كيف الحال يا شباب
انا انشاء قريب بشتري سيارة ..:D و والله من زمااااااااااان نفسي في الرانجلر .. و كنت ناوي اشتريه لكن حصلت في موقع جيب انه بيتغير شكله .: . طبعا اكيد شفتو شكله و عروض الفيديو الخاصة بيه .. و الله انه جيب يهوس :eek: .و كمان مرة اخذته تست درايف و سويت تست اجرامي |1| و الله انه ياكل الطريق و العوائق اكل|1| . المهم .. قريت في المنتدى و كمان سمعت انه في مشاكل او عيب مصنعي و هوا انه الصليبة او عمود الكردان دايما ينكسر .. و لمن رحت للوكالة و سألت قالولي انه خلاص تخلصو من هذا العيب في الموديلات الجديدة |3| فهل هذا صحيح؟ طيب و اذا كان فيله مشاكل كثيرة هل تنصحوني اخذ الشيروكي بداله؟ :rolleyes: و كمان هل قطع الغيار متوفرة خارج الوكالة و هل هيا غالية؟ من جد يا شباب ابغى خبرتكم و اذا لكم تجارب شخصية ياريت تحكولي عليها سواء من فلة او مشاكل.. و كمان ياريت اذا في جيوب افضل لكن سعرها قريب منهم تدلوني عليها.
