المشكله لي تقولو انها في السوناتا 2006

السلام عليكم .....
حبيت اضيف اقتراحي الي هدا الكلام .
احنا في سلطنة عمان مافية معنا هده المشكلة في السونانا والكل يدكرها بالخير وسوقها ماشي اكثر عن الاكورد والكامرى .
اصلا الهايونداي الحين تنافس الشركات الاوربية مثل الب ام والمرسيدس
ومشكورين

السلام عليكم....

أنا عندي سوناتا 2006 وصار لها اربع شهور معاي....فل كامل والحمدلله ما فيها اي صوت

علما بانها ماشيه حوالي 6000 كيلو ورحت فيها للكويت والسرعة 200 وماشاء الله عليها

بس حاب اعرف جنزير التيمن أللي موجود في موديل 2006 حديد أو لا وهل يحتاج إلى تغيير ؟

وكم يكلف تغييره وكم المسافة أللي اغيره فيها؟

للأمانة انا ملاحظ هذا الصوت بس مايطلع الا اذا انعطفت فقط يطلع كانة الهوب جاف والفحمات تحكة تقريبا

حكة الى حكتين سريعة بس اذا كانت السيارة محملة او اذا كنت ماشي عليها كثير مايطلع الصوت ابداً

وماهوب كل المنعطفات او اللفات يطلع فيها لالا فقط اذا جيت مع اللفة وانت مسرع !!!

بس هذا السبب مايحتاج اني اوديها للوكالة (الصيانة) علشان يشوفوها

والله يعطيك العافية عزيزي

هلا اخوي لا لا لا
لاهي حساسه ولا شي
اعرف واحد يخش بي سياراته الطعس
هي قير تبترونك ولا تغرز عليييييه
ماشيه معايه ميه ميه

السلام عليكم

بغيت ابشركم ان مشكلة الصوت اختفت وماعاد لها وجود... بس بغيت اسئلكم هل السيارة حساسة للتراب والغبار ، لانو اول مايجي عج تبدأ تطفي السيارة كل شوية !!! ياريت لو احد صادف هالمشكلة يقولي...

ياهلا اخواني مشووورين بي ردودكم
بس زي ما قلتلكم المشكله تروحخ بعد 15 الف
لين ما يتعوود الياي علي الحركه
يعني هيه مسالت وقت والصووت كلوة راااااح يرووووووووح
ـــ
السوناتا في السرعات العاليه ما تدخل هواااا مررررررررره.
ــــ
يعني المشكله ومافيها انه الياي رياضي وداه في صالح الجميع.
ـــ
مشكوورين علي مرووووووووووووركم
اخوي السفير مشكوور علي تفاعلك

على العموم بغيت افيدكم ... وهذا منتدى الهيونداي http://www.hyundai-forums.com/f70-6g-2006-sonata.htm

وهذا الموقع فيه اشياء تخص السوناتا
http://jerrystout.us/media/hyundai/tsb/index.htm

أخوي *الـسـفـيـر* هذي المشكلة غير مشكلتنا !!!

المشكلة اللي انت حاطها خاصة بال6 سلندر سوناتا وازيرا وهي بخصوص وجود صوت صادر من المكينة .

اما مشكلتنا إلا الآن مالها حل .....

نبي الترجمه اخوي

ونبي الحل باللغه العربيه

وشكرا

السلام عليكم .........

وانا اتصفح منتدى هيونداي الأجنبي لقيت صفحة اتخص هذي المشكلة ... والحل

http://jerrystout.us/media/hyundai/tsb/noise%20from%20bellhousing.pdf

Transaxle = TRANS(MISSION) + AXLE

يا أخي السوناتا حاطين لها يايات رياضيه هذا سبب الصوت وبس.:(

الكامريتهرب هوا على170اما السوناتا 2006 حقتتي مره مشيت عليها 200وما فيها اي تهريب هوا
انا الي قاهرني ما فيها ايرباق

اخوي صلاح
الله يحفضها لي اخووك
ماشالله

شباب انا اخوي معه سوناتا وماشيه 40000 قولو ماشالله


والحمد لله مافيها اي صوت او اي شي قولو ماشالله





تـحـيـاتـي

saleh_ssj

ياهلا اخهواني مشكوورين علي المروووور
اخوي السفير انت اللله يهديك ما تعرف انه البيجو تقيله يعني يبالك موطور قوي مو متل لي عندك انا ما اقول الا الله يعينك ((احسلك زد عزم المكينه)) تصدق من زمان فكرت فيها بس كويس ما اختها .
وبعدين اخوي
تراررااااااااااااا مره لاتقارن السوناتا بي الكامري لانه قبل يومين وانا نازل من جده معه واحد من خوياني معه كامري ايجار 2005
المهم اول مره اسوووق الكامري
صح كنت اعرف انها مي راسيه
بس اكتشفت انها ورق يعني
متلن بي السوناتا 140اخش غرز
امه
الكامري مره محد عندك انا ما اقول الا الله يعين لي معاه كامري
ههههههههههههه موتر في قمه الجرب
ــــــــ
اخوي فواز بس من لمه تلف يسار . انا لي اعرفه انه يطلع في يمين او يسار واكتر شي ادا حملت السياره
بس ياريت تتاكد سياره نازله في الارض شويه ولاا
ـــــــــــــ
انتضر ردود الاخرين

...

الأكورد ما يبيلها حيرة طبعا هي افضل من السوناتا من ناحية تجهيزات السلامة أما هيونداي ما ادري شفيهم صايرين مثل تويوتا وأخس ... والفكتوريا ما اعرف عنها كثير بس اكيد انها مخضرمة وبالرغم من ان شكلها تقليدي وقديم لكن شعبيتها واسعة ومو بعيدة عن الكامري ...

اما البيجو بصراحة ما ألوم سيارتي لأني لعبت لعب بالقير وزين السيارة لسه صابرة وعن نفسي ما عندي مانع في المستقبل آخذ بيجو لكن قير عادي ... اساساً أنا ما يعجبني القير الآتو بس سيارتي أخذتها مستعملة وما كان فيه خيار ثاني ...ولو تركيب القير العادي رخيص كان قلبتها عادي

والله يعينا على الكلية ويخرجنا منها على خير ...

والله يوفقكم بالسيارة الجديدة .

سي يووو

:)

خخخخخخ الله يهديك يالسفير . طلعت فضايحنا :D .. بالنسبة لأخ فسواقته أحسن مني :D
..
السيارات الكورية مثل الياباني .. اللهم فرق ضئيل في السمعة والدليل تشوف الهيونداي والكيا وسيارات الشفر الصغيره الي هي دايو منتشرة أنتشار أكثر من سيارات شركات عريقة ( كالمتسوبيشي والمازدا والسوزوكي والسوبارو )
..
صدقني .. مايعيب السوناتا الا شيء واحد الأيرباقات .. فقط .. والله السياره 100% شكل ومضمون ..
والنوع الي فيه أيرباق واحد غالي 66 الف .. وبيني وبينك هذا مبلغ كبير .. الهوندا الأكورد بـ 68 الف .. ومايحتاج نفتح مواضيع قديمة ونقاشات طويلة بدون أدنى فائدة ..
..
والله الفكتوريا تمام .. وممتازه ويستحيل توقف عند أشارة ماتشوف لك 5 أو 6 من مختلف الموديلات .. قطع متوفرة وتحمل جبار ومريحة وقوية وفخمة وألخ .. تحمل كل المواصفات ولكن مخضرمة ادركت التسعينات والالفية .. ولكن تظل ذات رواج بالسوق .. سرعة التصليح ووفر القطع ورخصها وسهولة بيعها .. وسعر مابعد البيع الفظيع .. للسياره تجعلها السياره رقم واحد في فئتها .. المهم هذا مو موضوعنا ..
..
الكامري سيارة خطيرة وسريعة مافيها أمان .. وبتعطيها شاب عمره 17 ( كملت ) كان كل يوم مانلاقيه الأ من الجبيل للرياض ومن الرياض لجده .. وهيك :D معروفة .. وبعدين الكراون فكتوريا تمسك سعرها أحسن من الكامري وهي جديدة بنفس السعر .. ناهيك عن الفرق الشاسع بين السيارتين .. الكراون فكتوريا 98 لايقل عن 30 الف والكامري 98 ماتقل عن 22 او 23 الف مع ان الفكتوريا سنة من السنين كانت تباع بـ 69 الف بس .. يعني أرخص من كامري جي أل ( شركات شايفة خير الأ هي الفورد يعني ) وقطع غيار الفورد ارخص وتصليحها أسهل ووو في الأصل ماتقارن أبداُ وانا مااعتبر الكامري الموديل الحالي سياره .. الا الجديد فباهر بكل معنى الكلمة ..
..
أحنا لما بنأخذ مستعمل مايقل عن 2003 .. لأن الجديد هلايام ينخاف منه فمابالك بالمستعمل :rolleyes: بس الفورد ماينخاف منه
ورشة أبو السعود وترايستار ماخلوا شيء ..
..
عن طاري البيجو .. واحد من أقاربي معاه 2003 .. مرة شفته وقلت وين سيارتك قال لي بعتها ولاأفكر أخذ مثلها وأذا سالك أي واحد عن البجو قوله لاتأخذها .. ( مع ان فيها مواصفات جبارة ) والسبب كان القير مع ان المحرك 2 ليتر على ماأعتقد .. وقعد فترة على كابريس 87 ويقول هذي المواتر الي ماتخترب والحين فك له مرسيديس E 500 الله يزيده من نعيمه ويرزقنا معاه ..
..
يعني قير الهوندا الاوديسي رخيص .. عمي معاه 2003 ضرب عنده القير وتصليحه بالوكالة 11 الف ريال فقط لاغير
الكابريس الله يذكره بالخير موديل 91 بـ 2500 جديد ويخدم 6 سنين قدام ولو تمشي عليه بدون زيت |1|
ولاتستعجل أنا كمان أفكر أبيع سيارتي بس أذا توظفت وظيفة سنعه براتب مشرف شوي .. لأن بصراحة كسرت ظهري السياره خشنة مرة مرة ماتطاق أبداً مع شوارعنا وفيها كم ملاحظة عن التنسيم وخلافه .. ولكن يعلم الله ماشية معاي زي العسل 118 الف على الكرف ومن الرياض للجيبل ومن الجبيل للخبر ومن ومن غير المشاوير اليومية للعمل في الخبر
يعني السياره مكروفة تمام ويعلم الله في هالليالي المباركة أني مابدلت القماشات الا مرة واحدة وقدام بس ( سيارات جودة بسعر رخيص ) وأفكر بالكامري الجديد او المونديو الجديدة أذا صارت مريحة أو شيء محترم جداً كاللكزس بس
طبعاُ يبغى لها صبر الاخيرة ..
..
والانترا الحالية ممتازة فمابالك بالجديدة وتنفع حق مشاوير الكلية وتستحمل الكرف وقطع رخيصة ومتوفرة .. وكثير ممن وياكم بالكلية معاهم الأنترا خصوص لون أسود ..
..
ولاتنسى تشد على نفسك لأن معاك واحد متخرج من نفس الكلية من ثلاث سنوات ودرست دبلوم كمان برى وللحين ماحصلت لي شغل حتى بـ 3000الالأف .. يعني 5 سنوات دراسة على الفاضي ماخليت مكان ولاشيء حتى في كلية الجبيل قدمت ولافي قبول .. كأنا قلبنا الموضوع مسنجر وهو يتكلم عن مشكلة بالسوناتا .. بس السوالف تأخذك
..
مع الف سلامة