامة (( لا انكر ان السيارة جميلة وانسيابية وقوية ولكن تفتقد للجودة والتحمل وتظهر مشاكلها بسرعة وللمعلومية هل الاوبل منتشرة طبعا لا علما بان الاوبل اوميجا والومينا تشتركان في القاعدة والجسم الخارجي ونظام التعليق والمظهر العام وتذكرون مشاكل الاوبل وعدم انتشارها ومع ذلك الان اللومينا والكابرس تحت غطاء جنرال كااسم تجد مبيعات لاباس به لا من ناحية الافيو والابيكا ولا اللومينا والكابرس ,,وموضوع GTO هي السيارة الوحيدة التي فقط دخلت لاميركا لاجل انها سيارة رياضية كوبيه ووضع لها محرك اميريكي كي تنجح علما ان مبيعاتها في اميركا ليست عالية


ارجو عدم التعصب بالردود والمسالة مسالة وجهات نظر وقناعة شخصية
وتحياتي للجميع

انا الي يضحكني الي يقول ان جي ام شرت هولدن عشان انها خسرانه :D ...الشركه مبدعه وسياراتها ممتازه حتى لو كانت موديلاتها الاولى فيها مشاكل اما الحاليه ممتازه حتى لو كان فيها بعض العيوب البسيطه لكن السياره عمليه وتتحمل الكرف وقطع غياره في متناول الجميع...حطو ببالكم السياره آله ولازم تغير فيها قطع استهلاكيه وهالقطع عمرها يعتمد على استخدامك..انا عندي اس اس 2005 ماشيه 40 الف كلم..استهلاكيات ماغيرت غير زيت وفلتر وفلتر هواء..فقط حتى فحمات ماغيرت...مع اني راعي مقاوم بشكل متوسط...وياما اكلت حفر بالسياره وعورت قلبي بس السياره ماقالت شي الحمدلله...الي عندي فيها الحين الكفرات يبي لها تغيير لانها انمسحت وتشققت من الحفر :D




السياره بشكل عام |1|



بس مو تاخذها وتعاملها مثل الحمار...لان الحمار نفسه مابيتحمل وبيموت عليك :rolleyes:




اذا كان في السياره مشكله فمشكلتها شوارعنا الممتازه :mad:





تحياتي

توني بكتب الرد نفسه ....|1|

وماعمري سمعت عن سالفه خساره شركه هولدن ....ومااظن ان الشركات الكبيره مثل جي ام وفورد تدور شركات خسرانه ...ويكفي الاسامي الكبيره اللي تملكها جي ام ..

وعليكم السلام
وانا بعد حبيت اعقب على كلامك اخوي فيصل,,
اللومينا SS كوبيه موجودة في امريكا تحت اسم بونتياك GTO
بالنسبة لباقي الانواع اللي هي LS,LTZ,SS
صحيح انهم استراليات,
بس المكينة والقير والدفرنش كله امريكي
مثلا اللومينا V6 مبنية بالكامل على هيكل بويك لا كروس وبويك مونت كارلو
نفس المكينة 3.8-3.6 (القديمة والجديدة) نفس نسب القير نفس كل شي
حتى اني اشتري قطع غيار للومينا امريكية ومكتوب عليهم انها لعدد من سيارات GM
من هذه القطع:
كراسي المكينة- كرسي عمود التوازن- فحمات- واشياء ثانية ناسيها
أطيب تحية
|3|

السلام عليكم

حبيت بس اعقب على معلوماتك حسب معلوماتي المتواضعة:

اللومينا سيارة ((استرالية)) من شركة هولدن بعد خسارتها اشترتها جنرال موتورز موخراً والسيارة ليست اميركية وليست موجودة اصلا في اميركا


وبالنسبة للمظهر الا اس اس والفل كامل فقط والعزم وسعرها مستعملة بالمعارض رخيصه فهذا انا اتفق معك

في الحقيقة والواقع ان الومينا من افضل السيارات الامريكيه من حيث الخدمه وقطع الغيار والعزم والمظهر العام والسعر المناسب

أنا أقول إصبر يالحبيب إلا أن ينزل موديل 2007 لأنه بيتغير ...