MONDEO _05
هلا والله ..........
اظن المشكلة اللي بالسوناتا مثل تنسيم الهوا في الكامري
ودليلي على تحمل سيارات هيونداي ان الخال عنده كيا كرنفال موديل 2002 ماشي عليه تقريبا 170الف والخال سواقته جنون بمعنى الكلمة وحتى لو معاه عياله يمشي 190 ... وهو يشتغل في الهيئة الملكية وكل يوم يروح ويجي يعني في اليوم يقطع على الأقل 150كيلو غير المشاوير الطويلة ايام العطل وكل هذا مع استخدام ثقيل جداً جداً .. والسيارة يستخدموها اثنين غير الخال ...وفيها مشاكل في العكوس واليايات (يحتاجوا تبديل) وما اخفي عليك المكينة فيها مشاكل لكن مع هذا الإستخدام السيء اعتبرها سيارة قوية خصوصا انها ما دخلت الوكالة إلاّ عشان يرش الواجهية عن العج واذا حس الخال ان القطع الإستهلاكية قربت تنتهي يوديها اقرب ورشة ويبدل القطع
وكذلك صاحب اخوي عنده النترا موديل 2006 قطع عليه 60 الف وباع السيارة لأنه بسافر وترى هو عضو في المنتدى
اما اذا تبي الشور عشان سيارة اخوك انصحك بالفكتوريا لأن فيها ABS وايرباقات اما السوناتا الي بـ50 الف فيها قوة لكن مافيها وسائل سلامة والفكتوريا انسب للواحد عشان يتعلم السواقه بأمان
وليش ما اتفكروا بالكامري! الكامري تمسك سعر اذا بعتوها بعد ثلاث سنين ما بتخسروا فيها كثير ....وصرفية البنزين اقل من الفكتوريا بكثير وفيها ايرباق وABS واضف ان قطع غيارها رخيصة ووكالة عبداللطيف جميل موجودة بالقطيف (وقريبة من بيتكم:D )
الخيارات كثيرة في السيارات المشتعمله بس ما انصحكم بالسيارات اللي ماشية كثير لأن اخوي اخذ كامري موديل 98 وبعد سنة طلعت الخرابات في المكينة وبالأخير بدلنا المكينة والسيارة قاطعة 230الف كيلو
وان شاء الله عن قريب ببيع البيجو بعد ما اخلص من تجهيزها وتنظيفها لأن القير ما يتحمل سواقتي ... والوكالة مايقدروا يفكوا القير ويصلحوه لأنه تبترونيك ... ولو ظلت السيارة عندي بطيح قيرها باقل من سنة وقيمة القير 13 الف .. يعني ابيع السيارة ابرك لي ... وبصراحة كانت غلطتي اني أخذت مكينة حجمها 1.6 عزمها ضعيف وقير توماتيك
واحتمال آخذ النترا
