بسم الله الرحمن الرحيم
اشكركم اخواني الأعضاء على الردود في موضوعي السابق
وأحب اتكلم عن الليغاسي (بعد التجربة)
اللي معي 4 سلندر لون فضي ومن داخل جلد اسود طبعا صدق كل من مدح رساوة السياره وانعطافاتها
صحيح السياره ضيقه من داخل وهذا من عيوبها خلون اذكر العيوب اول:
غير انها ضيقه وأنت داخل السياره تسمع صوت الشارع اللي تمشي عليه بشكل واضع ما أدري ان كان العيب بالكفرات
فيه بعد وان كانت مسألة ذوق انوار المسجل لونها احمر ماهي شينه بقوه لكن....
في شي بنفس وكاله السياره وهو انه دايم الوكاله زحمه ودوامهم قصير جداً من الساعه 7 صباح الى 2ونص الظهر
فإذا دخلت سيارك ياله على اقل تقدير تطلع بعد ساعتين ونص
فيه عيوب بالنسبه لي انا مااعتبره عيوب اللي هي سعر السيارة عند البيع وعدم شعبية السياره
(يعني ماتلقى بالشارع مثلك) بالنسبه لي انا الجمله بين القوسين ميزه ماهي عيب
المميزات:
1-السياره شكله قوي من برا وجوا (مسألة ذوق)
2-بعد مامشيت السياره 1000 مسكت فيها خط الشرقية مشاء الله عليه السياره فيها رساوه وثبات وعند الإنعطاف لايعلى
عليها انا يوم اشتري السياره ماكنت مقتنع مره فيها لكن بعد ما مسكت فيها الخط ما أبي سياره غيرها
3-السياره من داخل تريحك 6سي ديات وكست ومقياس درجه حرارة الخارج وقياس معدل صرفيك للبنزين وكم يمشيك
البنزين من كيلو وعدادين للقياس غير العداد الأصلي فيه شي عاجبني بشكل كبير انه اول ماتشغل السياره يبدأ يحسب
الوقت من تشغيل السياره الى ان تطفيها وكل مامرت ساعه يشر ثانيه او ثانيتين
4-ازرار المكيف والمسجل وغيرها موضوعه بشكل انيق تحس ان كل شي في مكانه
5-انا سمعت من بعض الناس ان السياره تفصل عند 220 فا جيت ابا اجرب على خط الشرقيه جبت فيها 235 وفيها حيل
تجيب 240 الطبلون كله لكن انا هديت (قرب التفتيش ) جت سليمه بدون مخالفه
6-صرفية البنزين زينه يعني قبل الألف عبيتها فل ومشتني 700 وكسور لكن انا ما اتعدى التسعين وبعد الألف عبيتها
فل في المحطه اللي بعد اشارت النسيم ومسكت خط الشرقيه ووصلت للخبر ودوران شوي وتدوير شقق بعدين عبيتها
وكان فيه بالتانكي نص الربع[SIZE="6"] مع المعلوميه ان الفل 31ريال[/SIZE]
7-البوري حقها شبيه ببوري اللومينا يعني حركه ماهو زي باقي اليابانيات
هذا اللي يحضرني في الوقت الحلي وأي سوئال انا حاضر| |3| |3| |3| |3| |3|
))
))
