الفورد راح فيها

ربع الطيارة @user_32179 · 06-07-2006

السلام عليكم ورحمة الله وبركاته

اخواني انا قبل كذا يوم صار لي حادث على سيارتي القراند ماركيز 98 بالخبر بس نحمد الله على السلامة ولكن السيارة جتها الضربة من الزاوية الامامية اللي من جهة السواق والرفرف انعجن كالعجينة اما الكبوت فا انعجنت منه طرف الزاوية بس واللحية بعدد تشققت والفيبر قلاس اللي بين الكبوت والشبك تكسر

المشكلة اني جيت بعض ورش السمكرة صناعية الخليج اللي بالثقبة وقالوا لي الرفرف والكبوت لازم جديد لانه (ما يسمكر )

فا ما ادري هل من المعقول انه مايسمكر خصوصا الكبوت اللي سليم كله بس طرف صغير من الزاوية
وياليت ياخواني تدلوني على ورشة ممتازة وسعر طيب سواء بالخبر والا بالخضرية اللي بالدمام
ولكم جزيل الشكر والعرفان

مجداف @user_32324 · 11-07-2006

الحمد لله على سلامتك ...
سيارتك ماجاها شي جامد لكن تحتاج لورشة كويسة ..عندك الشق اللي في الصدام مثلاً محتاج خياطة من جوا ورشه خفيفة مكان الخياطة وأنتهينا ..الاسطب والرفرف والكبوت خذها من التشليح ولاتقرب التجاري إلا أذا كنت غير مهتم بسيارتك ..لأن التجاري من أي لمسه يتعفط لو تجي بتسكر الكبوت وتضغط عليه بقوة من الإطراف تلقاه يدخل لجوا..والرفرف مثله بعد وحتى الأسطب تشتريه وبعد أسبوع يصير أصفر ولايعمر عندك لأن الشمس تلعب بحسبته ويتكسر!!
خذ من التشليح حتى لو أضطريت تروح للرياض علشان تشتري القطع من هناك لأن السعر بتلقاه بنفس سعر التجاري إذا مكان أرخص !!

CamSHAFT @user_6565 · 09-07-2006

اخوي انتبه من القطع التجارية,,
تراها جدا ضعيفة وما تتحمل الصدمات مستقبلا (لا قدر الله)
زي ماقالو الشباب شوف لك شي مستعمل من التشليح احسن لك
والحمد لله على سلامتك ويفداك الحديد

ربع الطيارة @user_32179 صاحب الموضوع · 08-07-2006

اللي رايح اركبه لها كالتالي:

1- كبوت(تجاري) بـ 475 ريال
2-رفرف (تجاري) بـ 360 ريال
3-دعامية (وكالة) بـ 1300 ريال
4-فيبر قلاس تجاري بـ 140 ريال
5- شمعة + اسطب بـ 400ريال

وشغل الورشة (يمني الله يستر بس) بـ 1000 ريال

يعني كلها بحدود 3500 ريال لكن لو ابي كلش شغل وكالة ابي انقد فوق الـ 6000 ريال وانا اضحك
الله يعين

نواف القانص @user_1951 · 08-07-2006

ياساتر يارب كنت افكر اشتري فورد

اذا كان صدمة بسيطة زي هاذي تكلف 6000 ريال اجل وش بقي من الراتب

انا ما اعتقد انها تكلف 6000 ريال
يمكن 1500 ريال فقط

$المهندس$ @user_18058 · 07-07-2006

اخي الكريم ما يكلف

يعني اسطوب و دعاميه و كبوت

كله من التشليح يطلع عليك مع التركيب 6000 ريال او اقل .

مطفي النور @user_10866 · 07-07-2006

واضح من الصوره ماتنصلح ..

ربع الطيارة @user_32179 صاحب الموضوع · 07-07-2006

اولا اشكر الاخوان اللي شاركوا في هالموضوع
و هذي صورت سيارتي
ارجو تقدير تكلفة تصليح السيارة واللي يعرف ورشة ممتازة بالدمام (الخضرية) او الثقبة (صناعية الخليج) لايبخل علينا
ولكم جزيل الشكر مرة ثانية

$المهندس$ @user_18058 · 06-07-2006

الحمد الله علي السلامه

اخزي السمكره حق طعج صغير او كسر طفيفه اذا انعجان و صعب انا اعتقد انه ما راح يضبط 100% .

الطائر @user_31512 · 06-07-2006

اولاً حمدلله على السلامه

ثانيا كما قال ( مطفي النور ) الصورة ربما سيكون لها فائدة حتى يستطيع الاخوان من تقدير الاضرار الحاصلة

وحسب رائي مر على ثلاث ورش سمكره على الاقل وقارن بين كلامهم

وان وجدتهم متفقين جميعهم على التغيير فكان الله بعونك قم باستبدالها

ولكن قبل قرار الشراء اسأل عن [COLOR="Red"]سعر الجديد وسعر المستعمل

ربما تجد المستعمل في ( التشليح ) بأقل من سعر الجديد بـ 40% على أقل تقدير

وفي كل الاحوال ستقوم بعمل دهان للسيارة سواً كانت القطعه جديدة او مستعمله
وأخبرنا بالاسعار سواً كانت القطع جديدة او مستعمله

حتى يطلع الاعضاء على متوسط الاسعار للفائدة

ملاحظه : بعض الصدمات لصعوبتها يضطر السمكري من وضع كمية كبيرة من المعجون لمعالجة السطح لعدم تمكنه من تسويته بالشكل الصحيح وذلك بسبب كثرة الانطعاجات بالمعدن المراد سمكرته وهذا يعد " غش " وياثر على سعر السيارة عند رغبتك في بيعها مستقبلا بالاضافة إلى انه يحدث بها تشققات بمكان السمكره [/COLOR]

مطفي النور @user_10866 · 06-07-2006

اخوي ليتك مصور السياره علشان نعرف نرد عليك على حسب الصوره,, نتظرك ومشكور على الموضوع..