يا اخوان حبيت اطرح سؤال على اخواننا الذين عندهم خبره في كهرباء السيارة
في يوم من الايام تعطلت سيارتي الكابريس 2000 بدون سبب وكانت المشكلة ان السيارة لا تشتغل يعني تقول البطارية فارغة تماماً او مثل السيارة اذا كانت في d ما تشتغل معك . جيت باكثر من كهربائي قال المشكلة ليست بطارية لان لمبات الطبلون شغالة زي الحلاوة وليست المشكلة ايضا سلف لان السلف بيعطي مقدمات . احترت ويش اسوي وماهي المشكلة بالضبط خايف يكون الكمبيوتر تعطل المهم شحنت السيارة على الوكالة ب 300 ريال
ويا اخوان طلعت المشكلة بسيطة جداً جدا قبل ادخل سيارتي صيانة الوكالة لقيت فلبيني تابع للشركة قبل بدء الدوام عند البوابة فسالته ( قال المشلكة بسيطة اخذ عمود صغير وضرب السلف ضربه خفيفه وقال شغل السيارة ) طلعت السيارة زي الحلاوة وتمام ولم تعد المشكلة ابدا لي الان ما يقارب 9 اشهر . وقال لي الفلبيني اغلب الكابرسات من موديل 2000 الى موديل 2004 مشكلتها نفس الطريقة وقال لا يحتاج الى تغيير السلف لكن اذا سوت الحركة مرة اخرى اضرب السلف ثم شغل السيارة .
ملاحظة : في حركه حلوة جاتني مرة اخرى . السيارة بعد اسبوع ما اشتغلت رجعت نفس الحركة . سويت فيها اني عارف المشكلة واخرجت عمود العفريته وهات ضرب على السلف مر احد الزملاء وقال سلامات ويش المشكلة قلت عطل بسيط وان شاء الله يتصلح المهم قمت اضرب السلف ضرب مبرح وقلت لزميلي شغل السيارة .راح يشغل السيارة ورجع لي وقال يا اخي حرام عليك قاعد تضرب السلف ولعنت والدية . كيف تبغى السيارى تشتغل والقير في ( d ) :D :D حسيت ذلك الوقت طلعت لي اذان:rolleyes: . انتهت النكته |3|
